Śviet55

Kitaj pabudavaŭ i chavaje ŭ tajamnicy pieršy ŭ śviecie «dronanosiec»

Spadarožnikavyja zdymki ŭpieršyniu zafiksavali śpiecyjalny kitajski avijanosiec vyklučna dla dronaŭ, jaki ŭłady Kitaja niekalki hadoŭ aficyjna chavajuć ad śvietu i trymajuć daloka ad asnoŭnych kitajskich portaŭ, paviedamlaje amierykanskaje vydańnie Naval News. Analityki pasprabavali vyśvietlić mahčymyja charaktarystyki «dronanosca».

Spadarožnikavy zdymak ad 6 maja 2024 hoda, zrobleny nad adnoj ź vierfiaŭ raki Janczy ŭ pravincyi Cziansu pobač z Nankinam i Šanchajem. Pad litaraj A paznačany sakretny kitajski «dronanosiec». Krynica: Naval News / SkyWatch, Airbus

U adnoj ź vierfiaŭ raki Janczy pravincyi Cziansu (pobač z haradami Nankin i Šanchaj) spadarožnikami byŭ zafiksavany pieršy ŭ śviecie «dronanosiec» VMF Kitaja — karabiel avijanosnaha typu, jaki pryznačany vyklučna dla zapusku bajavych ci raźviedvalnych dronaŭ roznych pamieraŭ.

Pavodle raźviedki ZŠA i vydańnia Naval News, karabiel byŭ pabudavany jašče ŭ 2022 hodzie i z tych časoŭ jaho isnavańnie Kitajem nijak nie pryznajecca.

«Dronanosiec» źjaŭlajecca čaćviertym pa liku avijanoscam Kitaja i raźmieščany jon «naŭmysna daloka» ad asnoŭnych sudnabudaŭničych zavodaŭ Šanchaja. Aparat nie padobny ni na jaki viadomy zachodni karabiel, adznačajuć analityki.

Pa habarytach jon mienšy, čym zvyčajny avijanosiec. Palotnaja pałuba prykładna na dźvie traciny karaciejšaja i napałovu vuziejšaja za samyja bujnyja ŭzory avijanosnych sudnaŭ. Kanstrukcyja palotnaj pałuby nie dazvalaje adnačasova zapuskać i sadžać aparaty, ale padychodzić dla pastupovaha ŭźlotu i pasadki bieśpiłotnikaŭ ź nieruchomym kryłom i razmacham kryłaŭ da 20 mietraŭ.

«Korpus «dronanosca» taksama niezvyčajny — heta šyroki katamaran. Takaja forma karabla źjaŭlałasia tolki kancepcyjaj, nichto dahetul nie advažvaŭsia padobnaje realizavać. Z-za nizkaści palotnaj pałuby ŭ aparata, chutčej za ŭsio, niama anharaŭ, albo ŭ ich vielmi nievysokija stoli», — analizuje staršy navukovy supracoŭnik Instytuta Mitčeła i były aficer raźviedki VMS ZŠA Dž. Majkł Dam.

Kitajski «dronanosiec». Krynica: Naval News / SkyWatch, Airbus

Majkł Dam miarkuje, što taki aparat nie pryznačany dla praciahłaha viadzieńnia boju i chutčej źjaŭlajecca ekśpierymientalnaj płatformaj dla vyprabavańniaŭ bieśpiłotnikaŭ u mory, abo jon budzie vykonvać inšyja daśledčyja misii.

Kamientary5

  • Ihrek
    17.05.2024
    Dienis Korablev, skorieje prosto "zažali".
  • Litvin
    18.05.2024
    Dienis Korablev, kuda jon moh paviernucca? U naž za bieraha marskoha niama kudy jon supynuŭsia. Chiba trymać u bałtykie i Letuvu atakavać praz mora. Byŭ by smak.
  • Žoŭty
    18.05.2024
    Prydumali karyta z cackami

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł22

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

Čarha lehkavych aŭto na ŭjezd u Polšču ź Biełarusi pavialičyłasia ŭ čatyry razy4

Juryj Čyž pajšoŭ u rasijski sud, kab pazmahacca za svoj małakazavod u Hielendžyku

Jak transhiendar abvaliŭ prodažy samaha papularnaha amierykanskaha piva14

Iłan Mask žorstka vyśmiejaŭ Microsoft za hłabalny IT-zboj5

Śviatłana Cichanoŭskaja sustrełasia ź Viktaram Orbanam23

Nie rabicie hetuju pamyłku ŭ zachoŭvańni chleba5

Nazirajecca maštabny zboj elektroniki pa ŭsim śviecie. Aeraporty admianiajuć paloty13

Kałabaranty z Zaparožskaj vobłaści vydajuć sustreču z pramaskoŭskim biełaruskim aktyvistam Łuščom za aficyjny vizit1

Za dva z pałovaj hady na miažy Biełarusi i ES zahinuli 126 mihrantaŭ2

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł22

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →