Fota: lada.ru

Fota: lada.ru

Madel staraja, cana — novaja

Rasijski aŭtavytvorca zajaviŭ pra poŭnaje adnaŭleńnie vypusku Lada Largus na zavodzie ŭ Ižeŭsku. Raniej Largus vyrablali ŭ Taljaci. U vyniku admovy Renault ad pracy ŭ Rasii vypusk Largus byŭ spynieny praź niedachop kampanientaŭ.

Ciapier ceny na novyja ŭniviersały pačynajucca z 18 200 dalaraŭ za pasažyrskuju viersiju ŭ kamplektacyi Classic. Dla paraŭnańnia, naprykancy 2021 hoda ceny na Largus u Biełarusi startavali z 31 tysiačy rubloŭ, što pa tahačasnym kursie składała kala 12 500 dalaraŭ. 

Fota: lada.ru

Fota: lada.ru

U liniejcy źjavicca elektramabil

Taksama, jak i raniej, madel Largus budzie dastupnaja i ŭ hruzavoj viersii. Da kanca hoda ŭ Ižeŭsku płanujecca vypuścić da 50 000 Largus, uklučajučy i elektryčnuju madyfikacyju e-Largus.

Lada Largus u svaju čarhu zastajecca ŭsio toj ža Dacia Logan MCV, jakaja vyjšła ŭ śviet 18 hadoŭ tamu. U 2021-m Largus taksama pieražyŭ hłyboki restajlinh, atrymaŭšy piaredniuju častku, jak u Dacia Logan druhoha pakaleńnia.

Dacia Logan MCV 2006 hoda. Fota: wikipedia.org / Thomas Doerfer

Dacia Logan MCV 2006 hoda. Fota: wikipedia.org / Thomas Doerfer

A voś z boku i z tyłu sučasnaja Lada Largus amal nie adroźnivajecca ad Dacia Logan MCV 2006 madelnaha hodu.

Čytajcie taksama:

Staryja aŭto ŭ Biełarusi časam kaštujuć u 4 razy daražej, čym u Litvie

Prodažy novych aŭto ŭ Biełarusi vyjšli na davajenny ŭzrovień, ale dola Geely skaračajecca. Čamu tak?

Papularnaść sensarnych panelaŭ u aŭto moža pajści na spad

Клас
3
Панылы сорам
10
Ха-ха
32
Ого
3
Сумна
0
Абуральна
4