Śviet33

Braty Karyčy, zarablajučy ŭ Biełarusi, nabyvali nieruchomaść u Arabskich Emiratach

Ab hetym raskazvaje novaje rasśledavańnie Biełaruskaha rasśledavalnickaha centra.

Bogalyub Karich, Dragomir Karich, Neboysha Karich Bohalub Karič, Drahomir Karič, Niebojša Karič Bahalub Karyč, Drahamir Karyč, Niabojša Karyč
Bahalub Karyč, Drahamir Karyč, Niabojša Karyč. Kałaž: BRC

Sierbsikia biznesmieny braty Karyčy — adny z najbujniejšych deviełapieraŭ u Biełarusi. Ich kampanija Dana Holdings zajmajecca tatalnaj zabudovaj Minska. Siarod najbolš viadomych prajektaŭ — žyłyja kvartały «Minsk Śviet», Vogue i «Park Čaluskincaŭ».

U 2021 hodzie BRC vypuściŭ rasśledavańnie ab tym, jak Karyčy biaspłatna atrymali ziamlu ŭ Minsku koštam kala miljarda dalaraŭ. A ŭ 2022 hodzie raskryŭ schiemu vyvadu ź Biełarusi vyzvalenaha ad padatku prybytku kampanij u 170 miljonaŭ dalaraŭ na karyść Karyčaŭ.

U novym rasśledavańni aŭtary śćviardžajuć, što braty Karyčy, a taksama členy ich siemjaŭ na prybytak, atrymany ŭ tym liku ad supracoŭnictva ź biełaruskimi ŭładami, nabyli šeść kvater na vostravie Pałm-Džumiejra ŭ Dubai.

Palm Jumeirah Pałm-Džumiejra Pałm-Džumiejra
Vid na častku štučnaha vostrava Pałm-Džumiejra. Fota: AP Photo/Kamran Jebreili

Uładalnikam kvatery ŭ 222 kvadratnyja mietry staŭ syn Bahaluba Karyča Niebojša. Za nieruchomaść na 11-m paviersie doma Emerald rezidencyi Tiara ŭ 2019 hodzie było zapłačana 900 tysiač dalaraŭ.

U tym ža kompleksie ŭ 2011 hodzie za 600 tysiač dalaraŭ była nabyta kvatera dla žonki Bahaluba Miłanki. U 2023 hodzie jaje pradali na 150 tysiač daražej.

Akramia hetaha va ŭładańni žonki Niebojšy Karyča biełaruski Ksienii Łuchnovaj-Karyč znachodzilisia apartamienty płoščaju 160 kvadratnych mietraŭ na 13-m paviersie žyłoha kompleksu Oceana Southern. Kuplenaja za bolš jak 700 tysiač dalaraŭ u 2021 hodzie, praz dva hady nieruchomaść była pradadziena za sumu amal u dva razy bolšuju.

Čaćviortaja kvatera naležyć žoncy dvajuradnaha brata Niebojšy Karyča — Mašy Nikalič-Karyč. Jana raźmieščana na 8-m paviersie doma ŭ kompleksie Aquamarine. A płošča kvatery składaje 201 kvadratny mietr.

Krynica: Bayut Area Guides / 3D-vizualizacyja kvatery ŭ kompleksie Aquamarine u rezidencyi Tiara na Pałm-Džumiejra z takoj ža płoščaj i kolkaściu spalniaŭ, jak u Mašy Nikalič-Karyč

Akramia hetaha kvaterami płoščaju ŭ 200 kvadratnych mietraŭ na Pałm-Džumiejra vałodali niepasredna Bahalub Karyč i jaho dačka Danica. Apošniaja paźniej pradała svaju nieruchomaść upłyvovamu emirackamu biznesmienu.

Žurnalisty Centra pa rasśledavańni karupcyi i arhanizavanaj złačynnaści zmahli atrymać kamientary ad advakata Bahaluba Karyča.

Jon paviedamiŭ, što biznesmien pražyvaje ŭ Abjadnanych Arabskich Emiratach amal vosiem hadoŭ, i paćvierdziŭ nabyćcio Karyčam kvatery try hady nazad u Dubai. Pa słovach advakata, kali Bahalub nie zastajecca ŭ horadzie, jon zdaje kvateru ŭ arendu.

Akramia kvater u Arabskich Emiratach, jak pakazała papiaredniaje rasśledavańnie BRC, Karyčy vałodali nieruchomaściu ŭ Łondanie. Siem kvater u stalicy Vialikabrytanii byli aformleny na Dziejana Łazaraviča, muža druhoj dački Bahaluba Karyča Nadziei, i acenieny ŭ prykładna 14 miljonaŭ jeŭra.

U chodzie novaha rasśledavańnia ŭ Łondanie była znojdziena jašče adna kvatera, nabytaja na Dziejana Łazaraviča ŭ 2009 hodzie za 1,5 miljona funtaŭ sterlinhaŭ.

Akramia hetaha ŭ rasśledavańni śćviardžajecca, što źviazanyja z Karyčami kampanii mahli być naminalnym trymalnikam rezidencyi Łukašenki «Uschod». Afšory, na jakija była aformlena rezidencyja, mohuć być źviazanyja z kampanijaj Karyčaŭ Dana Holdings. Prynamsi, pra heta havorać uzajemaraźliki i finansavyja spravazdačy za 2019 i 2020 hady, jakija znajšli siabry Biełaruskaha rasśledavalnickaha centra.

Materyjał ab nieruchomaści Karyčaŭ padrychtavany ŭ ramkach prajektu DubaiUnlocked, udzielniki jakoha raskryvajuć imiony ŭładalnikaŭ nieruchomaści ŭ Dubai, a taksama ŭ partniorstvie z Centram pa daśledavańniu karupcyi i arhanizavanaj złačynnaści pry padtrymcy «Kibierpartyzan».

@nashaniva Pres-sakratarka Łukašenki nosić hadzińnik za 20 tysiač jeŭra #biełaruś #łukašienko #roleksy #našaniva #biełaruśnovosti #biełaruskajamova ♬ orihinalnyj zvuk - Naša Niva. Naviny

Kamientary3

  • daviedka
    14.05.2024
    Oni nie dla siebia starajutsia: vsio dla lubimo priezidienta, členov jeho siemji i śvity...
    Nado žie im vsiem hdie-to otdychať ot biełorusskoho naroda v takom rodnom i blizkom sierdcu Dubaje.
    Aleksandr Hrihoŕjevič, biednyj, pośle Dubaja čuť duba nie dał v kostiumie i dvuch tułupach na Krasnoj płoŝadi.
  • Vład
    14.05.2024
    Oj, a kto eti vsie podiełki Dany pokupajet? Nieužieli nievierojatnyje biełorusy? Nu i k komu prietienzii tohda?
  • Kotya
    15.05.2024
    Vład, prietienzija urovnia «łukašienko do sich por priezidient, jeho vybirajut značit». A hdie pokupať jeŝie? Oni strojat riealno nie očień chorošo, no zastrojŝikov v Minskie niemnoho, a im otdajut odni iz samych udobnych po raspołožieniju kuskov ziemli 

Čamu rasijskija drony stali čaściej zalatać u Biełaruś?3

Čamu rasijskija drony stali čaściej zalatać u Biełaruś?

Usie naviny →
Usie naviny

Minenierha paviedamiła pra adnaŭleńnie elektrazabieśpiačeńnia Mazyra1

Mazyrskaja viertykalščyca dałažyła pra adnaŭleńnie vodazabieśpiačeńnia. U kamientarach joj piarečać

Ad siońnia Litva maje namier uvieści abmiežavańni na ŭjezd aŭto ź biełaruskimi numarami28

Minskaje «Dynama» na apošnich chvilinach prabiłasia ŭ druhi raŭnd kvalifikacyi Lihi čempijonaŭ VIDEA1

Rasijski šachied vybuchnuŭ za 55 km ad Babrujska22

Pasłableńni dla biełaruskich turystaŭ uvodzić Tajłand

Ź biełarusam tydzień niama suviazi paśla taho, jak jon pierasiok miažu z Polščaj1

88-hadovy apalny eks-kiraŭnik «Pinskdreva» Arynič žyvie ŭ Biełastoku ŭ zdymnaj kvatery za košt svajakoŭ2

Pamior Ihar Hips1

bolš čytanych navin
bolš łajkanych navin

Čamu rasijskija drony stali čaściej zalatać u Biełaruś?3

Čamu rasijskija drony stali čaściej zalatać u Biełaruś?

Hałoŭnaje
Usie naviny →