Navuka i technałohii1212

Vučonyja znajšli supraćjadździe ad ałkaholu

Novy hiel niejtralizuje vypiŭku ŭ arhaniźmie. Chutka možna budzie pić kolki chočaš i nie chvalavacca ab nastupstvach dla zdaroŭja?

Vučonyja z Šviejcarskaj vyšejšaj techničnaj škoły Ciurycha ŭ časopisie Nature Nanotechnology raskazali ab svajoj novaj raspracoŭcy — prateinavym hieli, jaki raščaplaje ałkahol u straŭnikava-kišečnym trakcie.

Jak viadoma, bolšaja častka ałkaholu traplaje ŭ kroŭ praź ślizistuju abałonku straŭnika i kišečnika. Papadajučy ŭ piečań, ałkahol pieratvarajecca spačatku ŭ taksičny acetaldehid, a zatym u adnosna biasškodnuju vocatnuju kisłatu.

Acetaldehid moža nanosić škodu jak piečani, tak i inšym orhanam. Kali za karotki čas užyć šmat ałkaholu, piečań moža nie paśpieć pierapracavać taksičnaje złučeńnie ŭ vocatnuju kisłatu, što pryvodzić da intaksikacyi.

Hiel, jaki prydumali vučonyja, pieranosić raspad ałkaholu ź piečani ŭ stravavalny trakt. U vyniku mietabaličnych pracesaŭ dziakujučy hielu acetaldehid jak pramiežkavy pradukt nie ŭtvarajecca, što dazvalaje paźbiehnuć intaksikacyi.

Dla vytvorčaści hielu daśledčyki vykarystali zvyčajnyja syrovatačnyja białki — pabočny pradukt syrarobstva. Ich varyli na praciahu niekalkich hadzin da toj pary, pakul nie ŭtvaralisia doŭhija tonkija vałokny. Zatym vučonyja dadavali sol i vadu ŭ jakaści rastvaralnika. U vyniku vałokny ŭtvarali hiel.

Dla rasščapleńnia hielu byli vykarystany hlukoza, atamy žaleza i nanakrupinki zołata. Hiel prymajuć da ci padčas užyvańnia ałkaholu. U straŭniku zapuskajecca kaskad reakcyj, jakija pieratvarajuć śpirt u vocatnuju kisłatu.

Efiektyŭnaść hielu vučonyja pravieryli na myšach. Adnoj hrupie davali ałkahol tolki adzin raz, druhoj — rehularna na praciahu dziesiaci dzion.

Praz tryccać chvilin paśla adnarazovaha pryjomu ałkaholu prafiłaktyčnaje prymianieńnie hielu źnižała ŭzrovień ałkaholu ŭ myšej na 40 pracentaŭ. Praź piać hadzin — na 56 pracentaŭ u paraŭnańni z kantrolnaj hrupaj. U hryzunoŭ mienš nazapašvaŭsia škodny acetaldehid i značna źnižalisia stresavyja reakcyi ŭ piečani.

U myšej, jakim na praciahu dziesiaci dzion davali ałkahol, byŭ zaŭvažny nie tolki nižejšy ŭzrovień ałkaholu ŭ kryvi, ale i praciahły terapieŭtyčny efiekt hielu. U ich była adznačana značna mienšaja strata vahi ŭ paraŭnańni z kantrolnaj hrupaj, mienšaje paškodžańnie piečani a taksama lepšyja pakazčyki kryvi. Značna mienšyja paškodžańni, jakija zvyčajna vyklikaje ałkahol, mieli i inšyja orhany myšej, takija, jak kasa ci kišečnik, a taksama ich tkanki.

Ciapier kamanda raspracoŭščykaŭ płanuje pravieści vyprabavańni na dobraachvotnikach. Kali hiel padziejničaje na ludziej, jaho možna budzie vykarystoŭvać dla praduchileńnia pachmiella i źmianšeńnia škody ad chraničnaha ŭžyvańnia ałkaholu. Adnak vučonyja źviartajuć uvahu, što hiel efiektyŭny tolki datul, pakul u straŭnikava-kišečnym trakcie jość ałkahol. Jon mała čym moža dapamahčy pry ałkaholnym atručeńni, kali ałkahol trapiŭ u kryvaciok.

Vučonyja źviartajuć uvahu, što vykarystańnie hielu nie dapamoža źniać škodu ad ałkaholu ŭ cełym. Karyśniej za ŭsio ŭvohule jaho nie ŭžyvać.

Kamientary12

  • Kastuś
    14.05.2024
    tak a smysł tohda piť s etim hielem? Vypiť i nie opjanieť? Začiem tohda voobŝie vsiu bodiahu načinať
  • Bondaraŭ, Džejms Bondaraŭ
    14.05.2024
    Heta dla nas, špijonaŭ, raspracavali.
  • Josik
    14.05.2024
    A z rota budzie śmiardzieć? Daišniki adbiaruć paśviedčańnie ŭ takoha pivuna?

Polšča i Biełaruś viaduć pieramovy ab vyzvaleńni Pačobuta. Jak nie budzie vyniku — zakryjuć miežy — Radio ZET6

Polšča i Biełaruś viaduć pieramovy ab vyzvaleńni Pačobuta. Jak nie budzie vyniku — zakryjuć miežy — Radio ZET

Usie naviny →
Usie naviny

Maryja Vasilevič narešcie znajšła pracu. Ź jaje sprabujuć zrabić zamienu Malavanyču14

Dyjasparam pišuć boty i prapanujuć ustupić u Połk Kalinoŭskaha. Raskazvajem, što adbyvajecca i jak abaranicca12

Muzyka Ihar Bancar užo kala hoda bamžuje ŭ Varšavie FOTY30

U Pietrykaŭskim rajonie mužčyna niekalki hadoŭ hulaŭ z sudovymi vykanaŭcami ŭ dahaniałki. Ale ŭrešcie prajhraŭ1

«Dziakuj vam za syna Mikałaja». Boty atrymali novuju mietadyčku adnosna Abielskaj22

Stała viadoma, chto abaraniaŭ Ryka Kryhiera2

Jak Bajden prymaŭ rašeńnie admovicca ad udziełu ŭ vybarach prezidenta ZŠA. Chronika vychodnych1

Rasijski śled u šalona papularnaj hulni Hamster Kombat usio bolš vidavočny1

Na jakich umovach biełarusy mohuć atrymać hramadzianstva Ispanii, Partuhalii, Hiermanii i inšych krain13

bolš čytanych navin
bolš łajkanych navin

Polšča i Biełaruś viaduć pieramovy ab vyzvaleńni Pačobuta. Jak nie budzie vyniku — zakryjuć miežy — Radio ZET6

Polšča i Biełaruś viaduć pieramovy ab vyzvaleńni Pačobuta. Jak nie budzie vyniku — zakryjuć miežy — Radio ZET

Hałoŭnaje
Usie naviny →