Hramadstva99

Azaronak nazvaŭ Mirsalimavu «raspusnaj śvińnioj». Žyhimont: Jon sublimuje

U łukašysckim siehmiencie telehrama niespakojna.

Ryhor Azaronak (źleva) — skrynšot ź videa STB. Elvira Mirsalimava — fota z sacyjalnych sietak

Prapahandyst Ryhor Azaronak znoŭ nakinuŭsia na prarasiejskuju aktyvistku Elviru Mirsalimavu. Čym, miarkujučy pa ŭsim, spravakavaŭ novy kanflikt siarod tearetyčna adnadumcaŭ.

Usio pačałosia z taho, što Mirsalimava prakamientavała ananimnuju prapanovu zakryć jašče adzin prarasiejski kanał. Jano prahučała paśla naviny pra zakryćcio kanała «Zachodnieruskaja Atłantyda». Mirsalimava ŭ adkaz prapanavała «ŭsio zakryć, usich zabaranić, pakinuć tolki Azaronka, Dziermanta, Špakoŭskaha i Piatroŭskaha».

Viadučy STB nie zmoh prajści mima takoha pasta. Jon adreahavaŭ bahatym na abrazy paviedamleńniem, u jakim u hrubaj formie prapanavaŭ Mirsalimavaj zatknuć ziapu.

«Kali možna bačyć ciabie na Danbasie? Navat (praści hospadzie) Fila tam byŭ, a samaja «prarasiejskaja» ni kapiejki nie dała navat», — zadaŭsia pytańniem Azaronak, nazvaŭšy aktyvistku «Mirśvinasabakavaj».

Jon prapanavaŭ Mirsalimavaj «zatknuć sarcirnuju ziapu i nie viakać na Łukašenku, dziakujučy jakomu jana žyvie ŭ mirnym horadzie». A taksama spytaŭ, kali Elviru čakać u Polščy, namiaknuŭšy na adjezd jaje siastry. Azaronak zabaraniŭ Mirsalimavaj «peckać imia Rasiei» i nazvaŭšy aktyvistku «raspusnaj śvińnioj» i raznastajnymi niecenzurnymi vyrazami.

@nashanivanews Azaronak nakinuŭsia na prarasijskuju aktyvistku — što było dalej #azarienok #biełaruś #konflikt #łukašisty #našaniva #biełaruśnovosti #novostibiełaruś ♬ Funny Guy - Parry Music

U zaklučeńnie prapahandyst pierajšoŭ da pahrozy: «Kali nie pazatkniacie podłyja prazachodnija ziapy — sami vinavatyja».

Mirsalimava apublikavała skrynšot paviedamleńnia i pasta Azaronka z podpisam: «uzrovień miestačkovaj žurnalistyki».

Praź niekatory čas za siabroŭku zastupiłasia viadomaja prarasijskimi pohladami mastačka Śviatłana Žyhimont. Spačatku jana spytała, ci nie źjaviłasia ŭ Azaronka hałavakružeńnie ad pośpiechaŭ. A zatym parazvažała ab pryrodzie žurnalisckaha stylu rabotnika STB.

«Adzin razumny čałaviek skazaŭ mnie tolki što, što voś takimi brydkimi vyrazami i ŭčynkami Azaronak sublimuje svaju horyč ad taho, što taksama bačyć usiu našu situacyju, jak jana jość. Ja ź im zhodna. Tak, mienavita sublimuje svaju horyč.

Ryhor, z hetaj situacyi jość vyjście. Jano ciažkaje i balučaje dy nie sulić nijakich bonusaŭ, ale zatoje možna zastacca čałaviekam», — napisała Žyhimont. 

Napiaredadni Mirsalimava zajaviła, što vydaliła svaje profili ŭ fejsbuku paśla danosaŭ z boku jabaciek i telefanavańnia ź milicyi. Aktyvistku raniej dvojčy sudzili pa administracyjnych artykułach, jakija vykarystoŭvajucca ŭ Biełarusi dla baraćby z palityčnymi apanientami. Sa słoŭ Mirsalimavaj, za apošni čas siłaviki zacikavilisia jašče niekalkimi prarasijskimi aktyvistami.

Azaronak pry hetym nie ŭvažaje Mirsalimavu za prarasijskuju: na jaho dumku, za joj staić ruka Zachadu ŭ «hibrydnaj vajnie suprać Biełarusi».

Kamientary9

  • Tataryn
    13.05.2024
    [Red. vydalena]
  • Hy
    13.05.2024
    Žyvie niezaležny Tatarstan!
  • BS
    13.05.2024
    jaki ž hrazny rot u Azaronka. redka ŭ kaho nastolki hrazny.

«Tam dumajuć pra adno — kali ŭsio heta zdarycca». Dzie i ŭ jakich umovach ciapier znachodzicca Ryka Kryhier?3

«Tam dumajuć pra adno — kali ŭsio heta zdarycca». Dzie i ŭ jakich umovach ciapier znachodzicca Ryka Kryhier?

Usie naviny →
Usie naviny

Chto taki Vadzim Krasikaŭ, u jakim tak zacikaŭlenaja Rasija?1

U Kałužskaj vobłaści paciarpieŭ krušeńnie viertalot Mi-28, ekipaž zahinuŭ2

Samaje poźniaje rašeńnie VAR u historyi. Hoł Arhienciny na Alimpijadzie admianili tolki praź dźvie hadziny2

Chto toj chłopiec, jaki padarvaŭ rasijskaha aficera ŭ Maskvie i byŭ aryštavany ŭ Turcyi6

Džo Bajden: Ja pieradaju estafietu novamu pakaleńniu

«Raptam nie pryjšoŭ na pracu, a praz paru dzion jaho zatrymali». Novyja padrabiaznaści pra niemca, prysudžanaha da rasstrełu ŭ Biełarusi1

U Dobrušskim rajonie aśviacili chleŭ z karovami FOTAFAKT7

Biełarus nakarmiŭ vuža rybaj i źniaŭ praces na VIDEA1

U Lachavickim rajonie mužčyna chacieŭ spalić susiedski chleŭ, dy pamyliŭsia budynkam1

bolš čytanych navin
bolš łajkanych navin

«Tam dumajuć pra adno — kali ŭsio heta zdarycca». Dzie i ŭ jakich umovach ciapier znachodzicca Ryka Kryhier?3

«Tam dumajuć pra adno — kali ŭsio heta zdarycca». Dzie i ŭ jakich umovach ciapier znachodzicca Ryka Kryhier?

Hałoŭnaje
Usie naviny →