Nieruchomaść1414

U Biełarusi pradajuć usio bolš kvater z prapisanymi ludźmi. Ale i z hetym jość składanaści

Ludzi, jakija šukajuć sabie kvateru, čaściakom natykajucca na abjekty, u jakich zastajucca prapisanymi ludzi. Vypisać ich składana, bo viartacca na radzimu jany nie źbirajucca.

Ilustracyjny zdymak. Fota: «Naša Niva»

Kvatery ź siurpryzam

Čytačy raspaviali, što padčas pošuku kvatery nieadnarazova sutykalisia z tym, što ŭ pamiaškańniach prapisanyja ludzi, jakija žyvuć za miažoj i nie źbirajucca pryjazdžać u Biełaruś.

«Za čas pošukaŭ užo dvojčy davodziłasia admaŭlacca ad kupli kvatery, choć abodva varyjanty całkam zadavalniali pa stanie i košcie. U abodvuch vypadkach na etapie ŭzhadnieńnia cany vyśviatlałasia, što ŭ ich prapisanyja svajaki haspadara, jakija žyvuć za miažoj», — zhadvaje surazmoŭca. 

Pa słovach čytača, paśla hetych incydentaŭ jon pačaŭ adrazu ŭdakładniać, ci jość u kvatery ludzi, jakich daviadziecca vypisvać praz sud.

«Tady vyśvietliłasia, što takich varyjantaŭ davoli šmat. Asabliva kali kvatera vystaŭlena pa pryvabnaj canie», — kaža mužčyna.

Pa słovach surazmoŭcy, jaho siamja nie hatovaja kuplać kvateru z prapisanymi ŭ joj ludźmi, choć zakon hetaha nie zabaraniaje, a ryełtary kažuć, što heta davoli raspaŭsiudžanaja praktyka ŭ apošnija hady.

Kvatera musić pradavacca z dyskontam

Słovy čytača paćviardžajuć i ryełtary, jakim my patelefanavali pad vidam patencyjnych klijentaŭ. U adnym z ahienctvaŭ nam paviedamili, što biez prablem voźmucca za prodaž kvatery z prapisanymi ludźmi, maŭlaŭ, my daloka nie pieršyja.

Ryełtar adrazu papiaredziŭ, što takija kvatery treba vystaŭlać pa canie, jakaja budzie na 10% nižejšaj za rynkavuju, kab u pakupnika była matyvacyja zajmacca sudovym pracesam.

Ilustracyjny zdymak. Fota: «Naša Niva»

U inšym ahienctvie nam taksama adkazali, što pracujuć ź nieruchomaściu, u jakoj zastajucca prapisanymi ludzi. Pa słovach ahienta, prosta ciapier u jaho ŭ prodažy dva takija abjekty, jašče adzin niadaŭna byŭ pradadzieny.

Ryełtar taksama papiaredziŭ, što takija kvatery pradajucca minimum na 1-2 tysiačy dalaraŭ tańniej za rynkavy košt.

Pry hetym śpiecyjalist źviarnuŭ uvahu na toje, što kala miesiaca tamu pradavać kvatery z prapisanymi ŭ joj ludźmi stała składaniej.

Patrebny dazvoł ad svajakoŭ

«Kali zarehistravany niejki čužy čałaviek, to haspadar moža biez prablem vypisać jaho praz sud i spakojna pradavać kvateru. A kali heta muž, žonka, syn ci dačka, to ŭžo składaniej. Vypisvać ich daviadziecca ŭžo novamu ŭłaśniku žytła. Ale dla taho, kab pradać nieruchomaść, prapisany blizki svajak musić dać zhodu na prodaž žytła, u jakim jon prapisany. Taki dazvoł prapisany ŭ biełaruskaj kvatery svajak moža zrabić z-za miažy i pieradać jaho ŭ Biełaruś.

Ale ź miesiac tamu adbyłasia narada, padčas jakoj nataryusam spuścili zabaronu na afarmleńnie ździełak ź nieruchomaściu, kali dazvoł na zhodu ad prapisanaha svajaka byŭ aformleny za miažoj.

Tamu ciapier ździełki z takoj nieruchomaściu možna rabić tolki praz BTI, bo prynamsi pakul tam biez prablem prymajuć zhody, aformlenyja ŭ inšych krainach», — patłumačyŭ śpiecyjalist.

Ilustracyjny zdymak. Fota: «Naša Niva»

Niehałosnyja ŭkazańni vyšejšyja za zakon

Pa jaho słovach, nataryusam zahadali spasyłacca na normu, jakaja dazvalaje pradavać kvatery tolki na padstavie davieranaści, zroblenaj na terytoryi Biełarusi.

«Choć u zakonie čornym pa biełym prapisana, što heta norma tyčycca tolki davieranaściej na prodaž žytła, na praktycy hetyja patrabavańni nataryusy pačali prymianiać i na zhody na prodaž, choć zakon taho nie patrabuje.

Tamu prodaž takich kvater ciapier adbyvajecca vyklučna praz BTI», — patłumačyŭ śpiecyjalist.

Nahadajem, 4 vieraśnia 2023 hoda Łukašenka padpisaŭ ukaz, zhodna ź jakim ažyćciaŭlać ździełki ź nieruchomaściu možna tolki na padstavie davieranaści, vypisanaj niepasredna na terytoryi Biełarusi. Razam z hetym biełarusy zhubili mahčymaść rabić za miažoj novyja pašparty i pravodzić šerah inšych administracyjnych pracedur. 

Admietna, što paśla padziej 2020-2022 hadoŭ u Biełarusi rezka pavialičyłasia kolkaść ździełak ź nieruchomaściu, jakija ažyćciaŭlalisia na padstavie davieranaściej. Ździełki ź nieruchomaściu pa davieranaści ŭ 2019 hodzie składali ŭsiaho 3-5%, u 2021-2022 ich kolkaść vyrasła da 10-15%, viasnoju 2023 hoda dola takich ździełak padskočyła da 30%.

Kamientary14

  • Ameryha vas Pučyt
    16.05.2024
    Da ŭ jentaj kvatery 9 młn. prapisana. I čyvo sičas Chitrazačonamu mišait pradavać?
  • :/
    16.05.2024
    [Red. vydalena]
  • lebiadinaja voziera
    16.05.2024
    nu. što mišait hraždanu? pradavać jajki - lišyć zavočna hraždanstva dy usio

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

Čarha lehkavych aŭto na ŭjezd u Polšču ź Biełarusi pavialičyłasia ŭ čatyry razy5

Juryj Čyž pajšoŭ u rasijski sud, kab pazmahacca za svoj małakazavod u Hielendžyku

Jak transhiendar abvaliŭ prodažy samaha papularnaha amierykanskaha piva15

Iłan Mask žorstka vyśmiejaŭ Microsoft za hłabalny IT-zboj5

Śviatłana Cichanoŭskaja sustrełasia ź Viktaram Orbanam23

Nie rabicie hetuju pamyłku ŭ zachoŭvańni chleba5

Nazirajecca maštabny zboj elektroniki pa ŭsim śviecie. Aeraporty admianiajuć paloty13

Kałabaranty z Zaparožskaj vobłaści vydajuć sustreču z pramaskoŭskim biełaruskim aktyvistam Łuščom za aficyjny vizit1

Za dva z pałovaj hady na miažy Biełarusi i ES zahinuli 126 mihrantaŭ2

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →