Maskva pahraziła jadziernym udaram pa ŭkrainskim aeradromie, dzie buduć bazavacca F-16
Rasijskaje Ministerstva zamiežnych spraŭ vydała zajavu, u jakoj siarod inšaha zakranuła pytańnie pieradačy zachodnimi sajuźnikami Ukrainie samalotaŭ F-16. U zajavie ŭtrymlivajucca namioki na toje, što hetaja pieradača moža być nahodaj dla zastasavańnia jadziernaj zbroi.
«U najbližejšy čas čakajecca źjaŭleńnie na ŭkrainskim teatry vajennych dziejańniaŭ šmatfunkcyjanalnych samalotaŭ F-16 amierykanskaj vytvorčaści.
Jak nieadnarazova zaśviedčvałasia z rasijskaha boku, my nie možam ihnaravać toj fakt, što hetyja avijasrodki adnosiacca da płatformaŭ padvojnaha abstalavańnia — niajadziernaha i jadziernaha. Samaloty mienavita hetaha typu doŭhija hady składali asnovu avijaparku, jaki zadziejničajecca ŭ tak zvanych «sumiesnych jadziernych misijach» NATA.
Biezadnosna taho, u jakoj mienavita madyfikacyi buduć pastaŭlacca hetyja samaloty, budziem usprymać ich jak nośbitaŭ jadziernaj zbroi i razhladać hety krok ZŠA i NATA jak metanakiravanuju pravakacyju», — zajaŭlaje rasijskaje MZS.
Kamientary