Pradać kvateru nielha, baćka pavinien pracavać — novyja ŭmovy siamiejnaha kapitału ŭ Biełarusi
Źmieny nabuduć moc z 28 traŭnia.
U Biełarusi ŭstupajuć u siłu novyja ŭmovy naznačeńnia i daterminovaha vykarystańnia siamiejnaha kapitału.
Pa novych praviłach, dla atrymańnia siamiejnaha kapitału pracazdolny baćka pavinien pracavać. Taksama jaho zaniataść budzie ŭličvacca pry daterminovym vykarystańni kapitału, piša «Viačerni Hrodna».
Tak, kali siamja źbirajecca nakiravać srodki na kuplu žylla, miedycynskija pasłuhi abo adukacyju da paŭnalećcia dziciaci, to baćka abo ajčym pavinien pracavać nie mienš jak 12 miesiacaŭ za apošnija dva hady.
Akramia taho, pradavać kvateru ci dom, nabytyja z pryciahnieńniem siamiejnaha kapitału, budzie zabaroniena.
Daterminova vykarystoŭvać kapitał na nabyćcio žylla možna budzie tolki ŭ tym vypadku, kali siamji nie chapaje kvadratnych mietraŭ. Norma ŭstanoŭlena na ŭzroŭni 10 «kvadrataŭ» na čałavieka ŭ Minsku i 15 «kvadrataŭ» u astatniaj Biełarusi.
Novyja normy ŭstupajuć u siłu 28 traŭnia. Usie zajavy na daterminovaje vykarystańnie siamiejnaha kapitału, padadzienyja da hetaj daty, buduć razhladacca pavodle raniejšych praviłaŭ.
U Biełarusi siamiejny kapitał pryznačajecca pry naradžeńni treciaha i nastupnych dziaciej. U 2024 hodzie jon składaje 31480 rubloŭ.
Łukašenka zaklikaŭ praŭładny Biełaruski sajuz žančyn stać ścianoj na šlachu «čajłdfry i inšych vyčvarenstvaŭ»
U Minsku źjavicca adziny internet-partał sacyjalnych pasłuh
«Mianie nie ŭsprymajuć jak muža i baćku. Ja pieratvaryŭsia ŭ miašok hrošaj». Advarotny bok žyćcia hastarbajtaraŭ, pra jaki nie havorać uhołas
Kamientary