U Minsku pradajuć kvateru ź vidam na KDB. Kolki prosiać za «stalinku» z terasaj?
Vid na praśpiekt, ale jość niuans.
Ahulnaja płošča adnapakajovaj kvatery, jakaja pradajecca ŭ Minsku pa adrasie praśpiekt Niezaležnaści, 14, składaje 42 m². Jana na apošnim paviersie šaścipaviarchovaha doma. Admietna, što ŭ domie niama lifta.
Vyšynia stolaŭ u kvatery 3,07 mietra. Płošča kuchni — 13,2 m², płošča žyłoha pakoja — amal 16. Prybiralnia i vanny pakoj u roznych pamiaškańniach. U kvatery staryja draŭlanyja aračnyja vokny.
Ramont, pa ŭsioj bačnaści, apošni raz rabili jašče pry Savietach. Padača vady i kanalizacyjny źliŭ u kuchni znachodzicca pamiž uvachodnymi dźviaryma i kładoŭkaj, sama rakavina adsutničaje. Z dabrotaŭ cyvilizacyi tolki staraja kuchonnaja plita i vyciažka.
Tamu novym haspadaram daviadziecca hruntoŭna ŭkłaścisia pierad tym, jak zajechać u novuju kvateru.
Hałoŭnaja fiška hetaj «stalinki» — prastornaja terasa, jakaja vychodzić na praśpiekt Niezaležnaści. Ź jaje adkryvajecca vid na budynak KDB.
Prosiać za adnapakajoŭku ŭ centry biez mebli, sučasnaha ramontu i lifta 99 900 dalaraŭ.
Kamientary