Hramadstva1313

U Biełarusi źjavicca «Radyjo Šanson». Zdavałasia b, pryčym tut Hanna Siałuk?

U Biełarusi źjavicca svajo «Radyjo Šanson». Jano płanuje pačać kruhłasutkavaje viaščańnie ź vieraśnia. Licenziju na viaščańnie sioleta ŭ sakaviku atrymała pryvatnaja firma «Muzyčnaja častata», paviedamlaje «Biuro».

 Hanna Siałuk

Kampanija zarehistravanaja ŭ kancy maja 2023 hoda i paśpieła ŭžo zapuścić dźvie radyjostancyi — «Supier FM» i «Dušeŭnaje radyjo». Letaś «Muzyčnaja častata» zarabiła amal 200 tysiač rubloŭ čystaha prybytku (bolš jak 60 tysiač jeŭra).

Chto ž staić za hetaj davoli paśpiachovaj firmaj? 21% kampanii znachodzicca va ŭłasnaści Respublikanskaha kulturna-aśvietnickaha centra Upraŭleńnia spravami Łukašenki (kancertnaja zała «Minsk»). Jašče 30% — u dziaržpradpryjemstva «Dom presy», jakoje naležyć Ministerstvu infarmacyi. I 49% vałodaje TAA «Muzyčnaja miedyjakampanija».

 

Raniej rasśledavalniki vyśvietlili, što pasadu namieśnika dyrektara ŭ miedyjachołdynhu «Muzyčnaja miedyjakampanija» zajmaje Taćciana Kułakova. Heta rodnaja siastra Hanny Łukašenki, žonki Dźmitryja Łukašenki.

Hanna Łukašenka piša teksty piesień artystam miedyjachołdynha pad psieŭdanimam Hanna Siałuk. Na jaje rachunku ŭžo 115 piesień, u tym liku himn prakuratury, kampazicyi pra Minski matorny zavod i Pałac respubliki, a taksama bieśśmiarotnyja chity, pryśviečanyja śviokru: «Ach, Alaksandr» i «Canicie sapraŭdnaha mužčynu».

 «Muzyčnaja miedyjakampanija» naležyć Pałacu respubliki Kiraŭnictva spravami Łukašenki (30%) i pryvatnaj kampanii «ANSŁ pradakšn» (70%).

Apošniaja zapisanaja na Andreja Urubleŭskaha (95%) — adnaho z padnačalenych Dźmitryja Łukašenki. Imavierna, Urubleŭski vykonvaje ŭ «ANSŁ pradakšn» funkcyju naminalnaha ŭładalnika, kab schavać udzieł u kampanii žonki svajho patrona.

Abrevijatura ANSŁ vielmi nahadvaje inicyjały žonki siaredniaha syna Łukašenki — ANna (pa-rusku) Sjarhiejeŭna Łukašenka.

Darečy, niadaŭna Hanna Siałuk (Hanna Łukašenka) stała łaŭreatam rasijskaj premii «Šanson hoda — 2024». Zasnavalnikam muzyčnaj premii vystupaje rasijskaja «Radyjostancyja Šanson», jakuju ŭ 2015 hodzie vykupiŭ rasijski aliharch i siabar Łukašenki Michaił Hucaryjeŭ.

Jašče adzin novy ŭładalnik «ANSŁ pradakšn» — Dźmitryj Pietraško (5%). Poŭny jahony ciozka kiravaŭ firmaj «Jeŭrapłastprajekt», jakaja zajmałasia vytvorčaściu, prodažam i ŭstanoŭkaj voknaŭ PVCH. 

U 2022 hodzie «ANSŁ pradakšn», miarkujučy pa buchhałtarskaj spravazdačnaści, praktyčna nie viała nijakaj dziejnaści — u jaje nie było vyručki. Isnavała arhanizacyja za košt kredytu ŭ pamiery 40 tysiač rubloŭ i skončyła finansavy hod sa stratami ŭ 13 tysiač rubloŭ.

Takaja situacyja skłałasia i ŭ 2023 hodzie. Kampanija spracavała z vyručkaj u 2 tysiačy rubloŭ i stratami ŭ 67 tysiač rubloŭ. Raschody kampanii pakryvalisia za košt kredytu ŭ 105 tysiač rubloŭ. Pry hetym na bałansie «ANSŁ pradakšn» pad kaniec finansavaha hoda akazałasia bolš za paŭtara miljona rubloŭ. Hetaja suma paznačanaja buchhałteryjaj jak «dachody budučych pieryjadaŭ».

 «Muzyčnaja miedyjakampanija» — jašče bolš prybytkovaje pradpryjemstva. U 2023 hodzie vyručka firmy skłała 6,5 miljona rubloŭ, abo krychu bolš za 2 miljona jeŭra, — heta ŭ 33,5 razu bolš, čym u 2022 hodzie. Čysty prybytak kampanii ŭ 2023 hodzie dasiahnuŭ amal 1,5 miljona rubloŭ, abo 450 tysiač jeŭra, suprać 100 tysiač rubloŭ prybytku (bolš jak 36 tysiač jeŭra) za 2022 hod.

@nashanivanews Niaviestku Łukašenki nazvali zmaharkaj i dziaržpieravarotčycaj #annasiełuk #łukašienko #aleksandrłukašienko #biełaruś #biełaruśnovosti #našaniva #baťka ♬ Funny Guy - Parry Music

 

Kamientary13

  • Jankiel
    03.05.2024
    [Red. vydalena]
  • daviedka
    03.05.2024
    V čiesť etoho znamienatielnoho sobytija priedłahaju vziať novyj tvorčieskij psievdonim Anna Šansońjetka.
  • daviedka
    03.05.2024
    Na prošiedšiem niedielu nazad konciertie dla dielehatov VNS nie uvidieł ni odnoj pieśni Anny Siełuk. Popała v opału?

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie2

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj16

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie18

Polšča raspačała palavańnie na kampanii, jakija abychodziać sankcyi suprać Biełarusi i Rasii1

Łukašenka zahadaŭ adpraŭlać na likvidacyju nastupstvaŭ urahanu palitźniavolenych18

«Pa vychadnych navat čerhi». U Minsku adkryłasia «kaśmičnaja» zona adpačynku ź biaspłatnym viarovačnym haradkom

U Lvovie stralali ŭ palityka Irynu Faryjon. Jana ŭ krytyčnym stanie18

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →