Hramadstva1515

Sachaščyk patłumačyŭ, navošta pisaŭ svoj sakretny list pra ataki bieśpiłotnikaŭ pa Biełarusi

Valeryj Sachaščyk vydaŭ zajavu ŭ suviazi sa svaim listom ad 23 krasavika, jaki pieraścierahaŭ ad mahčymych pravakacyj suprać biełaruskich abjektaŭ krytyčnaj enerhietyčnaj infrastruktury. Paśla štości padobnaje havaryŭ padčas vystupleńnia na Usiebiełaruskim narodnym schodzie staršynia KDB Ivan Cierciel.

Valeryj Sachaščyk. Fota Ofisa Śviatłany Cichanoŭskaj

Pavodle taho lista, jaki trapiŭ da žurnalistaŭ telekanała «Biełsat», nibyta biełarusy ź Litvy i Polščy, jakija źviazanyja z «Paspalitym rušańniem» i «Lićvinami» (dobraachvotnickaje abjadnańnie biełarusaŭ u Litvie), rychtavali ŭdarny bieśpiłotnik dla taho, kab atakavać abjekty enierhietyčnaj infrastruktury ŭ Biełarusi. Valeryj Sachaščyk, kali žurnalisty «Biełsata» jaho zapytalisia, ci nie fejk heta, paćvierdziŭ, što list sapraŭdny, ale vielmi prasiŭ jaho nie publikavać, a ad inšych kamientaroŭ tady admoviŭsia.

Pavodle ciapierašniaj zajavy Sachaščyka, pahroza pravakacyi, pra jakuju pisałasia ŭ liście, sapraŭdy isnavała. Adpaviednuju ž infarmacyju jon nibyta atrymaŭ «z aficyjnych krynic u kampietentnych viedamstvach šerahu zachodnich krain».

Metaj ža lista było apaviaščeńnie pra mahčymyja nastupstvy «ŭsich, chto moh być niejak źviazany z hetaj situacyjaj».

«My nie abvinavačvali i nie škodzili imidžu adrasataŭ, a naadvarot, zrabili ŭsio, što ŭ našych siłach, kab praduchilić vielmi niehatyŭnyja dla ich nastupstvy z boku zachodnich krain-partnioraŭ, pryčym vyklučna ŭ kanfidencyjnym paradku», — padkreślivaje Sachaščyk.

Pavodle jaho, «havorka išła pra prafiłaktyčnaje pravavoje infarmavańnie, abaronu žyćciaŭ biełarusaŭ i praduchileńnie vajennaj eskałacyi, jakaja vyklučna ŭ intaresach Rasii».

Pry hetym Sachaščyk abiacaje, što «my i ŭ dalejšym praciahniem vykonvać svaje abaviazki pa praduchileńni lubych pravakacyj, zdolnych nanieści škodu biełarusam i hulać na ruku režymam Łukašenki i Pucina».

Što da škody ahulnaj spravie, to jana naniesienaja była, ale «nie našym dakumientam, a asobami, jakija arhanizavali jaje ŭciečku ŭ ŚMI i KDB, a taksama dapuścili publikacyju dakumienta».

Śpiecsłužby ž Łukašenki, pa słovach Sachaščyka, «u svaju čarhu, pa daŭniaj tradycyi nie prydumali ničoha lepš, čym maksimalna razdźmuć uzrovień pahrozy i prypisać sabie niejkija «vostryja čekisckija mierapryjemstvy» dla ptušački i premii».

Na zakančeńnie Sachaščyk zaklikaje niezaležnyja biełaruskija ŚMI «nie publikavać dakumienty z hryfam sakretnaści i nie pravakavać tym samym kanfliktnuju situacyju ŭnutry demakratyčnych sił». 

Kamientary15

  • Pieršaja publikacyja
    30.04.2024
    Dakumient apublikavaŭ nidzie nie pracujučy błohier Vital Kandracienka, na svaim kanale Osint phoenix. Jaki pražyvaje ŭ horadzie Užhorod. I žyvie "na danaty". Chto i jamu danacić i za raźmiaščeńnie jakoj infarmacyi, pravieryć niemahčyma.
    Naprykład, adnojčy jon vielmi aktyŭna pościŭ Valeryja Capkału i Dźmitryja Bałkunca. A jany adnačasova repościli jaho.
    Raniej kanał Vitala Kandracienki mieŭ nazvy "Ostorožno, virus", "Ostorožno, Virus svobody", "Virus svobody".
    https://m.nashaniva.com/337253/
  • Zmahar
    30.04.2024
    Kali Sachaščyk atrymaŭ infarmacyju z aficyjnych krynic Zachadu, to navošta było tamu ž Zachadu pisać piśma?
    Pry ŭsioj pavazie, vyhladaje jak fakap Sachaščyka, jakomu skarmili fejkavuju infu, jon čamuści ŭ jaje pavieryŭ, i ŭ vyniku jaho pisiem była sproba dyskrydytacyi paspalitaha rušańnia i lićvinaŭ.
    Ja suprać sračaŭ, i razumieju što kdbšniki chutčej za ŭsio i stajać za "źlivam" hetaj infy z "aficyjnych krynic". Ale nie zrazumieła čamu Sachaščyk jak łapuch vieryć u hbšnyja nakidy?
  • Čytač
    30.04.2024
    Dzie možna pabačyć hety cudoŭny list zdolny paškodzić biełarusam Sachaščyku i Ciercielu hulać na ruku režymam Łukašenki i Pucina?

Jarmošyna raskazała, kaho dapuściać da ŭdziełu ŭ vybarach-202512

Jarmošyna raskazała, kaho dapuściać da ŭdziełu ŭ vybarach-2025

Usie naviny →
Usie naviny

U Minsku na dziaŭčynu, jakaja viartałasia ź plažu, upała dreva. Jana zahinuła3

Češka Barbara Krejčykava pieramahła na Uimbłdonie-2024

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»28

Urahan źmioŭ kiempinh na Vilii, paviedamlajuć pra zahinułaha3

U Minsku štorm vyryvaŭ drevy i rujnavaŭ rekłamnyja ščyty FOTY i VIDEA15

Pa Biełarusi kocicca niepahadź, mocnyja viatry i zalevy FOTY i VIDEA2

U minčuka skrali rečy, pakul jon kupaŭsia ŭ Cnianskim vadaschoviščy

«Kachańnie ŭsiaho majho žyćcia». Aryna Sabalenka paćvierdziła svaje adnosiny z brazilskim biznesmienam16

«Bunt» z-za rajona, čaŭnaki na paŭzie i los staroha parku. Čym žyvie samy zachodni horad Biełarusi?

bolš čytanych navin
bolš łajkanych navin

Jarmošyna raskazała, kaho dapuściać da ŭdziełu ŭ vybarach-202512

Jarmošyna raskazała, kaho dapuściać da ŭdziełu ŭ vybarach-2025

Hałoŭnaje
Usie naviny →