Hramadstva2727

Apovied Cierciela pra ataku dronaŭ ź Litvy moža być zasnavany na liście Sachaščyka?

U rasparadžeńnia «Biełsata» trapiŭ list na błanku Departamienta nacyjanalnaj biaśpieki ŭ składzie Abjadnanaha pierachodnaha kabinieta za podpisam Valeryja Sachaščyka, dzie napisana, što jość infarmacyja pra płanavanyja napady na abjekty krytyčnaj enierhietyčnaj infrastruktury Biełarusi.

Valer Sachaščyk. Fota: OSC

Nibyta biełarusy ź Litvy i Polščy, jakija źviazanyja z «Paspalitym rušańniem» i «Lićvinami» (dobraachvotnickaje abjadnańnie biełarusaŭ u Litvie), rychtujuć udarny bieśpiłotnik dla taho, kab atakavać abjekty enierhietyčnaj infrastruktury ŭ Biełarusi. Valery Sachaščyk paćvierdziŭ, što hety list sapraŭdny, ale vielmi prasiŭ jaho nie publikavać (list znachodzicca ŭ rasparadžeńni redakcyi «Biełsata»). Ad inšych kamientaroŭ «Biełsatu» jon admoviŭsia.

«Biełsat» źviarnuŭsia da arhanizacyjaŭ, jakija zhadvajucca ŭ liście, kab vyśvietlić, što jany pra heta dumajuć.

«List nijaki nie atrymlivali. Kłub źjaŭlajecca aficyjnaj niedziaržaŭnaj arhanizacyjaj i supraćpraŭnych dziejańniaŭ nie dapuskaje», — adkazali «Biełsatu» ŭ pres-słužbie kłuba «Lićviny».

U pres-słužbie «Paspalitaha rušańnia» adkazvali krychu daŭžej:

«My atrymali hety dakumient ad siabraŭ (jakija kamunikavali z Departamientam nacyjanalnaj biaśpieki) «Paspalitaha rušańnia».

Była praviedziena ŭnutranaja pravierka, jakaja vyjaviła nastupnyja fakty: dakumient rassyłaŭsia sapraŭdy ad imia Departamienta nacyjanalnaj biaśpieki i padpisany samim Sachaščykam V.S. Dakumient nie byŭ nakiravany kiraŭnictvu «Paspalitaha rušańnia», što my paličyli vielmi dziŭnaj situacyjaj, a byŭ razasłany siabram (jakija mieli kantakty z DNB u minułym) arhanizacyi ŭ abychod Štaba PR. U dakumiencie zajaŭlajecca, što jany vałodajuć dakładnaj infarmacyjaj pra padrychtoŭku terakta z užyvańniem dronaŭ na terytoryi Biełarusi, što zjaŭlajecca ciažkim złačynstvam.

I nibyta da hetaj akcyi ź vialikaj dolaj vierahodnaści datyčnyja siabry «Paspalitaha rušańnia». My zadali ŭdakładniajučyja pytańni, kab pasprabavać identyfikavać mahčymych złamyśnikaŭ, ale adkazaŭ nie było sa spasyłkaj na sakretnaść. Z boku śpiecyjalnych słužbaŭ Polščy da nas nie pastupała zapytu, kab dać infarmacyju, vykładzienuju ŭ dakumiencie ad imia DNB. Paśla ŭnutranaj pravierki było pryniata rašeńnie, što heta pravakacyja ŭ dačynieńni da «Paspalitaha rušańnia».

Što ŭčora paćvierdziŭ i sam kiraŭnik KDB Cierciel, zajaviŭšy ab spynieńni nibyta ataki dronaŭ z boku Litvy biez pradstaŭleńnia dokazaŭ.

My taksama paraili DNB i Sachaščyku bolš staranna praviarać infarmacyju, jakaja pastupaje da ich, pierš čym raspaŭsiudžvać jaje».

Paspalitaje rušańnie — heta niezaležnaje, dobraachvotnaje abjadnańnie biełarusaŭ, metaj jakoha źjaŭlajecca sumiesnaja patryjatyčnaja i histaryčnaja padrychtoŭka dziela abarony niezaležnaści Biełarusi.

Staršynia KDB Ivan Cierciel 25 krasavika zajaviŭ, što Kamitet dziaržbiaśpieki razam ź inšymi siłavymi strukturami apošnim časam «pravioŭ šerah vostrych čekisckich mierapryjemstvaŭ, jakija dazvolili pieraduchilić naniasieńnie ŭdaraŭ bajavymi dronami z terytoryi Litvy pa abjektach u Minsku i jaho pradmieściach».

Kamientary27

  • Ech Sachaŝik
    27.04.2024
    Połnaja profnieprihodnosť i prostoje hołovotiapstvo. Da jeŝio truślivo otkazyvajetsia ot svoich słov. Sachaŝik, ty voobŝie słužił ili na składie otsiživałsia? Jej-bohu, dietskij sad - jasielnaja hruppa.
  • 17 mhnovienij viesny 2024-ho
    27.04.2024
    mda už... jakija krutyja struktury ŭ nas
  • Valfovič
    27.04.2024
    Ciapier vy viedajecie, chto taki hety facet

Marzaluk: U luboj škole, u tym liku ŭ ruskamoŭnaj, historyju Biełarusi i hieahrafiju treba vykładać pa-biełarusku

Marzaluk: U luboj škole, u tym liku ŭ ruskamoŭnaj, historyju Biełarusi i hieahrafiju treba vykładać pa-biełarusku

Usie naviny →
Usie naviny

Zianon Paźniak vydaŭ čarhovuju knihu18

U čornych busłoŭ u Biełarusi stała vyvodzicca bolš ptušaniat. U čym pryčyna?

Stryžak raskazaŭ, jak zmoh tak pachudzieć8

Padrabiaznaści teraktu Kryhiera pad Aziaryščam — razburanyja špały i nivodnaha paranienaha10

Ryka Kryhier nie staŭ abskardžvać śmiarotny prysud — jon ustupiŭ u siłu2

Zavočna buduć sudzić Antona Matolku — jamu zakidajuć 17 artykułaŭ, u tym liku zdradu dziaržavie8

Źjaviłasia jašče niekalki FOTA z suda nad Ryka Kryhieram

Polski turyst pryjechaŭ u Biełaruś i raschvaliŭ jaje na ŭsie łady. Jon akazaŭsia nieanacystam14

Łukašenka zajaviŭ, što Piatkievič budzie zajmacca «palityčnymi pracesami». I sačyć za jahonymi pamočnikami15

bolš čytanych navin
bolš łajkanych navin

Marzaluk: U luboj škole, u tym liku ŭ ruskamoŭnaj, historyju Biełarusi i hieahrafiju treba vykładać pa-biełarusku

Marzaluk: U luboj škole, u tym liku ŭ ruskamoŭnaj, historyju Biełarusi i hieahrafiju treba vykładać pa-biełarusku

Hałoŭnaje
Usie naviny →