Śviet

Naŭsieda ŭ Suvałkskim kalidory prapanavaŭ Dudzie sumiesnyja zakupki HIMARS

Prezidenty Litvy i Polščy Hitanas Naŭsieda i Andžej Duda siońnia naviedali vučeńni «Advažny Hryfon», jakija prachodziać u Suvałkskim kalidory.

Hitanas Naŭsieda i Andžej Duda na vučeńniach. Fota: Przemystaw Keler / KPRP

Jany adznačyli hatoŭnaść pryjści adzin adnamu na dapamohu ŭ vypadku vajennaj pahrozy, vykazalisia za dalejšaje ŭmacavańnie ŭschodniaha fłanhu NATA i abmierkavali supracoŭnictva ŭ kibierbiaśpiecy i zakupcy ŭzbrajeńniaŭ, piša Reform.news.

«Heta vielmi važnyja vučeńni. Chaču padkreślić, što jany źjaŭlajucca dokazam taho, što polskija žaŭniery hatovyja, kab pryjści ŭ vypadku nieabchodnaści na dapamohu svajmu litoŭskamu sajuźniku i susiedu», — skazaŭ Andžej Duda.

Pavodle jaho słoŭ, rajon Suvałkskaha kalidora znachodzicca pad pahrozaj. Jon taksama dadaŭ, što mihracyjny cisk na miežach Litvy i Polščy ź Biełaruśsiu źjaŭlajecca «pravierkaj našaj zdolnaści reahavać» i abaranazdolnaści.

«Siońniašnija vučeńni pakazvajuć, što vajskovaja hatoŭnaść našych vojskaŭ da abarony hetaj terytoryi Jeŭropy i krain NATA maje vialikaje značeńnie, kali havorka idzie taksama pra elemienty strymlivańnia», — skazaŭ jon.

Hitanas Naŭsieda taksama adznačyŭ, što vučeńni demanstrujuć hatoŭnaść sajuźnikaŭ da abarony važnaha ŭčastka.

«My pavinny zachoŭvać ćviorduju pazicyju pa ŭzmacnieńni ŭschodniaha fłanhu NATA, imknucca da poŭnaj realizacyi płanaŭ abarony NATA i ratacyjnaj madeli SPA», — dadaŭ jon.

Pavodle jaho słoŭ, prezidenty nie prosta nazirali za manieŭrami, ale i abmierkavali pytańni vajennaha supracoŭnictva ŭ śfiery kibierbiaśpieki i sumiesnych zakupak.

«My kankretna kazali pra sistemy HIMARS, bo i Litva, i Polšča majuć namier nabyć hetyja sistemy. Užo zakupili, ale płanujuć nabyć jašče. Asabliva ŭličvajučy, što ŭ Polščy jość płany pa vytvorčaści bojeprypasaŭ, my chacieli b supracoŭničać. I maja prapanova była mienavita ŭ hetym kirunku — stvareńnie rehijanalnaha łahistyčnaha centra. Biez sumnievu, kali b byli sumiesnyja zakupki rakiet, my mahli b udzielničać u sumiesnych zakupkach. Heta było b vielmi kankretnym prykładam taho, jak našy hnutkija suviazi vajennaha supracoŭnictva mohuć być pieraniesieny na novyja terytoryi», — skazaŭ Naŭsieda.

Suvałkski kalidor — učastak terytoryi Litvy i Polščy pamiž miežami Biełarusi i Kalininhradskaj vobłaści RF. Źjaŭlajecca adzinym suchaputnym šlacham pamiž krainami Bałtyi i inšymi dziaržavami ES i NATA. Niadaŭna Alaksandr Łukašenka, naviedvajučy pazicyi biełaruskich vojskaŭ u Ašmianskim rajonie ŭ ramkach pravierki bojehatoŭnaści demanstratyŭna cikaviŭsia šyrynioj kalidora.

Kamientary

Ispanija čaćvierty raz u historyi vyjhrała Jeŭra — i heta rekord VIDEA1

Ispanija čaćvierty raz u historyi vyjhrała Jeŭra — i heta rekord VIDEA

Usie naviny →
Usie naviny

«Hienierał-špic Umka pad kodavym imieniem Bieleńki». Najlepšyja tvity tydnia9

U Minsku na dziaŭčynu, jakaja viartałasia ź plažu, upała dreva. Jana zahinuła3

Češka Barbara Krejčykava pieramahła na Uimbłdonie-2024

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»28

Urahan źmioŭ kiempinh na Vilii, paviedamlajuć pra zahinułaha3

U Minsku štorm vyryvaŭ drevy i rujnavaŭ rekłamnyja ščyty FOTY i VIDEA15

Pa Biełarusi kocicca niepahadź, mocnyja viatry i zalevy FOTY i VIDEA2

U minčuka skrali rečy, pakul jon kupaŭsia ŭ Cnianskim vadaschoviščy

«Kachańnie ŭsiaho majho žyćcia». Aryna Sabalenka paćvierdziła svaje adnosiny z brazilskim biznesmienam16

bolš čytanych navin
bolš łajkanych navin

Ispanija čaćvierty raz u historyi vyjhrała Jeŭra — i heta rekord VIDEA1

Ispanija čaćvierty raz u historyi vyjhrała Jeŭra — i heta rekord VIDEA

Hałoŭnaje
Usie naviny →