Partyja bačyć u dziejańniach Danilevič i kiraŭnikoŭ rajadździełaŭ adukacyi «vidavočnaje i demanstracyjnaje parušeńnie norm zakanadaŭstva.
Biełaruskaja sacyjał-demakratyčnaja partyja (Hramada) patrabuje zvolnić načalnika ŭpraŭleńnia adukacyi Minskaha abłvykankama Taisu Danilevič «za hrubaje parušeńnie prafiesijnaj i kirujučaj etyki». Pra heta havorycca ŭ zajavie partyi, raspaŭsiudžanaj 21 studzienia.
Jak śćviardžajecca ŭ dakumiencie, kiraŭnictva ŭpraŭleńnia adukacyi Minabłvykankama ŭ asobie načalnika Taisy Danilevič dała ŭkazańnie rajonnym adździełam adukacyi rehijonu i dyrektaram škoł «vusna va ultymatyŭnaj formie zapatrabavać ad nastaŭnikaŭ, jakija źjaŭlajucca členami apazicyjnych palityčnych partyj, padać zajavu abo ab vychadzie z partyi, abo ab zvalnieńni z pracy pavodle asabistaha žadańnia». «Takija patrabavańni vystaŭleny nastaŭnikam Uładzimiru Parejku i Alaksandru Jaźvinskamu (Niaśvižski rajon), Natalli Iljinič (Puchavicki rajon), Siarhieju Klimionku (Vilejski rajon), Nadziei Ahafonavaj (Lubanski rajon), Mikałaju Leščunu (Łahojski rajon)», — kanstatuje partyja.
BSDP (Hramada) bačyć u dziejańniach Danilevič i kiraŭnikoŭ rajonnych adździełaŭ adukacyi
«vidavočnaje i demanstracyjnaje parušeńnie norm zakanadaŭstva Respubliki Biełaruś».
Prezidyum partyi vykazaŭ «biezumoŭnuju salidarnaść z nastaŭnikami», zaklikaŭ dyrektaraŭ škoł nie vykonvać zahad Danilevič, prainfarmavaŭ ab palityčna matyvavanym nacisku na piedahohaŭ minski ofis ABSIE, Sacyjalistyčnuju hrupu ŭ Jeŭraparłamiencie, braterskija sacyjał-demakratyčnyja, sacyjalistyčnyja i rabočyja partyi.
Akramia taho, kiraŭnictva BSDP (Hramada) źviartajecca da prakurora Minskaj vobłaści z prośbaj
«rasśledavać fakty demanstracyjnaha parušeńnia Danilevič pałažeńniaŭ Kanstytucyi i šerahu zakonaŭ krainy».
«Jana pahražała mnie fizična, napadała seksualna». Alaksandr Rybak skardzicca na stałkierku2
Kamientary