U Polščy raptoŭna pamior 38-hadovy biełarus, jaki pracavaŭ na meblevaj fabrycy. Ciapier jahonym žoncy i dzieciam źbirajuć finansavuju dapamohu. Z paviedamleńnia pra zbor, arhanizataram jakoha paznačanaja Alina Ćviatkova, vynikaje, što ŭ 2021 hodzie siamja biełarusaŭ pierajechała ź Minska ŭ Biełastok, piša Most.
«Pacichu naładžvali pobyt. Ja padpracoŭvała na prybirańniach, muž pracavaŭ na meblevaj fabrycy. Dzieci intehravalisia ŭ škołu. Budavali płany na śvietłuju budučyniu. Ale hetamu nie nakanavana było spraŭdzicca», — napisała žančyna.
Biełarusa nie stała 6 sakavika hetaha hoda. Jak raskazali Most znajomyja siamji, svajaki vyrašyli kremiravać cieła i ŭžo pieravieźli prach u Biełaruś. Siamja ž mužčyny pryniała rašeńnie zastacca ŭ Biełastoku.
Muž i žonka pražyli razam 17 hadoŭ, u siamji dvoje dziaciej. Starejšaja dačka pastupiła ŭ Polščy ŭ licej i budzie praciahvać navučańnie, syn naviedvaje škołu. Dziaŭčynka i chłopčyk ciažka pieranosiać stratu baćki.
«Dziela dziaciej ja pavinna być mocnaj. Ciapier ja dla ich i mama, i tata. Zychodziačy z hetaha prašu finansavaj dapamohi dla majoj siamji», — napisała žančyna.
Kola Łukašenka syhraŭ na rajali na «Dni narodnaha adzinstva». Jaho tata pierad hetym pryhraziŭ Treciaj suśvietnaj vajnoj34
Kamientary