Prykładna treciaja častka Rahačova (Homielskaja vobłaść) z 5.00 21 studzienia zastałasia biez vady z-za paryvu 150-milimietrovaj čyhunnaj truby.
Jak paviedamili ŭ kamunalnym žyllova-ekspłuatacyjnym pradpryjemstvie rajcentra, pryblizna apoŭnačy staŭ padać cisk u mahistralnym vadavodzie, što śviedčyła ab jaho paryvie. Dziažurnaja bryhada vyjechała na miesca avaryi, praz pramierzły hrunt zvarščyki dabralisia da truby prykładna ŭ 5.00. Ciažkaści byli i ŭ tym, što pobač prakładzieny telefonnyja kabieli, i kab ich nie paškodzić, kamunalščyki vyklikali suviazistaŭ.
U 9.30 adnaŭlenčyja raboty byli praktyčna zavieršany,
21 studzienia vada pavinna pastupić da ŭsich spažyŭcoŭ. U rajonnuju balnicu na čas likvidacyi nadzvyčajnaha zdareńnia byli zaviezieny bočki z vadoj.
Pavodle papiaredniaj viersii, paryŭ vadavoda adbyŭsia z-za marozu i mocnaha cisku hruntu na trubu.
Bort Łukašenki z-za techničnych prablem viarnuŭsia ŭ Minsk bieź jaho13
Kamientary