Kala 400 čałaviek byli evakuavanyja. Zdareńnie adbyłosia pamiž stancyjami Čyrvony Bierah i Žłobin u sieradu viečaram.
Kala 400 čałaviek było evakuiravana ź ciahnika «Minsk — Homiel» z-za pahrozy pasažyra ŭzarvać sastaŭ. Zdareńnie adbyłosia pamiž stancyjami Čyrvony Bierah i Žłobin 20 studzienia prykładna ŭ 18.00.
Jak paviedamili ŭ Homielskim abłasnym upraŭleńni MNS, małady chłopiec padyšoŭ da pravadnika pieršaha vahona i zajaviŭ, što ciahnik zaminiravany. Pravadnik paviedamiŭ pra heta načalniku sastava, a toj — u milicyju i MNS. Na miesca zdareńnia vyjechali supracoŭniki MNS, milicyi, KDB i hrupa raźminiravańnia. Pasažyry i rabotniki ciahnika byli evakuiravany, raźmieščany ŭ internacie Čyrvanabiarežskaha ahrarnaha kaledža, a zatym dastaŭleny na aŭtobusach u Žłobin. Z rajcentra pasažyraŭ na dyziel-ciahniku adpravili ŭ Homiel. Hrupa raźminiravańnia nie znajšła ŭ ciahniku vybuchovaha ŭstrojstva.
«Uzryŭnik» zatrymany, ź im pravodziać śledčyja dziejańni.
Rabotniki ciahnika paviedamili, što pasažyr pavodziŭ siabie nieadekvatna — debašyryŭ, łajaŭsia, tamu jašče ŭ Babrujsku pravadniki ciahnika vyklikali milicyju, kab supakoić chulihana. Ale da hetaha času jon sam supakoiŭsia,
i ŭ milicyju jaho nie zabrali.
Kali ciahnik ad`iechaŭ ad Babrujska, małady čałaviek znoŭ staŭ prajaŭlać ahresiŭnaść. Pavodle słoŭ pravadnikoŭ, jon kryčaŭ, što ź`iaŭlajecca rabotnikam VOCHR BČ, zajaŭlaŭ, što ciahnik zaminiravany. Kali prybyła milicyja, chłopiec sprabavaŭ uciačy, ale jaho złavili.
Zatrymka ciahnika, jaki vyjechaŭ ź Minska ŭ 14.52, skłała bolš za try hadziny.
Taksama sa spaźnieńniem prybyŭ ciahnik «Minsk — Homiel», jaki vyjechaŭ sa stalicy ŭ 17.15.
Saša Filipienka raskazaŭ, čamu nie płanuje pisać pa-biełarusku i jak Biełaruś moža stać padarunkam Rasii ŭ vajnie64
Kamientary