Śviet66

Bajden zapeŭniŭ Zialenskaha, što padpiša zakon ab dapamozie Ukrainie adrazu paśla jaho ŭchvaleńnia Sienatam

Prezident Ukrainy Uładzimir Zialenski pravioŭ telefonnuju razmovu sa svaim amierykanskim kaleham Džo Bajdenam paśla pryniaćcia ŭ Pałacie pradstaŭnikoŭ Kanhresa ZŠA zakonaprajekta ab dapamozie Kijevu, piša «Jeŭrapiejskaja praŭda».

Uładzimir Zialenski i Džo Bajden u Vašynhtonie ŭ śniežni 2022 hoda. Fota: AP Photo/Patrick Semansky

Pa słovach Zialenskaha, prezidenty abmierkavali źmiest nastupnaha pakieta vajskovaj dapamohi ZŠA, i Džo Bajden zapeŭniŭ jaho, što padpiša zakonaprajekt adrazu paśla jaho ŭchvaleńnia Sienatam.

«Prezident zapeŭniŭ mianie, što pakiet chutka zaćvierdziać, i što jon budzie mahutnym, uzmacniajučy našu supraćpavietranuju abaronu, a taksama dalnabojnyja i artyleryjskija mahčymaści», — adznačyŭ Zialenski.

Ukrainski lidar vykazaŭ padziaku prezidentu ZŠA za niepachisnuju padtrymku Ukrainy i «sapraŭdnaje hłabalnaje lidarstva», a taksama adznačyŭ dvuchpartyjnuju padtrymku zakonaprajekta i asabisty ŭkład śpikiera Majka Džonsana i lidara mienšaści ŭ Pałacie pradstaŭnikoŭ Chakima Džefrysa ŭ jaho pryniaćci.

«Inšaja pastanova Pałaty pradstaŭnikoŭ ab dazvole na kanfiskacyju zamarožanych rasijskich aktyvaŭ taksama źjaŭlajecca mahutnym sihnałam dla ŭsich našych partnioraŭ», — adznačyŭ Zialenski.

Akramia taho, pa słovach Uładzimira Zialenskaha, jany z Bajdenam abmierkavali pracu nad dvuchbakovym pahadnieńniem ab biaśpiecy i padrychtoŭcy da nastupnaha Samitu miru ŭ Šviejcaryi.

Kamientary6

  • Siabručok Pukina
    22.04.2024
    Bajden ničoha nie daść. Zapomnicie hety tvit.

    P.S. A kali ž našaniva pračytaje toj samy zakon, pra jaki stolki šumu, i napiša narešcie, što tam nie "60 młrd dla Ukrainy", a 7? Ale navat hetaha Bajden nie daść, albo budzie ciahnuć maksimalna.
  • Za Svabodu!
    22.04.2024
    Davajcie jak maha chutčej.
  • Nie ličy hrošy ŭ čužoj kišeni
    22.04.2024
    Mnie padabajecca jak biełarusy smakujuć hrošy zahinułych ukraincaŭ i padatkapłacielščykaŭ Alaski))) sami što zarabili z 1994 hoda? Dzie vašyja padatki? Dzie vašyja hrošy za tranzit? Dzie vašyja hrošy za nietra ziamli? Dzie vaš biznes? Nu i narešcie dzie miljon tubylcaŭ? Jak mietałałom zbahryli ŭ Rasieju?

Dar‘ja Łosik vyjšła na svabodu pa pamiłavańni8

Dar‘ja Łosik vyjšła na svabodu pa pamiłavańni

Usie naviny →
Usie naviny

Stali viadomyja padrabiaznaści sustrečy Dudy i Si Czińpina nakont režymu Łukašenki

Na tarhach u Minsku dalar z salidnym zapasam ruchnuŭ da hadavoha minimimu1

«Padrychtoŭka da Alimpijady prajšła nie tak, jak płanavała». Cimanoŭskaja raskazała, ź jakim nastrojem jedzie ŭ Paryž6

Staršynia Hienštaba Vialikabrytanii zajaviŭ, što jość tolki try hady, kab padrychtavacca da vajny z aljansam dyktatur7

Mašynu namieśnika načalnika vajskovaj čaści ŭzarvali ŭ Maskvie. Vajskoŭcu adarvała stupni2

U Trampa byŭ efiektyŭny kozyr suprać Bajdena. Ciapier jon moža viarnucca bumieranham 3

«Simpsany» jašče ŭ 2000 hodzie pradkazali, što Kamała Charys stanie prezidentam?2

«Radujciesia, s*ki!» Čym skončyŭsia skandał pamiž hiniekałahiniaj-błohierkaj i pacyjentkaj pryvatnaha miedcentra?17

99-hadovy biełarus vyrašyŭ atrymać paśviedčańnie ab naradžeńni

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni8

Dar‘ja Łosik vyjšła na svabodu pa pamiłavańni

Hałoŭnaje
Usie naviny →