Hramadstva11

Minčanku asudzili da «chatniaj chimii» i źniščyli dva jaje nacyjanalnyja ściahi

U sudzie Savieckaha rajona Minska 28 sakavika da dvuch z pałovaj hadoŭ «chatniaj chimii» asudzili Śviatłanu Kudryckuju. Žančynu pryznali vinavataj pavodle č. 1 art. 342 Kryminalnaha kodeksa (aktyŭny ŭdzieł u dziejańniach, jakija hruba parušajuć hramadski paradak) za ŭdzieł u adnoj akcyi pratestu ŭ 2020 hodzie. Dokazami pa spravie stała videa, na jakoje trapiła žančyna, i adzieńnie, u jakim jana była na akcyi. Prysud pa spravie vyniesła Volha Jemialjanienka, piša «Viasna».

Pavodle viersii abvinavačvańnia, Śviatłana Kudryckaja «błakavała i zastupała šlach transpartnym srodkam, u vyniku čaho jaje dziejańni paciahnuli parušeńnie pracy transpartu, jakoje vyjaviłasia ŭ spynieńni transpartu na terytoryi Minska». Suma škody «Minsktransu» skłała 5 839 rubloŭ 65 kapiejek.

Na sudzie žančyna vinu pryznała. Jana paćvierdziła, što vychodziła na prajeznuju častku darohi, u vyniku čaho błakavała šlach transpartnym srodkam. Akramia pryznalnych pakazańniaŭ Śviatłany, asnoŭnymi dokazami pa spravie stali videazapisy, na jakim zafiksavana žančyna, u tym liku na prajeznaj častcy, u momant jaje ŭdziełu ŭ akcyi pratestu.

Krynicaj videa ŭ pastanovie nazyvajecca «materyjał apieratyŭna-vyšukovych mierapryjemstvaŭ». U materyjałach kryminalnaj spravy majucca skrynšoty z hetaha videa. Taksama dokazami stali čorny zaplečnik i džynsy, u jakich žančyna zafiksavanaja na videazapisach u momant jaje ŭdziełu ŭ mitynhu.

Akaličnaściu, źmiakčajučaj adkaznaść, sud pryznaŭ najaŭnaść na ŭtrymańni małaletnich dziaciej.

U vyniku sudździa Volha Jemialjančanka pryznačyła Śviatłanie Kudryckaj dva hady i šeść miesiacaŭ abmiežavańnia voli biez nakiravańnia ŭ papraŭčuju ŭstanovu adkrytaha typu («chatniaj chimii»). Akramia hetaha, sud pastanaviŭ źniščyć dva bieł-čyrvona-biełyja ściahi, jakija zachoŭvalisia pry materyjałach spravy i, vierahodna, zabranyja pry pieratrusie ŭ žančyny.

Da suda Śviatłana była pad zakładam u sumie 12 000 rubloŭ.

Kamientary1

  • Zafiksujem fakt
    22.04.2024
    Łukašysty źniščajuć biełaruskija nacyjanalnyja ściahi.

Ispanija čaćvierty raz u historyi vyjhrała Jeŭra — i heta rekord VIDEA1

Ispanija čaćvierty raz u historyi vyjhrała Jeŭra — i heta rekord VIDEA

Usie naviny →
Usie naviny

«Hienierał-špic Umka pad kodavym imieniem Bieleńki». Najlepšyja tvity tydnia9

U Minsku na dziaŭčynu, jakaja viartałasia ź plažu, upała dreva. Jana zahinuła3

Češka Barbara Krejčykava pieramahła na Uimbłdonie-2024

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»28

Urahan źmioŭ kiempinh na Vilii, paviedamlajuć pra zahinułaha3

U Minsku štorm vyryvaŭ drevy i rujnavaŭ rekłamnyja ščyty FOTY i VIDEA15

Pa Biełarusi kocicca niepahadź, mocnyja viatry i zalevy FOTY i VIDEA2

U minčuka skrali rečy, pakul jon kupaŭsia ŭ Cnianskim vadaschoviščy

«Kachańnie ŭsiaho majho žyćcia». Aryna Sabalenka paćvierdziła svaje adnosiny z brazilskim biznesmienam16

bolš čytanych navin
bolš łajkanych navin

Ispanija čaćvierty raz u historyi vyjhrała Jeŭra — i heta rekord VIDEA1

Ispanija čaćvierty raz u historyi vyjhrała Jeŭra — i heta rekord VIDEA

Hałoŭnaje
Usie naviny →