Hramadstva

«Biełpoł» vykryŭ chiby spravy «narkamana-ekstremista» z Baranavičaŭ, jakoha zatrymali z arsienałam zbroi

Prapahanda učora pakazała siužet pra zatrymańnie žychara Baranavičaŭ, jakoha nazvali «zbrojnym baronam» i «narkazaležnym ekstremistam». U Alaksieja Łopucha, jak śćviardžajecca, znajšli bolš za 30 hranataŭ, pistaletaŭ i kulamiotaŭ. U arhanizacyi «Biełpoł» paviedamili «Biełsatu», što na mužčynu raniej zavodzili kryminalnuju spravu za sprobu vyvieźci hłušylnik da aŭtamata, i z taho času asoba była pad stałym kantrolem siłavikoŭ.

Skrynšot videa ANT

Dziaržaŭnaja prapahanda śćviardžaje, što na 27-hadovaha žychara Baranavičaŭ Alaksieja Łopucha vyjšli, kali jon «zaśviaciŭsia ŭ destruktyŭnych Telegram-čatach». Nasamreč, jak zajaviŭ «Biełsatu» pradstaŭnik abjadnańnia byłych siłavikoŭ «Biełpoł» Uładzimir Žyhar, milicyjanty daŭno viedali hetaha mužčynu, bo jašče ŭ 2017 hodzie suprać jaho zaviali kryminalnuju spravu:

«U fabule złačynstva paznačana, što hety spadar niezakonna pieramiaščaŭ praź miažu JEAES hłušylnik da aŭtamata Kałašnikava. Hetu spravu nie adnojčy prypyniali, bo rabilisia ekśpiertyzy, potym uznaŭlali, potym znoŭ prypyniali i narešcie ŭ 2018 hodzie zakryli».

Mužčyna sprabavaŭ vyvieźci hłušylnik u Rasieju samalotam, zabaronienuju reč znajšli ŭ mienskim aeraporcie. Spravu rasśledavali pavodle artykuła 333-1 ab niezakonnym pieramiaščeńni praz mytnuju miažu Jeŭrazijskaha ekanamičnaha sajuzu abo dziaržaŭnuju miažu Biełarusi ahniastrelnaj zbroi ci bojeprypasaŭ. Viadzieńnie spynili, bo nie znajšli składu złačynstva, adnak, jak skazaŭ Žyhar, na kantrol hetaha hramadzianina, biezumoŭna, uziali:

«Jon byŭ u poli zroku hetak zvanych pravaachoŭnych orhanaŭ jašče z taho času mienavita jak «čorny kapalnik». Takija asoby zaŭsiody pad kantrolem, i milicyja vydatna viedała, čym jon zajmajecca. Toje, što jaho ciapier zatrymali, heta prosta pakazucha. Im treba pakazvać, što «vorahi» nikudy nie padzielisia».

Nielha vyklučać, što milicyjanty zakryli spravu ŭ abmien na zhodu Łopucha ab supracy, adznačyŭ surazmoŭca «Biełsatu»:

«Imavierna, hetaja asoba była, skažam tak, na stałaj suviazi z hetak zvanaj milicyjaj. I hetaje zatrymańnie moža być pastanoŭkaj — treba pakazać, što jany tut nie tolki sa ściahami, jany jašče i sa zbrojaj. Treba nahniatać, kab apraŭdvać represii».

Skrynšot videa ANT

Prapahanda taksama akcentavała ŭvahu, što Łopuch narkazaležny, adnak anijakich spravaŭ suprać jaho, źviazanych z narkotykami, «Biełpoł» nie znajšoŭ:

«Hety hramadzianin nieadnarazova pryciahvaŭsia da administratyŭnaj adkaznaści, adnak tam — pierabyvańnie ŭ hramadskim miescy ŭ niećviarozym stanie, bieź flikiera chadziŭ. To bok ničoha nadzvyčajnaha nie było».

Arhanizacyja taksama vyśvietliła, što «čorny kapalnik» u JEZ nie jeździŭ, tolki šmat hadoŭ tamu zafiksavany jahony vyjezd va Ukrainu.

Što datyčyć pracy, to Łopuch — indyvidualny pradprymalnik, zarehistravany ŭ hetaj jakaści ŭ 2020 hodzie. Pavodle dziaržaŭnaha rejestra, jon zajmaŭsia razdrobnym handlem aŭtazapčastkami. Najmanym rabotnikam nikoli nie byŭ.

Siamja mužčyny ni ŭ čym padazronym nie zaŭvažanaja. «Asablivych niuansaŭ niama. Baćka ź imi, ja tak razumieju, nie žyŭ, bo maci padavała na alimienty, była paciarpiełym bokam u adpaviednaj spravie», — apavioŭ Žyhar.

Dziaržaŭnaja televizija nazvała Alaksieja Łopucha «ekstremistam». Raniej u jaho nibyta znachodzili «litaraturu nacysckaha tołku i atrybutyku pratesnaj nakiravanaści», taksama mužčyna «pakidaŭ niehatyŭnyja kamientary roznaha kštałtu».

Pradstaŭnik «Biełpoł» nie ŭbačyŭ u hetym ničoha niezvyčajnaha:

«Vielmi zručna dla HUBAZiKa pryciahvać palityčnuju padaploku, bo heta čarhovy raz pakazvaje ichnuju važnaść, značnaść i nieabchodnaść. Heta ŭzmacniaje paranojiu Łukašenki: jamu znoŭ i znoŭ pakazvajuć, što ŭ jahonych apanientaŭ jość zbroja, hranaty. U jakaści dokazu pakažuć videa, na jakim asoba skaža što zaŭhodna, ale da praŭdy heta, naturalna, nie budzie mieć anijakaha dačynieńnia».

«Biełsat» znajšoŭ akaŭnt Alaksieja Łopucha ŭ sacsietcy «VKontaktie». Staronku jon vioŭ nie aktyŭna, apošni dopis datavany vieraśniem 2016 hoda. Heta byŭ repost rasiejskaha pablika «Nastojaŝij Lentač» — videa stralaniny ź pistaleta kiraŭnika Fiederacyi praktyčnaj stralby Rasiei.

Taksama na staroncy apublikavanaje videa pra toje, jak pracuje AK-74, fota čałaviečaha škileta. Siarod pablikaŭ, na jakija Łopuch byŭ padpisany, — «Military Archeology Club», «Tipičnyj Militarist», «Avto + Malar», «Strajkboł — Airsoft — Barachołka. Biełaruś». Apošni raz mužčyna zachodziŭ na svaju staronku 16 krasavika.

Kamientary

Polšča i Biełaruś viaduć pieramovy ab vyzvaleńni Pačobuta. Jak nie budzie vyniku — zakryjuć miežy — Radio ZET7

Polšča i Biełaruś viaduć pieramovy ab vyzvaleńni Pačobuta. Jak nie budzie vyniku — zakryjuć miežy — Radio ZET

Usie naviny →
Usie naviny

Zavočna buduć sudzić Antona Matolku — jamu zakidajuć 17 artykułaŭ, u tym liku zdradu dziaržavie8

Źjaviłasia jašče niekalki FOTA z suda nad Ryka Kryhieram

Polski turyst pryjechaŭ u Biełaruś i raschvaliŭ jaje na ŭsie łady. Jon akazaŭsia nieanacystam14

Łukašenka zajaviŭ, što Piatkievič budzie zajmacca «palityčnymi pracesami». I sačyć za jahonymi pamočnikami15

Vice-śpikier Sienata Polščy nazvaŭ abmiežavańni na ŭjezd u Jeŭrasajuz dla biełarusaŭ amaralnymi3

Niemca Kryhiera prysudzili da śmierci za kastryčnicki vybuch u Aziaryščy?2

Maryja Vasilevič narešcie znajšła pracu. Ź jaje sprabujuć zrabić zamienu Malavanyču14

Dyjasparam pišuć boty i prapanujuć ustupić u Połk Kalinoŭskaha. Raskazvajem, što adbyvajecca i jak abaranicca12

Muzyka Ihar Bancar užo kala hoda bamžuje ŭ Varšavie FOTY30

bolš čytanych navin
bolš łajkanych navin

Polšča i Biełaruś viaduć pieramovy ab vyzvaleńni Pačobuta. Jak nie budzie vyniku — zakryjuć miežy — Radio ZET7

Polšča i Biełaruś viaduć pieramovy ab vyzvaleńni Pačobuta. Jak nie budzie vyniku — zakryjuć miežy — Radio ZET

Hałoŭnaje
Usie naviny →