Dva hady pazbaŭleńnia voli i 120 tysiač rubloŭ kary nibyta za supracoŭnictva z «Biełsatam»
Minski haradski sud vynies prysud Anastasii Maciaš — pavodle śćviardžeńnia suda, supracoŭnicy telekanała «Biełsat», pryznanaj u Biełarusi «ekstremisckim farmavańniem».
Pavodle prysudu, Anastasija Maciaš z červienia 2021 hoda da listapada 2023 hoda, «źjaŭlajučysia moŭnym kansultantam Polskaha telebačańnia «TVP», u skład jakoha ŭvachodzić polski telekanał «Biełsat tv Belsat», nieadnarazova na zahad kiraŭnictva «Biełsat», pryznanaha ekstremisckim farmavańniem, ažyćciaŭlała praviadzieńnie moŭnych kansultacyj, pierakład, karektavańnie, redahavańnie tekstaŭ, jakija ŭ dalejšym vykarystoŭvalisia ŭdzielnikami ekstremisckaha farmavańnia «Biełsat» dla ekstremisckaj dziejnaści, u tym liku šlacham stvareńnia i raspaŭsiudžvańnia z vykarystańniem srodkaŭ masavaj infarmacyi i sietki internet, a taksama vykonvała inšyja daručeńni pa ŭkazańni kiraŭnictva «Biełsat».
Za ŭdzieł u nibyta «ekstremisckaj dziejnaści» Maciaš nibyta atrymała «złačynny dachod» u sumie 40 000 polskich złotych, 12 258 dalaraŭ i 8575 jeŭra.
Prysudam suda Anastasija Maciaš pryznanaja ŭdzielnicaj «ekstremisckaha farmiravańnia».
Joj pryznačana pakarańnie ŭ vyhladzie pazbaŭleńnia voli na termin 2 hady ŭ kałonii ahulnaha režymu i štrafam u pamiery 500 bazavych vieličyń, heta značyć 20 000 rubloŭ. U jaje taksama kanfiskavanyja asabisty kampjutar i mabilny telefon.
Taksama ź jaje spahnana 102 415 rubloŭ i 12 kapiejek «u jakaści dachodu, atrymanaha złačynnym šlacham».
Prysud suda ŭ zakonnuju siłu nie ŭstupiŭ i, mahčyma, budzie abskardžany.
Svaju vinu Anastasija Maciaš nie pryznała.
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki31
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1616
Kamientary