Kolki biełarusaŭ žyvie ŭ zonie radyjacyjnaha zabrudžvańnia — ličba ŭražvaje
U zonie radyjacyjnaha zabrudžvańnia ŭ Biełarusi pražyvaje kala 930 tysiač biełarusaŭ. Ź ich 185 tysiač — heta dzieci. Takija ličby ahučyŭ pieršy namieśnik načalnika Dziaržatamnahladu Leanid Dziedul.
Pavodle słoŭ čynoŭnika, płošča zabrudžanaj terytoryi cezijem-137 z pryčyny jaho raspadu pamienšyłasia amal u dva razy i składaje kala 25,5 tysiačy kvadratnych kiłamietraŭ, abo 12% ahulnaj płoščy Biełarusi, paviedamlaje Sputnik.
Na zabrudžanych terytoryjach raźmiaščajucca 2 tysiačy nasielenych punktaŭ u Homielskaj, Mahiloŭskaj, Minskaj, Bresckaj, Hrodzienskaj abłaściach. Karekciroŭka terytoryi pravodzicca kožnyja piać hadoŭ. Novaje abśledavańnie pačniecca ŭ 2025 hodzie.
Dziedul taksama raspavioŭ, što z momantu trahiedyi na likvidacyju nastupstvaŭ avaryi na ČAES Biełaruś nakiravała kala 20 miljardaŭ dołaraŭ.
Łukašenka ŭpieršyniu źjaviŭsia na publicy razam z mamaj Koli26
Kamientary
Na sajcie Abjadnaha daśledčaha centru pry Eŭrakamisii jość aktualnaja anłajn-mapa
https://remap.jrc.ec.europa.eu/Advanced.aspx
Tam u tym liku pryviedzieny i apieratyŭnyja biełaruskija dadzienyja. Ale heta tolki dadzienyja pa peŭnych haradach.
Na sajcie Ministerstva nadzvyčajnych spraŭ jość mapy pa abłaściach za 2015 hod.
Uvohule dakładnaj karciny na dadzieny momant niama, bo na praciahu pieršych dzion paśla pačatku Katastrofy dziasiatki vidaŭ čarnobylskich radyjonuklidaŭ raspaŭsiudzilisia pa ŭsioj pavierchni Ziamli (u asnoŭnym, u Paŭnočnym paŭšarji). U značnych kancentracyjach jany byli znojdzieny ŭ mnohich krainach Jeŭropy. Pry hetym, siarod dozaŭtvaralnych radyjenuklidaŭ byli: cyrkonij-95, nijobij-95, rutenij-103, rodyj-103, tełur-132, jod-133, cezij-134, baryj-140, łantan-140, ceryj-141, piermietyj- 144 — heta značyć radyjenuklidy, jakija, zdavałasia b, nie pavinny być dozaŭtvaralnymi pa raźlikovym śpiektry vykidaŭ z avaryjnaha reaktara.
2) Nienadziejnaść apytalnych dadzienych dla raźliku papulacyjnych doz. Nie isnuje nadziejnych mietadaŭ uliku śpiecyfičnaha ŭpłyvu ŭsich radyjenuklidaŭ na dadzienaj terytoryi. Usie papulacyjnyja dozy apramieńvańnia vymiarajucca nie instrumientalna, a raźličvajucca na asnovie asieradnionaha spažyvańnia ŭmoŭnaha naboru praduktaŭ charčavańnia "siarednim" čałaviekam, asieradnionaha času znachodžańnia ludziej pa-za i ŭnutry pamiaškańnia i inšych pakazčykaŭ, jakija ŭstanaŭlivajucca na asnovie apytalnych dadzienych nievialikaj častki nasielnictva na dadzienaj terytoryi.
Bolš padrabiazna pra hetuju prablemu možna pračytać u knizie daśledčyka Jabłakava "Čarnobyl: nastupstvy Katastrofy dla čałavieka i pryrody"
https://network.bellona.org/content/uploads/sites/4/2016/01/Chernobyl-6.pdf.pdf