U 2008 hodzie ŭ Biełarusi było ździejśniena 3,3 tysiačy karupcyjnych złačynstvaŭ, paviedamiŭ na pres‑kanfierencyi hienieralny prakuror Ryhor Vasilevič.

Pa hetych złačynstvach da kryminalnaj adkaznaści było pryciahnuta bolš za 1700 čałaviek. Takim čynam, u siarednim kožny dzień u krainie vyjaŭlałasia bolš za čatyroch karupcyjanieraŭ.

Ahulny ŭron dziaržavie ad hetych złačynstvaŭ skłaŭ 53 miljardy rubloŭ. Ale Vasilevič vykazaŭ spadziavańnie, što hety ŭron budzie całkam adnoŭleny za košt nakładańnia aryštaŭ na majomaść złačyncaŭ.

Vasilevič miarkuje, što niekatorych čynoŭnikaŭ treba praviarać na detektary chłuśni adnosna schilnaści da karupcyjnych złačynstvaŭ. A druhim mietadam mohuć być ekskursii ŭ miescy pazbaŭleńnia voli.

Samymi karupcyjnymi viedamstvami hienieralny prakuror nazvaŭ pramysłovaść, sielskuju haspadarku, achovu zdaroŭja, handal, budaŭnictva.

Razam z tym, Ryhor Vasilevič ličyć, što nielha asudžvać doktarku na 6‑7 hadoŭ turmy za vypisany balničny listok. «Ale jana pavinna pakajacca za ździejśnieny ŭčynak», — skazaŭ R.Vasilevič.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?