Biełarusy pradajuć u internecie šałupińnie cybuli da Vialikadnia. Kolki prosiać?
5 maja pravasłaŭnyja chryścijanie buduć adznačać Vialikdzień. Adna z tradycyjnych straŭ da hetaha śviata — farbavanyja jajki. Mnohija dla afarboŭki vykarystoŭvajuć stary pravierany mietad — šałupińnie ad cybuli.
Niadziŭna, što napiaredadni Vialikadnia ŭ prodažy na internet-barachołkach zjavilisia śpiecyjalnyja prapanovy. Biełarusy pradajuć šałupinu. Ceny vyvučyŭ partał blizko.by.
Pradajuć šałupinu i maleńkimi pakunačkami, i vialikimi miaškami. Siaredniuju canu vyličyć składana. Adnak jość cikaŭnyja prapanovy. Naprykład, Natalla z Barysava pradaje 50-hramovy pakiet šałupiny za 2,5 rubla. Žychar Minska Uładzimir prapanuje addać pakiet za 1,5 rubla, vaha šałupiny nieviadomaja.
Minčanka Nata prosić za 60-hramovy pakiecik 5 rubloŭ. Atrymlivajucca, što kiłahram takoj šałupiny budzie kaštavać 80 rubloŭ. Pry hetym pradaviec prapanuje dastaŭku na dom.
Jość i bolš vyhadnyja prapanovy. Vieranika ź Bieraścia prapanuje vialiki miašok za 10 rubloŭ z dastaŭkaj u Minsk.
Cybulu ŭ biełaruskich kramach možna kupić za 2,2-2,8 rubla za kiłahram.
HUBAZiKu zabaranili publikavać «pakajalnyja videa». Ciapier jany vystaŭlajuć «pakajalnyja aŭdyja»3
HUBAZiKu zabaranili publikavać «pakajalnyja videa». Ciapier jany vystaŭlajuć «pakajalnyja aŭdyja»
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1919
Kamientary