Hienieralny štab USU apublikavaŭ kadry ataki pa vajskovym aeradromie ŭ Džankoi na terytoryi akupavanaha Kryma.
«U noč z 16 na 17 krasavika siły abarony Ukrainy nanieśli rakietny ŭdar i parazili peŭnyja rasijskija vajskovyja celi na terytoryi časova akupavanaj Aŭtanomnaj Respubliki Krym», — havorycca ŭ paviedamleńni.
U viedamstvie śćviardžajuć, što ŭ vyniku ataki, u voraha «adminusavany» 4 puskavyja ŭstanoŭki S-400, punkt kiravańnia srodkami SPA, try RŁS, aparatura nazirańnia za pavietranaj prastoraj «Fundamient-M».
U Hienštabie USU dadali, što varožym vojskam hety ŭdar nanios niečakanyja straty va ŭzbrajeńni i vajskovaj technicy, tamu bajavy patencyjał rasijan adčuvalna źniziŭsia.
U noč na 17 krasavika 2024 hoda ŭ akupavanym Krymie prahrymieli vybuchi ŭ horadzie Džankoj u rajonie aeradroma. Ekśpierty vykazvajuć zdahadki, jakoj zbrojaj mahła być zroblena ataka.
«My dla ich — miasa». Palitviazień vyjšaŭ ź miełanomaj, jon uskładaje vinu na načalnicu sančaści i prymusovaje haleńnie hałavy8
Kamientary