Za začynienymi dźviaryma sudziać 74-hadovaha piensijaniera z Chojnikaŭ
Jamu, siarod inšaha, staviać u vinu 1500 niehatyŭnych kamientaroŭ.
U Homielskim abłasnym sudzie pačaŭsia praces nad piensijanieram z Chojnikaŭ Anatolem Kirejčykam, jakoha zatrymali paśla napisańnia 1,5 tysiačy kamientaroŭ ab pradstaŭnikach ułady. Padsudnamu 74 hady, piša Radyjo Svaboda.
Praces nad Anatolem Kirejčykam prachodzić za začynienymi dźviaryma. Spravu razhladaje sudździa Jaŭhien Šaršnioŭ.
Śledstva ŭ spravie Anatola Kirejčyka miarkuje, što jon «sistematyčna raźmiaščaŭ kamientary pad fota pradstaŭnikoŭ ułady, dzie, nie saromiejučysia ŭ vyrazach, abražaŭ, publična prynižaŭ i hańbiŭ ich honar i hodnaść» u telehram-kanale, pryznanym «ekstremisckim».
Ahułam piensijaniera vinavaciać pavodle čatyroch artykułaŭ Kryminalnaha kodeksa:
- paklop (art. 188),
- niezakonny vyrab albo zbyt hazavaj, pnieŭmatyčnaj ci kidalnaj zbroi (č. 2 art. 295),
- abraza pradstaŭnika ŭłady (art. 369),
- abraza sudździ albo narodnaha zasiadalnika (art. 391).
Pravaabaroncy i žurnalisty majuć vielmi mała infarmacyi pra Anatola Siarhiejeviča Kirejčyka. Jahonyja staronki ŭ sacsietkach vydalenyja.
«Uvarvalisia z dručkami». Śviedka raskazaŭ, jak siłaviki źbili aŭtaślesara ź Viciebska. Praz hod toj pamior13
Kamientary
A voś šukalniki kamientataraŭ nie ŭsie dažyvajuć navat da 44:
Pamior 43-hadovy padpałkoŭnik upraŭleńnia HUUB MUS pa Bieraściejskaj vobłaści, jakoje śpiecyjalizujecca na pošuku biełarusaŭ, što pakidajuć u siecivie kamientary pra siłavikoŭ. https://d3kcf2pe5t7rrb.cloudfront.net/338095