U Minsku skončyli ramont pieršaha paviercha HUMa. Pry ŭvachodzie raźmiaścili vialiki hierb
Ad uźniknieńnia idei da jaje kančatkovaj realizacyi prajšło paŭtara hoda.
U stalicy realizavali pieršy etap maštabnaha prajekta pa madernizacyi HUMa: zavieršany raboty pa abnaŭleńni pieršaha paviercha, pišuć «Minsk-naviny».
Nad hałoŭnym uvachodam univiermaha źjaviłasia hihanckaja lustra. Ad uźniknieńnia idei da jaje kančatkovaj realizacyi prajšło paŭtara hoda. Pry hetym usie histaryčnyja elemienty budynka zachavalisia, harmanična ŭpisaŭšysia ŭ sučasnuju stylistyku interjeru.
Na pieršym paviersie HUMa raźmiaścilisia siekcyi kaśmietyki, hałantarei i juvielirnych vyrabaŭ, znajšłosia miesca i dla sučasnaha hastranoma z tavarami paŭsiadzionnaha popytu i nievialikaj kaviarni. Pakupniki mohuć samastojna aznajomicca sa ŭłaścivaściami i składam pradukcyi.
Atmaśfieru stvarajuć novaje štučnaje aśviatleńnie i dekaratyŭnyja akonnyja paneli. Śvietłyja i ciopłyja adcieńni interjeru ŭpisany ŭ ahulnuju kancepcyju histaryčnych elemientaŭ dekoru ŭniviermaha.
— Zachavańnie asablivaściaŭ interjeru handlovaj zały było abaviazkovym patrabavańniem u achoŭnym pašparcie budynka i stała vyklikam dla ŭsich udzielnikaŭ budaŭničaha pracesu — ad prajekciroŭščykaŭ da malaroŭ. Ličym, što z hetaj zadačaj my paśpiachova spravilisia. A jašče nam udałosia ŭličyć hałoŭnyja pažadańni našych pakupnikoŭ, — raspaviali supracoŭniki HUMa.
Taksama va ŭniviermahu zapracavaŭ druhi lift, źjaviłasia vialikaja kamiera zachoŭvańnia kala hałoŭnaha ŭvachodu, adkrylisia abnoŭlenyja juvielirnaja, hadzińnikavaja i hraviornaja majsterni, źjaviŭsia dadatkovy sanvuzieł, šviejnaja majsternia, punkt abmienu valuty, kaviarnia i mnohaje inšaje.
U płanach kiraŭnictva ŭ najbližejšyja dva hady całkam madernizavać druhi i treci pavierchi, a taksama kultavuju stałovuju ŭniviermaha.
Kola Łukašenka syhraŭ na rajali na «Dni narodnaha adzinstva». Jaho tata pierad hetym pryhraziŭ Treciaj suśvietnaj vajnoj34
Kamientary