Hramadstva1212

Polskija orhany mahli pieradavać infarmacyju pra biełarusaŭ z dadatkovaj abaronaj łukašenkaŭskim dypłamatam — CBS

Centr biełaruskaj salidarnaści, jaki mieścicca ŭ Varšavie, paviedamiŭ, što niadaŭna byŭ zafiksavany tryvožny fakt pieradačy asabistych danych biełarusaŭ, jakija majuć dadatkovuju abaronu ŭ Polščy, u ambasadu Respubliki Biełaruś. 

Varšava. Fota ilustracyjnaje

CBS padkreślivaje, što infarmacyja była pieradadziena nie Upraŭleńniem pa spravach inšaziemcaŭ, a inšymi polskimi dziaržaŭnymi orhanami.

Ale incydent vyklikaje surjoznyja aściarohi, bo takaja pieradača parušaje pryncypy pryvatnaści i biaśpieki hramadzian, jakija znachodziacca pad mižnarodnaj abaronaj, i supiarečyć polskamu zakanadaŭstvu, jakoje heta zabaraniaje. 

Zhodna z artykułam 9 polskaha zakona ad 13 červienia 2003 hoda «Ab nadańni inšaziemcam abarony na terytoryi Respubliki Polšča» (u redakcyi ad 2023 hoda, pazicyja 1504), asabistyja danyja nie mohuć być pieradadzienyja abo atrymanyja ad subjektaŭ, u dačynieńni da jakich isnuje abhruntavanaje mierkavańnie ŭ ździajśnieńni pieraśledu abo mahčymaha pryčynieńnia surjoznaj škody. U vypadku hramadzian Biełarusi takimi subjektami źjaŭlajucca ŭłady Respubliki Biełaruś, uklučajučy supracoŭnikaŭ pasolstva i konsulstva.

Na dumku pravaabaroncy Volhi Dabravolskaj, pryncypovaje značeńnie maje toje, što hramadzianie Biełarusi, jakija znachodziacca pad mižnarodnaj abaronaj u Polščy, užo znachodziacca va ŭraźlivym stanoviščy praz palityčnuju situacyju ŭ Biełarusi, a pieradača ich danych u biełaruskuju ambasadu moža paciahnuć za saboj surjoznyja nastupstvy dla ich i ich siemjaŭ. Aznačanaje dziejańnie taksama padryvaje davier da sistemy abarony i mižnarodnych abaviazacielstvaŭ Polščy ŭ hetaj halinie.

U toj ža čas Centr biełaruskaj salidarnaści padkreślivaje, što padobnyja ŭciečki infarmacyi nie majuć sistemnaha charaktaru i adbylisia tolki z-za niaviedańnia zakona asobnymi čynoŭnikami. Panikavać z-za hetaha nie varta, bo Polšča pa-raniejšamu źjaŭlajecca dla biełarusaŭ biaśpiečnaj krainaj. 

«Polšča bolš za inšych zrabiła i robić dla biełarusaŭ. Apisanaja situacyja — heta tolki ilustracyja taho, nakolki navat zvyčajnyja administracyjnyja pracedury ŭ svabodnych krainach mohuć nieści pahrozu dla hramadzian z tatalitarnych dziaržaŭ, takich jak Biełaruś. Taksama nieabchodna źmianić niekatoryja pracedury ŭ dačynieńni da biełarusaŭ», — padsumoŭvaje CBS.

@nashanivanews Łukašenka zadumaŭ revalucyju #aleksandrłukašienko #łukašienko #łukašienkoprikoły ♬ Solas X Interstellar - Gabriel Albuquerqüe

Kamientary12

  • Byvałyj
    16.04.2024
    Napomniło incidient v čkb, tohda takžie zalivali, čto ničieho strašnoho nie proizošło, čto eto nie sistiemnyj charaktier i opiať błabłabła. Až protivno čitať eto. Nie udivluś, čto polaki ślili vsie, a kohda ob etom stało iźviestno, budut pytaťsia eto zamiať. Poetomu soviet žurnalistam, kopajtie dalšie, inačie połučitie očieriednoj provał kak s čkb.
  • Pošieł von "Ofis" i ofiśniki iz Polši
    16.04.2024
    Nadojeli eti ofisnyje impotienty, čuš niesut.
  • Nhoł
    16.04.2024
    Byvałyj, pro situaciju s ČKB mnohije iźviestnyje influjensiery znali počti hod, jeśli nie bolšie. Pri etom prodołžali mołčať, kohda ludiej sažali odnim za druhim. No ich sažali nie srazu, a rastianuto po vriemieni.

Stała viadoma, jak dobra ŭładkavaŭsia ŭ žyćci muž starejšaj unučki Łukašenki9

Stała viadoma, jak dobra ŭładkavaŭsia ŭ žyćci muž starejšaj unučki Łukašenki

Usie naviny →
Usie naviny

Tramp zabaraniŭ transhiendarnym spartsmienkam udzielničać u žanočych spabornictvach3

«U hateli staić achova tolki praz toje, što ty biełaj rasy». Jak biełarus pracavaŭ u Vjetnamie, Zimbabve i Filipinach14

U Samary zabili byłoha mera horada i jahonuju žonku. Ich unučku padazrajuć u zabojstvie i rasčlanieńni

«Biełaruski siłavik» iznoŭ zbrachaŭ. Hetym razam — na miljony11

Vyjšaŭ na svabodu student chimfaka BDU Arciom Bajarski9

Žychary Smalavičaŭ skardziacca na prablemy z dajezdam u Minsk2

«Ja z toj žmieńki ludziej, u jakich alerhija na ŭłasny arhazm»5

Danija vyrašyła praviarać tankiery rasijskaha cieniavoha fłotu. Heta rezkaja źmiena raniejšych padychodaŭ3

Zialenski: Rasija sioleta budzie sprabavać niepasredna ŭciahnuć Biełaruś u vajnu28

bolš čytanych navin
bolš łajkanych navin

Stała viadoma, jak dobra ŭładkavaŭsia ŭ žyćci muž starejšaj unučki Łukašenki9

Stała viadoma, jak dobra ŭładkavaŭsia ŭ žyćci muž starejšaj unučki Łukašenki

Hałoŭnaje
Usie naviny →

Zaŭvaha:

 

 

 

 

Zakryć Paviedamić