Vajna1919

«Heta hańba dla śvietu». Zialenski raskrytykavaŭ namier ZŠA raździalić pytańnie vajskovaj dapamohi Izrailu i Ukrainie

Prezident Ukrainy Uładzimir Zialenski ličyć hańbaj, kali pytańnie dapamohi Izrailu budzie razhledžana Kanhresam ZŠA asobna ad pytańnia dapamohi dla Ukrainy. Pra heta jon skazaŭ u svaim intervju dla PBS NewsHour, piša UNIAN.

Uładzimir Zialenski z prezidentam ZŠA Džo Bajdenam. Fota: AP

«Dziŭna. Heta havoryć pra toje, što heta pytańnie nie biaśpieki tady. Što heta zusim čystaja palityka. I, ščyra kažučy, heta hańba dla śvietu. I prosta hańba dla demakratyi i dla ŭsich tych, chto pra demakratyju tolki havoryć», — padkreśliŭ Zialenski.

Jon adznačyŭ, što kali ŭ Kanhresie padzielać pytańnie dapamohi dla Izraila i Ukrainy, to heta budzie śviedčyć, što prablema razhladajecca praz pryzmu vybaraŭ u ZŠA.

«I što heta prosta čystaja palityka. Kali ŭvieś śviet kaža: Jak ža tak, Iran zmoh bić pa Izraili, treba ciapier pa-papuliscku dapamahać Izrailu i zabycca pra toje, što adbyvajecca va Ukrainie. Heta čystaja palityka.

Heta značyć, što ŭsim usio adno, kolki ludziej hinie va Ukrainie kožny dzień. Im važna, jakija ŭ ich rejtynhi. Voś pra što heta kaža. Jany prosta zabyvajucca, što ŭ miortvych nijakich rejtynhaŭ niama. I što kali Ukraina pravalicca, to budzie vajna ŭ inšych krainach NATA, i kali jana budzie, to amierykanskija sałdaty tady buduć abaraniać», — pierakanany Zialenski.

Jon ličyć, što Kanhresu ZŠA, pakul nie pozna, treba prahałasavać za dapamohu dla ŭsich krain, čyjo žyćcio zaležyć ad hetaha.

Akramia taho, u prezidenta Ukrainy spytalisia, što kali nastolki składana zaćvierdzić dapamohu dla Ukrainy ŭ Kanhresie ZŠA ciapier, to što prymušaje jaho pavieryć, što heta budzie lahčej u nastupnym hodzie, asabliva kali na pasadu prezidenta ZŠA znoŭ abiaruć Donalda Trampa.

«My nie dumajem, što nam budzie lahčej. My zmahajemsia. My nie dumajem pra nastupny hod. My dumajem pra zaŭtrašni dzień. Našyja mety, skažu vam, našmat žyćcioviejšyja i praściejšyja. Nam treba žyć zaŭtrašnim dniom.

Što budzie ŭ nastupnym hodzie, ja skažu vam ščyra, nichto nie viedaje. Tamu što my nie razumiejem, na jakoj padtrymcy budzie Ukraina, jakija jašče vybuchi i vojny mohuć jašče być u śviecie, što budzie z Kanhresam Złučanych Štataŭ… Jany mohuć uchvalić rašeńnie. I ja spadziajusia, što jany nas słuchajuć i ŭchvalać rašeńnie ŭ najbližejšyja dni i tydni, ale nie daŭžej», — padkreśliŭ Zialenski.

Prezident Ukrainy spadziajecca, što hetaje rašeńnie budzie stanoŭčaje. Jon adznačyŭ, što składana vajavać, kali ŭ voraha kolkaść rasijskaj avijacyi pieravyšaje ŭkrainskuju ŭ praporcyi 30 da 1, a artyleryi 10 da 1.

«My ž nie prosim pra niejkuju asablivuju zbroju. My ž nie havorym pra niejkija rakiety na 2-3 tysiačy km i da taho padobnaje. Ničoha takoha niama. I nichto nie prosić dać 500 samalotaŭ abo 300. Darečy, Rasija vykarystoŭvaje tolki 300 samalotaŭ tolki na terytoryi Ukrainy», — skazaŭ Zialenski.

Razam z tym jon spadziajecca, što palityka padtrymki Ukrainy nie źmienicca, kali ŭ ZŠA abiaruć na pasadu prezidenta Donalda Trampa.

«Ja budu vieryć, što Złučanyja Štaty ŭsio ž nie spyniać dapamohu. I my budziem sajuźnickimi dziaržavami. I što palityka prezidenta, kali jon źmienicca, — nichto nie viedaje, heta vybar amierykancaŭ, ale kali jon źmienicca, palityka prezidenta nie źmienicca prynamsi ŭ dačynieńni da Ukrainy», — skazaŭ Zialenski.

Pierad hetym stała viadoma, što śpikier amierykanskaj Pałaty pradstaŭnikoŭ (nižniaja pałata Kanhresa) Majk Džonsan płanuje ŭnieści ŭ hety zakanadaŭčy orhan asobnyja zakonaprajekty pa finansavańni vajskovych patreb Ukrainy, Izraila, a taksama Tajvania, kab vyjści z tupika vakoł nadańnia pakieta dapamohi na sumu 95 miljardaŭ dalaraŭ, jaki ŭžo ŭchvaliŭ Sienat.

Kamientary19

  • American
    16.04.2024
    A my vam (Ukrainie) ničieho nie dołžny. Pomniš Vova kak ty  eto hovorił?    
  • DM
    16.04.2024
    Tak a čamu ty maŭčyniła łend-liz?
    Čamu rasiejski haz tranzitam idzie praz Ukrainu?
  • Jura
    16.04.2024
    N-da...Amieri v čierhovij raz pokazali chto voni je naspravdi...

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA4

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Usie naviny →
Usie naviny

«Akazvajecca, i na tym baku jość ludzi». Maci Ivana Padreza ŭsio ž nie vysialajuć6

Pa Mścisłaŭskim rajonie praniośsia mocny ŭrahan

U Biełarusi ŭžo +37,5°S. U siervisie dastaŭki praduktaŭ źnikła papularnaja minieralnaja vada1

51 nobieleŭski łaŭreat zaklikaŭ nieadkładna spynić vajnu va Ukrainie i kanflikt u siektary Haza13

U honar biełaruskaha bajca nazvali vulicu va ŭkrainskim Kanatopie1

Budanaŭ pra pahrozu nastupu RF z poŭnačy: Katastrofy niama, ale nie bačyć prablem nie atrymajecca2

Zaŭtra ŭ Biełarusi budzie da +35°S, ale ŭ Minsku «ŭsiaho» +30°S3

Pryncesa Kiejt Midłtan naviedaje finał Uimbłdona ŭ niadzielu1

Ministarka sportu Francyi za dva tydni da Alimpijady vykupałasia ŭ Sienie, ledź nie paśliznuŭšysia na prystupkach VIDEA1

bolš čytanych navin
bolš łajkanych navin

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA4

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Hałoŭnaje
Usie naviny →