Navuka i technałohii11

ZŠA ŭpieršyniu vykarystali «zbroju budučyni» pry adbićci ataki na Izrail. Voś što pra jaje viadoma

Paviedamleńnie pra pieršaje vykarystańnie ŭ bajavych umovach kiravanaj zienitnaj rakiety Standard Missile-3 (SM-3), jakaja raspracavanaja dla pierachopu balistyčnych rakiet, źjaviłasia na sajcie Vajenna-marskoha instytuta ZŠA.

 Standard Missile-3 (SM-3)
Zapusk rakiety SM-3. Fota: aficyjny sajt kampanii-vytvorcy Raytheon

Rakietami SM-3 abstalavanyja eśmincy VMS ZŠA Arleigh Burke i Carney, jakija na momant ataki znachodzilisia va ŭschodniaj častcy Mižziemnaha mora. Jak paviedamlajecca, dla pierachopu było vypuščana ad čatyroch da siami rakiet.

Dla adsočvańnia i naviadzieńnia SM-3 vykarystoŭvajecca sistema AEGIS (Aegis combat system), jakaja składajecca z troch elemientaŭ i spałučaje ŭ sabie mahčymaści naviadzieńnia, vyjaŭleńnia i kiravańnia ahniom. Asnovaj źjaŭlajecca šmatfunkcyjanalnaja trochkaardynatnaja RŁS SPY-1D. Akramia hetaha, sistema moža prymać i apracoŭvać infarmacyju z datčykaŭ inšych karabloŭ i latalnych aparataŭ.

Vyjaviŭšy cel, radar SPY-1 bieśpierapynna adsočvaje jaje, pieradajučy danyja sistemie AEGIS, jakaja vypracoŭvaje ahniavoje rašeńnie i daje kamandu na zapusk rakiety. Supraćrakieta zapuskajecca ź jačejki z dapamohaj ćviordapaliŭnaha startavaha paskaralnika.

Adrazu ž paśla vychadu rakieta ŭstaloŭvaje dvuchbakovy kanał ličbavaj suviazi z karablom-nośbitam i bieśpierapynna atrymlivaje ad jaho papraŭki pa kursie. Biahučaje stanovišča supraćrakiety vyznačajecca z vysokaj dakładnaściu pry dapamozie sistemy GPS. Dziakujučy trochstupiennamu nośbitu SM-3 vyvodzicca na vyšyniu da 250 km. Chutkaść ža zbližeńnia z cellu dasiahaje zvyš 10 km za siekundu.

śbitaja iranskaja ballističieskaja rakieta na bieriehu Miertvoho moria downed Iranian ballistic missile on the shores of the Dead Sea źbitaja iranskaja balistyčnaja rakieta na bierazie Miortvaha mora
Źbitaja iranskaja balistyčnaja rakieta na bierazie Miortvaha mora. Fota: nexta_tv / X (Twitter)

Jak paviedamlajecca, karabli VMS ZŠA z rakietami SM-3 raźmieščanyja la bierahoŭ Jeŭropy ŭ ramkach Sistemy supraćpavietranaj abarony NATA. Jany zabiaśpiečvajuć adziny «bolš vysoki ŭzrovień» abarony kantynienta ad usio bolšaj pahrozy balistyčnych rakiet u ramkach tak zvanaha Jeŭrapiejskaha adaptyŭnaha padychodu da supraćrakietnaj abarony. Taksama rakiety raźmieščanyja na suchaputnaj bazie ŭ Rumynii. U najbližejšaj budučyni płanujecca ich pastaŭka ŭ Polšču.

Kamientary1

  • JANKA
    16.04.2024
    • KRYVAVY CYRK •
    🎯 «Chutkaść ža zbližeńnia z cellu dasiahaje zvyš 10 km za siekundu.»
    🚀 To bok SM-3 u 30 (!) razoŭ chutčejšaja za huk i ŭ 3 razy — za rakiety kštałtu «Cyrk... — niešta nierazborliva, aha — Cyrkon» albo «Kinžał».
    🧆 Voś kali zapuścić, dumaju, u tvar niepryjatalu kakletu sa stałoŭki z chutkaściu staroj rakiety, to jana ŭpjecca ŭ jaho jak tvarachop z «Čužoha». I kali tej výchlaje, što krychu sumnieŭna, budzie chadzić da skonu z tvaram jak sama kakleta. A z chutkaściu SM-3, to j hałava dołu!
    🧹 Špulnuć ža zamiest ježy (navošta sapsavać jaje?), jak dzidu, sr. vienik, to jon ź lohkaściu naskroź praciaje złośnika niby papierku.
    🌜 Mta, prahres dajšoŭ da taho, što abhaniaje ŭžo našy mroi. Škada tolki, što dajšoŭ, ci, dakładniej, dalacieŭ jon u asnoŭnym da vajennych metaŭ. Dy kiraŭniki krainaŭ niby ź Miesiacu zvalilisia – z takimi technalohijami navat na Miesiac nijak nia chočuć nikoha zaśvistać. Tak zahulalisia ŭsie ŭ vajnuški.

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Usie naviny →
Usie naviny

Paniadziełak staŭ samym haračym dniom u historyi nazirańniaŭ

«Vostraŭ čyścini» kančatkova likvidujecca1

Byłuju žonku śpievaka Rusłana Muśvidasa taksama sudzili za pratesty

Palitviazień Dzianis Ivašyn prysłaŭ baćkam parady, jak pieražyć śpioku: Nijakich vychadaŭ u ciaplicu

50 dzieciam admovili. U biełaruskamoŭnaj himnazii Vilni zamała miescaŭ, baćki prosiać nabirać bolš kłasaŭ12

Iłan Mask zajaviŭ, što zhubiŭ syna z-za błakataraŭ pałavoha vyśpiavańnia24

U Franciška Skaryny ŭ Prazie skrali piaro — heta zdaryłasia nie ŭpieršyniu3

Zamiežniki pišuć u sacsietkach, što źbirajucca ŭ Biełaruś pa biaźvizie. A ich uprošvajuć pieradumać11

Paŭła Łatušku vyklikali ŭ polskuju prakuraturu2

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Hałoŭnaje
Usie naviny →