Vajna1111

Nou-chau «druhoj armii śvietu»: viartajucca da tankaŭ Pieršaj suśvietnaj VIDEA

Na haračych učastkach frontu va Ukrainie stali čaściej zaŭvažać novyja kanstrukcyi niezvyčajnaj formy, jakija ŭžyvajucca dla praryvu ŭkrainskich pazicyj. Pra što heta śviedčyć i z čaho składajucca hetyja kanstrukcyi? Raźbirajemsia.

Novyja rasijskija kanstrukcyi na froncie va Ukrainie, jakija stali ŭžyvacca dla praryvu ŭkrainskich pazicyj. Foty: skrynšoty ź videa ŭkrainskich vajskoŭcaŭ

Jak pišuć ukrainskija telehram-kanały, na froncie stali źjaŭlacca niezvyčajnyja kanstrukcyi, jakija rasijskaja armija kidaje na šturm pazicyj USU. 

Ukrainskija karystalniki ŭžo achryścili hetyja tanki «broniechlavami» ci «trunami na kołach» i stali paraŭnoŭvać ich z tankami časoŭ Pieršaj suśvietnaj vajny, asabliva niamieckimi.

Dla nahladnaści: tak vyhladaje pieršy niamiecki tank A7V, stvorany ŭ 1917 hodzie.

Rasijski tank, abviešany toŭstymi mietaličnymi plitami, i pieršy niamiecki tank A7V, jaki vykarystoŭvaŭsia naprykancy Pieršaj suśvietnaj. Foty: ukrainskija telehram-kanały / Wikimedia Commons

U videa, jakoje publikujuć ukrainskija miedyja, bačna, jak adna z kanstrukcyj jedzie ŭ avanhardzie maleńkaj broniekałony rasijan, prykryvajučy jaje ad abstrełaŭ, a zatym niasiecca naprałom praź liniju fronta, ale paśla adstupaje.

A voś jak hetaja kanstrukcyja vyhladaje zblizu. Ź videa adnaho z rasijskich Z-kanałaŭ stanovicca jasna, što pad toŭstym mietaličnym «abviesam» znachodzicca zvyčajny tank T-72. Mietaličnyja listy i plity vykonvajuć tut rolu mnohim viadomaha «manhału».

Ci efiektyŭnaja takaja kanstrukcyja? Davajcie raźbiaremsia.

Pieršaje, što kidajecca ŭ vočy pry ahladzie kanstrukcyi, heta toje, što pad «abviesam» dastatkova miesca dla raźmiaščeńnia desanta na samoj brani tanka, što nadaje jamu jašče i funkcyi BMP (broniemašyny piachoty), dzie desantniki mohuć być taksama abaronienyja ad askiepkaŭ, dronaŭ i, mahčyma, navat ad pramych traplańniaŭ artyleryjskimi snaradami (pry zvyčajnym pierasoŭvańni na brani takich pieravah u desanta niama).

Druhaja pieravaha kanstrukcyi zaklučajecca ŭ tym, što na dachach hetych «manhałaŭ» ustanoŭlenyja srodki radyjoelektronnaj baraćby (REB), što mocna zaminaje dronam paškodzić tank i desant na im.

Adrazu niekalki srodkaŭ radyjoelektronnaj baraćby (REB) na dachu mietaličnaha «manhała» tanka T-72. Skrynšot ź videa ŭkrainskich telehram-kanałaŭ

Ale, niahledziačy na pieravahi, mietaličny «manhał» mocna abmiažoŭvaje vuhał ahladu tanka i zaminaje pavarotu jahonaj viežy, što nie dazvalaje mašynie stralać pa bakavych i zadnich celach. Faktyčna tank pieratvarajecca ŭ zvyčajny taran. 

Jašče adzin niedachop — u mahčymaj vazie kanstrukcyi i jaje ŭpłyvu na tank T-72. Takija sucelnyja i vialikija bronieplity, vidavočna, zanadta ciažkija i tym samym adčuvalna abmiažoŭvajuć chutkaść i manieŭranaść tanka. Takaja niemanieŭranaja i marudlivaja kanstrukcyja robicca zručnaj cellu dla artyleryi. 

Da taho ž nieviadoma, ci abaronienaja takim ža samym čynam nižniaja častka tanka. Kali nie, to ŭsia kanstrukcyja z pryčyny nizkaj manieŭranaści robicca lohkaj zdabyčaj dla min. A kali tak, to tady ŭ ekipaža tanka niama dadatkovaha vychadu praź nižni luk, što robić jaho vielmi ŭraźlivym pry źniščeńni kanstrukcyi źvierchu i jaje abvale na vierchni asnoŭny luk. Toj ža abvał pachavaje pad saboj i desant na brani tanka.

Tamu adzinaja mahčymaja pryčyna vykarystańnia takich kanstrukcyj rasijanami — heta deficyt narmalnych tankaŭ i BMP (u čym pryznajucca sami rasijanie), a taksama žadańnie choć krychu padoŭžyć im žyćcio na pieradavoj. 

Adzinaj metaj takich tankaŭ robicca prosta pierasiačeńnie frontu pad abstrełam i vyžyvańnie paśla skidańnia desantu na ŭkrainskija pazicyi.

I va ŭmovach paralizavanaha frontu, jaki staŭ takim z-za šmatlikaha vykarystańnia tannych dronaŭ, źjaŭleńnie padobnych vynachodak z boku rasijan stanovicca zakanamiernym.

«Naša Niva» — bastyjon biełaruščyny

PADTRYMAĆ

Kamientary11

  • Hala
    16.04.2024
    Pudzh, a ja baču tolki tvajo łatentnaje tryznieńnie. Što, kanapny bajec zmahacca jazykom?
  • Abram
    16.04.2024
    Pudzh, a čto imienno ty sdiełał, kromie svojeho triepa?
  • Stop łukabot
    16.04.2024
    Pudzh, 17 000 miertvych Ivanaŭ za uziaćcie Aŭdziejeuki, jakaja pieratvaryłasia ŭ ruiny? Heta tvoj apošni śmiech?

Udzielnik apazicyjnaha ruchu Vital Łuchvič vyjaviŭsia płatnym milicejskim stukačom1

Udzielnik apazicyjnaha ruchu Vital Łuchvič vyjaviŭsia płatnym milicejskim stukačom

Usie naviny →
Usie naviny

«Zasnuli na Kalinoŭskaha, pračnulisia na Mašerava». U Kobrynie za noč prybrali pakazalniki z proźviščam Kalinoŭski VIDEA2

Hramadzianina Hiermanii prysudzili ŭ Biełarusi da rasstrełu14

Źnikłaha ŭ Polščy biełarusa znajšli ŭ Varšavie źbitym i biez dakumientaŭ10

«Vada pranikła ŭnutr, zapoŭniła sałon mnie pa pojas, ruki treślisia». Chto taja dziaŭčyna z zapaminalnaha fota minskaha patopu3

U Biełarusi pačałasia pieradvybarčaja ahitacyja za Łukašenku FOTAFAKT32

Suśvietnyja ceny na kavu bjuć rekordy. Košt vašaha łate pad pahrozaj5

Vatykan pryznačyŭ lidskaha ksiandza Andreja Znoska biskupam. Roŭna hod tamu jaho zatrymlivali siłaviki

Stała viadoma, u čym padazrajuć Ramašeŭskuju, Dzikavickaha i inšych top-mieniedžaraŭ «Biełsata»20

U Italii žurnalistku aštrafavali za žarty pra rost premjer-ministra Miełoni — heta paličyli bodyšejminham1

bolš čytanych navin
bolš łajkanych navin

Udzielnik apazicyjnaha ruchu Vital Łuchvič vyjaviŭsia płatnym milicejskim stukačom1

Udzielnik apazicyjnaha ruchu Vital Łuchvič vyjaviŭsia płatnym milicejskim stukačom

Hałoŭnaje
Usie naviny →