Ilustracyjnaje fota

Ilustracyjnaje fota

Słužba biaśpieki Ukrainy (SBU) paviedamiła ab źniščeńni RŁS dalokaha dziejańnia ŭ Branskaj vobłaści, jakaja kantralavała nieba na 700 km uhłyb Ukrainy.

Pa danych SBU, źniščany madernizavany kompleks «Nieba-U», z dapamohaj jakoha rasijskija vajskoŭcy adsočvali ŭkrainskija srodki parazy i navodzili na celi svaje bambardziroŭščyki.

RŁS koštam 100 młn dalaraŭ źniščyli siem dronaŭ-kamikadze samalotnaha typu.

Krynicy ŭ SBU paviedamili vydańniu RBK-Ukraina, što kompleks «Nieba-U» bolš nie pracuje i, «imavierna, pieratvaryŭsia ŭ drušlak».

Źniščeńnie radara (kali jano paćvierdzicca) źnizić mahčymaści Rasii pa vyjaŭleńni pavietranych celaŭ uzdoŭž paŭnočnaj miažy Ukrainy, što pavinna dapamahčy USU vieści raźviedku, zapuskać bieśpiłotniki i bolš jakasna vykarystoŭvać vajskovuju avijacyju na hetym učastku.

Krynicy ŭ SBU paviedamili ukrainskim vydańniam, što heta ŭžo druhi kompleks «Nieba-U», vyviedzieny sa stroju ŭkrainskaj kontraźviedkaj. Pieršy byŭ źniščany ŭ Biełharodskaj vobłaści.

Rasijskija vajskoŭcy paviedamleńni ab źniščeńni Ukrainaj RŁS u Branskaj vobłaści, jak i paviedamleńni ab vyviadzieńni sa stroju radara ŭ Biełharadskaj vobłaści, nie kamientavali.

Клас
10
Панылы сорам
0
Ха-ха
0
Ого
0
Сумна
0
Абуральна
0