Śviatłana Cichanoŭskaja sustrełasia z premjeram Kanady Džaścinam Trudo
Premjer-ministr Kanady Džaścin Trudo pravioŭ pieramovy sa Śviatłanaj Cichanoŭskaj. Sustreča adbyłasia ŭ ofisie premjera ŭ Atavie, paviedamlaje jaje Ofis.
Trudo vykazaŭ padtrymku demakratyčnym siłam i hramadzianskaj supolnaści Biełarusi, cikaviŭsia losam palitviaźniaŭ, a taksama stanam biełaruskich miedyja.
Śviatłana Cichanoŭskaja raspaviała pra pracu demakratyčnych siłaŭ i zaklikała Kanadu da bolš ščylnaha supracoŭnictva z Abjadnanym Pierachodnym Kabinietam.
Padčas dyjałohu zakranałasia pytańnie cisku na režym Łukašenki i jaho sprob źniać abmiežavańni na handal kalijnymi ŭhnajeńniami — heta istotnaja krynica prybytku režymu.
Biełaruskaja lidarka akcentavała ŭvahu premjera na vytvorčaści zbroi i jaje kampanientaŭ na terytoryi Biełarusi, tamu što nadalej hetaja zbroja pastupaje rasijskaj armii.
Cichanoŭskaja paprasiła Trudo vynieści na paradak dnia pytańnie Biełarusi padčas staršynstva Kanady ŭ G7, zaprasić demakratyčnyja siły na samit «Vialikaj siamiorki» u Kanadzie, a taksama padtrymać našuju krainu ŭ AAN i ABSIE.
Heta druhaja dvuchbakovaja sustreča ŭ Kanadzie: minułym razam Cichanoŭskaja sustrakałasia z Trudo ŭ listapadzie 2022 hoda.
Kamientary
Ničoha dziŭnaha.
Łukašenka daŭ Śviecie 10 000$ pierad adjezdam u Vilniu.