AAC pazbaviŭ damiennych imionaŭ sajt «Miedyja-Paleśsie» i kramu Symbal.by
Uśled za navinovym sajtam Reform.by listy ab anulavańni zapisu ab rehistracyi damiennaha imia atrymali niezaležny sajt «Miedyja-Paleśsie « i krama nacyjanalnaj simvoliki Symbal.by.
Śviatłana Harda, hałoŭnaja redaktarka «Miedyja-Paleśsia», zajaviła ŭ kamientary Biełaruskaj asacyjacyi žurnalistaŭ, što pastanova AAC nie stała niečakanaściu:
«Skažam tak, siońniašni list ad AAC nie staŭ niejkim siurpryzam dla nas, my ŭžo byli padrychtavanyja. Budziem pracavać. Budziem spadziavacca, što našyja čytačy ŭsio zrazumiejuć i padtrymajuć nas u hety čas. U nas jość sacsietki — ahułam amal sto tysiač padpisčykaŭ majem tam».
Uładalniki kramy Symbal.by acanili toje, što adbyłosia, jak «hrubaje parušeńnie svabody słova i prava na ŭłacnaść».
Sajt «Miedyja-Paleśsie» ciapier pierajechaŭ na damien media-polesye.com, Symbal.by — na symbalby.com.
Na minułym tydni stała viadoma, što AAC źmianiŭ instrukcyju ab rehistracyi damiennych imionaŭ i ciapier moža anulavać rehistracyju damienaŭ, jakija ŭniesienyja ŭ śpis «ekstremisckich» materyjałaŭ.
Kamientary
Ja pravieryŭ. I nie treba padkazvać.