«Choć pažar, a chatniaje pavinna być zroblena»: chłopčyk rabiŭ zadańnie pa biełaruskaj movie ŭ samalocie
Karystalniki tyktoka ŭ zamiłavańni: błohier vykłaŭ videa, jak jaho maleńki susied u samalocie rabiŭ chatniaje zadańnie. Na stoliku pierad školnikam lažaŭ padručnik biełaruskaj movy.
Rolik apublikavaŭ błohier, padpisany ŭ tyktoku jak zara_pro_minsk. Jon udakładniŭ, što źniaŭ videa na rejsie, jaki lacieŭ ź Jehipta ŭ Minsk: «Biedny chłopčyk. Uroki pierš za ŭsio. Na vyšyni 10 tysiač mietraŭ. Biełaruskuju movu treba zdać da paniadziełka».
Videa nabrała 246 tysiač prahladaŭ i bolš za 9500 kamientaryjaŭ. Tych, chto paškadavaŭ školnika, była mienšaść. Kamientaryi kštałtu «Nikoli b tak nie sapsavała adpačynak dziciaci» adzinkavyja.
Astatnija zamiłoŭvajucca chłopčykam i ličać, što baćki zrabili słušna, kali ŭziali ŭ adpačynak padručniki: «Narmalnaje dzicia z narmalnym padychodam da žyćcia, ciapier biez adukacyi nikudy. Lepš adpačyvać na mory, čym siadzieć na ŭrokach, pry hetym viedy buduć», «Kali b nie vučyŭsia, u Jehipiet pajechali b repietytary».
Asabliva paradavalisia nastaŭniki: «Voś jość adkaznyja baćki. A to niekatoryja adzin dzień u škole nie byli i ŭžo «ja nie viedaŭ, što zadali». Ja kažu, ty što bieź internetu byŭ, na chutary, na vostravie?».
Školniki ž zrazumieli «kalehu»: «U nas takaja ž samaja nastaŭnica pa biełaruskaj: choć pažar, a chatniaje pavinna być zroblena».
Chtości słušna zaŭvažyŭ, što za tyja 9 hadzin, jakija samalot lacić ź Jehipta ŭ Minsk, navat hulać u telefonie nadakučyć. A tak i čas projdzie, i karyść budzie.
«Dalej budzie tolki bolš». Biełarus-raspracoŭščyk u halinie ŠI, jaki pracuje ŭ Ńju-Jorku, raskazaŭ, što nas čakaje13
Kamientary
📖 Nie pierastaju ździŭlacca, nakolki ž biedny «vielikij i mohučij jazyk» — jazyk Puškinka, Babariki j Koleśnikovoj! I ŭsiej henaj ichniaj pasty, što žaruć da łapaty biełbulbu, ale rodnuju biełmovu za stolki hadoŭ niezaležnaści tak i nie ahoryli.
🦴 «Biednyj riebionok. Riejs Jehipiet — Biełaruś» — chtości napisaŭ zhodna z praviłami movy-akupantaŭki, zaciemlu, pravilna. Ale dzie tutaka navohuł u ich lohika? Bo biedny heta heta tej, «kto nie možiet normalno pitaťsia; nie možiet priobriesti novuju odieždu; nie možiet priobriesti kakije by to ni było novyje tovary...».
🚗 «Ach, biednyj Jemieljan Ivanovič! Jeho «Majbach», kstati, Z, popał v takuju probku, i vot on nie uśpieł na vstrieču.» Jamiela što, na piečcy jechaŭ, dyk čamu ž jon biedny?!
🎉 Tamu ja ŭściešany, što śviadomyja biełarusy: chłopčyki j dziaŭčynki, a taksama ichnija baćki — nie raŭnia jabaćkam i babarykanam — lubiać, vyvučajuć, raźvivajuć našu sapraŭdy bahatuju, sakavituju, najpryhožuju rodnuju movu! U nośbita jakoj jazyk (rasiejski) niachaj całkam adsochnie, kali nazavie jon badziajučahasia «pamiž piaskoŭ Ehipieckaj ziamli» j płavajučaha «nad chvalami siniejučaho Niła» niejkim biednym.