Try piensijaniery i padletak zabłudzilisia ŭ lesie pad Barysavam. Ich šukali 62 čałavieki, sabaki i dron
Usio skončyłasia dobra.
Dvoje mužčyn i žančyna piensijnaha ŭzrostu, a taksama padletak pajšli ŭ les kala vioski Sialec Barysaŭskaha rajona — i zabłukali.
Na špacyr kampanija adpraviłasia jašče 12 krasavika. Uviečary znajści darohu dadomu piensijaniery i dzicia nie zmahli. Jany ŭładkavali miesca dla načlehu, kab dačakacca ranicy, paviedamlaje MNS.
U adnaho ź ich, na ščaście, telefon nie paśpieŭ całkam razradzicca. Jon datelefanavaŭsia da MNS i paprasiŭ ab dapamozie. Na pošuki kampanii adpravilisia 62 čałavieki: ratavalniki, milicyjaniery, vajskoŭcy, pradstaŭniki lashasa i miascovyja žychary.
Da pošukaŭ taksama pryciahnuli słužbovych sabak, śpiecyjalnuju techniku i drony. Da viečara 13 krasavika ludziej udałosia znajści. Miedycynskaja dapamoha im nie spatrebiłasia.
Kamientary