Hramadstva66

EPAM raptoŭna vyjšaŭ z prahramy padrychtoŭki ajcišnikaŭ u EHU

Studentam prapanujuć zastacca na śpiecyjalnaści «Infarmatyka» ŭ novym rearhanizavanym filijale School of Digital Competences, abo pierajści ŭ inšyja VNU.

Budynak EHU ŭ Vilni. Fota: Naša Niva

EPAM Systems niečakana zaviaršaje partniorstva ź EHU pa prajekcie EPAM School of Digital Engineering (ESDE). Studentam prapanujuć praciahnuć navučańnie ŭ EHU na śpiecyjalnaści «Infarmatyka» abo pierajści ŭ inšyja VNU, piša devby.io.

Studenty daviedalisia pra heta 11 krasavika na sustrečy z administracyjaj EHU i dyrektaram litoŭskaha ofisa EPAM. Pryčyny takoha rašeńnia kampanija nie nazvała sa spasyłkaj na karparatyŭnuju tajamnicu.

Kiraŭnictva ŭniviersiteta prapanavała studentam praciahnuć navučańnie ŭ EHU na śpiecyjalnaści «Infarmatyka» ŭ novym rearhanizavanym filijale — School of Digital Competences. Pry hetym kiraŭnictva EHU śćviardžaje, što rearhanizacyja nie zakranie navučalnaha pracesu.

Alternatyva — uziać akademičny adpačynak (u hetym vypadku viernuć hrošy za viasnovy siemiestr) abo pierajści ŭ inšy ŭniviersitet paśla zakančeńnia siemiestra.

Adzin sa studentaŭ ESDE daŭ kamientar devby. Pavodle jaho, mnohija pakul nie viedajuć, što rabić.

— Možna zastacca ŭ EHU, ale niezrazumieła, što budzie z prahramaj, sa strukturaj kursaŭ. Choć i kažuć, što ŭsio zastaniecca hetak ža, vierycca ŭ heta ź ciažkaściu. Da taho ž vykładčyki byli častkova z EPAM. Pierachodzić u inšyja ŭniviersitety niavyhadna z-za roznaści prahram i cen za navučańnie. U EHU płata za navučańnie za hod składaje da 2,5 tysiač jeŭra, a ŭ inšych univiersitetach u Vilni, kali kazać pra techničnyja śpiecyjalnaści, kala 4,2 tysiač jeŭra ŭ hod.

EPAM School of Digital Engineering — ekśpierymientalnaje padraździaleńnie EPAM dla padrychtoŭki bakałaŭraŭ i mahistraŭ u partniorstvie z univiersitetami. Prajekty ESDE užo pracujuć u VNU Polščy, Uźbiekistana, Hruzii, Ukrainy i inšych krain. U 2022 hodzie prahrama adkryłasia ŭ Litvie ŭ partniorstvie ź EHU.

U prahramie ŭ EHU — try śpiecyjalizacyi na vybar, jakija pahłyblena vyvučajucca na praciahu čatyroch siemiestraŭ:

  • Java EE;
  • .Net;
  • JavaScript/TypeScript.

Akramia śpiecyjalizacyi ŭ prahramu ŭklučany pradmiety, jakija dapamohuć budučym IT-śpiecyjalistam raźvivać soft skills i atrymlivać praktyčnyja kampietencyi.

Navučańnie viadziecca na ruskaj movie z pastupovym pierachodam na anhlijskuju na starejšych kursach. Pieršyja dva siemiestry studenty prachodziać intensiŭ pa anhlijskaj movie, a ŭ prahramie navučańnia šyroka vykarystoŭvajucca anhłamoŭnyja navučalnyja materyjały.

Jość try formy navučańnia: vočnaja (afłajn i anłajn) — 3,5 hady i zavočnaja — 4,5 hady. Sioleta vočnaje navučańnie kaštuje 1800 jeŭra ŭ siemiestr, zavočnaje — 1250 u siemiestr.

Kim možna pracavać paśla vypusku:

  • Full-stack, Front-end i back-end raspracoŭščyk;
  • Teściroŭščyk i śpiecyjalist pa zabieśpiačeńni jakaści;
  • Prajekciroŭščyk prahramnaha zabieśpiačeńnia, UX-dyzajnier, raspracoŭščyk mabilnych dadatkaŭ;
  • Mieniedžar IT-prajektaŭ.

Kamientary6

  • .
    13.04.2024
    Dumaju, Dobkin nie vidit rynka dla novych prohrammistov. A tratiť siły kompanii na to, čtoby hotoviť tiech, na kom ona nie zarabotajet - tak siebie zaniatije, on nie altruist.
  • Karł
    13.04.2024
    Zmahar, ci ŭ Biełarusi niechta cenny zastaŭsia i heta košt abmienu
  • Kvadratnyj korień
    13.04.2024
    Odnoznačno, Dobkin zakončił płavnyj vychod iz pikie, v kotoroje vletieł v 20... Łukašienko zaviernuł siebie i jemu kran i ta marža ,na kotoroj dieržałsia jeho kučieriavyj biźnies, na zapadie v razy mieńšie. Nie poniatno tolko, začiem on vviazałsia v obučienije?

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Usie naviny →
Usie naviny

Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie1

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

bolš čytanych navin
bolš łajkanych navin

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Hałoŭnaje
Usie naviny →