Pryzvany na zbory. Fota: Naša Niva

Pryzvany na zbory. Fota: Naša Niva

Rasijskaja armija na fonie ŭvarvańnia va Ukrainu rychtujecca pravieści štohadovyja vajskovyja zbory dla mužčyn, jakija znachodziacca ŭ zapasie. U Maskoŭskaj vobłaści płanujecca vyklikać bolš mužčyn, čym u papiarednija hady. Pra heta The Moscow Times raspaviali na čatyroch pradpryjemstvach, jakija bajacca, što adjezd supracoŭnikaŭ moža prymusić ich prypynić častku rabot.

Pavyšanyja kvoty vykliku na zbory mahčymyja i ŭ inšych rehijonach, udakładniła krynica, blizkaja da Minabarony.

Ukaz Uładzimira Pucina ab pryzyvie na vajennyja zbory tych, chto znachodzicca ŭ zapasie, pačaŭ dziejničać z 1 sakavika 2024 hoda. Terminy praviadzieńnia zboraŭ taksama zasakrečanyja. Pry hetym ukaz ab «častkovaj mabilizacyi», jaki Uładzimir Pucin abjaviŭ u vieraśni 2022 hoda, nie maje kankretnaha terminu zakančeńnia — faktyčna jon praciahvaje dziejničać.

Vajskovyja zbory ŭ 2024 hodzie mohuć stać samymi masavymi za apošniaje dziesiacihodździe pa kolkaści pryciahnutych mužčyn, raskazali top-mieniedžary niekalkich pradpryjemstvaŭ Maskoŭskaj vobłaści.

Hety rehijon — druhi pa kolkaści ŭ Rasii paśla stalicy, u im pražyvaje kala 9 młn čałaviek.

Kamisaryjaty Padmaskoŭja pačali viejerna rassyłać listy kiraŭnikam pradpryjemstvaŭ z patrabavańniem dać śpisy supracoŭnikaŭ, jakija padpadajuć pad zakon ab zborach.

Pradpryjemstvy pavinny paviedamić: imia, datu i miesca naradžeńnia, katehoryju prydatnaści, vajennuju śpiecyjalnaść, zvańnie, pasadu ŭ kampanii, miesca pražyvańnia i numar telefona, raskazaŭ The Moscow Times na ŭmovach ananimnaści supracoŭnik vajenkamata, pakolki nie ŭpaŭnavažany kantaktavać sa ŚMI.

«Listy rassyłajucca ŭsim arhanizacyjam, zarehistravanym u Maskoŭskaj vobłaści», — dadaŭ supracoŭnik vajenkamata.

«U mianie na pradpryjemstvie na vajskovyja zbory mohuć zabrać bolš za 20% ad ahulnaj kolkaści piersanału ŭ 1 tys. čałaviek. Stolki padpadajuć pad krytery», — raspavioŭ top-mieniedžar pramysłovaha pradpryjemstva na zachadzie vobłaści.

Клас
2
Панылы сорам
1
Ха-ха
5
Ого
1
Сумна
0
Абуральна
9