Fota: Kalendar MUS

Fota: Kalendar MUS

NAK Ukrainy, a taksama Minsportu krainy patrabuje ad Mižnarodnaha alimpijskaha kamiteta nie dapuskać da Alimpijady-2024 u Paryžy biełaruskuju barčychu Vanesu Kaładzinskuju.

U aficyjnym liście havorycca, što spartsmienka nie adpaviadaje kryteram niejtralnaści dla ŭdziełu ŭ hulniach. U dadatku da lista NAK pradstaviŭ dokazy. U dakumiencie paznačana, što Vanesa Kaładzinskaja 9 studzienia prysutničała na mierapryjemstvie z udziełam Łukašenki. Akramia taho, jana źjaŭlajecca instruktaram pa sporcie ŭ struktury MUS.

Pa anałahičnych pryčynach Ukraina patrabuje adchilić ad hulniaŭ šerah spartoŭcaŭ z Rasii.

Nahadajem, zhodna z rašeńniem MAK, biełaruskija i rasijskija spartsmieny zmohuć udzielničać u Alimpijadzie tolki ŭ niejtralnym statusie i tolki ŭ indyvidualnych spabornictvach. Pry hetym da Hulniaŭ nie dapuściać spartsmienaŭ, jakija adkryta padtrymlivali vajnu Rasii suprać Ukrainy, a taksama majuć dačynieńnie da siłavych struktur i armii Biełarusi i Rasii.

Vanesa Kaładzinskaja — bronzavy pryzior Alimpijady-2020, dvuchrazovaja čempijonka śvietu i trochrazovaja čempijonka Jeŭropy. Jana ŭziała alimpijskuju licenziju na letašnim čempijanacie śvietu, zavajavaŭšy srebra ŭ katehoryi da 53 kh.

Čytajcie taksama:

Urad Vialikabrytanii padtrymaŭ udzieł biełarusaŭ i rasijanaŭ u Alimpijadzie

Biełaruś maje pakul usiaho 16 alimpijskich licenzij

Hiermanija nie davała vizy batutystu Litvinoviču, ale jon usio adno pryjechaŭ u krainu i adabraŭsia na Alimpijadu. Jak tak?

Клас
25
Панылы сорам
3
Ха-ха
4
Ого
1
Сумна
2
Абуральна
4