Cichanoŭskaja pieradała byłomu premjeru Hrecyi archiŭnyja materyjały pra jaho pradzieda-paŭstanca 1863 hoda
Pradzied palityka Zyhmunt Miniejka, jaki braŭ aktyŭny ŭdzieł u paŭstańni Kalinoŭskaha, naradziŭsia ŭ Biełarusi.
Demakratyčny lidar Śviatłana Cichanoŭskaja 11 krasavika ŭ Afinach sustrełasia z byłym premjer-ministram Hrecyi, patomnym palitykam Hieorhijasu Papandreu, jaki źjaŭlajecca praŭnukam adnaho z paŭstancaŭ 1863 hoda, paviedamiŭ «Pozirku» jaje hałoŭny daradca Franak Viačorka.
Pradzied palityka Zyhmunt Miniejka, jaki braŭ aktyŭny ŭdzieł u paŭstańni Kalinoŭskaha, naradziŭsia ŭ Biełarusi. Paśla zdušeńnia paŭstańnia byŭ vysłany ŭ Sibir, a adtul pierabraŭsia ŭ Hrecyju, dzie braŭ udzieł u baraćbie za niezaležnaść.
«Cichanoŭskaja pryviezła byłomu premjeru archiŭnyja materyjały, u tym liku radavod, fotazdymki jaho prodkaŭ, a taksama materyjały pra majontak i ziemli Miniejkaŭ u Biełarusi. Cichanoŭskaja zaprasiła Papandreu, jaki vielmi hanarycca svaim pachodžańniem, u Vilniu naviedać miescy pachavańnia jaho svajakoŭ, i vykazała spadziavańnie, što jany razam zmohuć naviedać miaściny Miniejkaŭ u Biełarusi, kali Biełaruś stanie svabodnaj», — skazaŭ Viačorka.
Taksama palityk padaravała eks-premjeru knihu miemuaraŭ Zyhmunta Miniejki «Z Tajhi pad Akropal», vydadzienuju na biełaruskaj movie.
Hieorhijas Papandreu-małodšy ŭznačalvaŭ urad Hrecyi ŭ 2009—2011 hadach, raniej taksama byŭ ministram zamiežnych spraŭ, ministram adukacyi i pa spravach relihii. 16 hadoŭ (2006—2022) byŭ prezidentam Sacyjalistyčnaha internacyjanału. Jaho baćka i dzied taksama byli premjerami Hrecyi.
Cichanoŭskaja i Papandreu sustrakalisia ŭ Afinach u mai 2021 hoda.
U Łukašenki znajšłasia pazašlubnaja dačka Kryścina? Voś što viadoma1
Kamientary
polskim