Hramadstva1515

Viciebski archijepiskap atrymaŭ biełaruskaje hramadzianstva i padaryŭ načalniku milicyi knihu pra achviaru represij

Pravasłaŭny archijepiskap Viciebski i Aršanski Dzimitryj praz 32 hady paśla zastupleńnia na hetuju pasadu atrymaŭ biełaruskaje hramadzianstva. Pašpart śviataru ŭručyŭ asabista načalnik Viciebskaj milicyi hienierał-major Andrej Lubimaŭ.

Fota: Viciebskaja milicyja

Cikava, što archijepiskap Dźmitryj uznačalvaje kafiedru na praciahu ŭsioj suvierennaj historyi Biełarusi. Jon staŭ jepiskapam Połackim i Viciebskim jašče ŭ 1989 hodzie, a ŭ 1992-m uznačaliŭ asobna vydzielenuju Viciebskuju kafiedru. Tym nie mienš, uvieś hety čas adzin ź viadučych ijerarchaŭ BPC zastavaŭsia biez hramadzianstva krainy, u jakoj słužyć. Darečy, pavodle novaha zakona ŭznačalvać relihijnyja arhanizacyi ŭ Biełarusi mohuć tolki hramadzianie krainy.

Budučy archijepiskap, śvieckaje imia jakoha Mikałaj Drazdoŭ, naradziŭsia ŭ Babrujsku. Adnak paśla słužby ŭ Savieckaj armii pastupiŭ u sieminaryju ŭ Maskvie i da 1989 hoda žyŭ u Troica-Sierhijevaj łaŭry pad Maskvoj. Dziela taho i mieŭ rasijskaje hramadzianstva. Načalnik Viciebskaj milicyi nazvaŭ uručeńnie archijepiskapu biełaruskaha pašparta «adnaŭleńniem histaryčnaj spraviadlivaści».

Śviatar, u svaju čarhu, padaryŭ Lubimavu knihu pra Uładzimira Jelanieŭskaha, nazvaŭšy jaho «niabačnym abaroncam usich milicyjanieraŭ Viciebščyny». Uładzimir Jelanieŭski pracavaŭ sudovym śledčym u Viciebsku jašče pry cary. U 1922 hodzie balšaviki adpravili jaho ŭ turmu z zabaronaj pracavać u orhanach. Paśla vyzvaleńnia jon prymaŭ aktyŭny ŭdzieł u žyćci miascovaj pravasłaŭnaj abščyny, akazvaŭ joj jurydyčnuju padtrymku.

U 1931 hodzie Jelanieŭskaha znoŭ aryštavali — pryčym pa iłžyvym abvinavačvańni ŭ «padbuchtorvańni da masavych chvalavańniaŭ» i «antysavieckuju ahitacyju». Z vysyłki jon viarnuŭsia invalidam. U 2007 hodzie Sinod BPC uklučyŭ spaviednika Uładzimira Jelanieŭskaha ŭ Sabor Biełaruskich śviatych.

Takim čynam, «niabačnym abaroncam biełaruskich milicyjanieraŭ» arcybiskup nazvaŭ taho, kaho samoha pry žyćci milicyja niespraviadliva pieraśledavała pa nadumanych abvinavačvańniach.

Kamientary15

  • v mirie životnych
    11.04.2024
    [Red. vydalena]
  • uvieś hety čas adzin ź viadučych ijerarchaŭ BPC zastavaŭsia biez hramadzianstva krainy, u jakoj słužyć
    11.04.2024
    a biełarusaŭ chto-niebudź spytaŭ, ci treba im takija "hramadzianie"? chacia pra što heta ja...
  • Vasia
    11.04.2024
    Chorošo prikołołsia śviatoj otiec nad nimi:)

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda2

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda

Usie naviny →
Usie naviny

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku6

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

Pucin zrabiŭ Z-śpievaka Šamana zasłužanym artystam Rasii5

bolš čytanych navin
bolš łajkanych navin

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda2

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda

Hałoŭnaje
Usie naviny →