Mierkavańni2727

Kraŭcoŭ parazvažaŭ pra rezanansnyja słovy Babaryki ŭ 2020-m i anansavaŭ svaju knihu

Sakratar Kaardynacyjnaj rady i siabra štaba Viktara Babaryki Ivan Kraŭcoŭ u efiry «Jeŭraradyjo» acaniŭ mahčymaść Łukašenki sieści za stoł pieramovaŭ i vykazaŭsia pa sprečnych tezisach Babaryki.

Ivan Kraŭcoŭ Ivan Kravtsov Ivan Kravcov
Ivan Kraŭcoŭ padčas intervju. Skryn videa: EuroradioLive / YouTube

Sprečnyja tezisy Babaryki

U efiry zhadali słovy Babaryki, jakija hučali da žniŭnia 2020 hoda — pra toje, što kali za kandydata prahałasuje 80%, to sfalsifikavać vybary budzie nielha, što masavyja represii niemahčymy.

Kraŭcoŭ vykazaŭ svajo staŭleńnie. Na jaho pohlad, padobnuju dumku pradstaŭniki apazicyi vykazvali zadoŭha da Babaryki. Jašče ŭ 2006 hodzie, zhadvaje Kraŭcoŭ, havaryli pra vychad 100 tysiač čałaviek.

«I heta paćvierdziłasia. Tamu što ŭ pryncypie nie atrymałasia sfalsifikavać vybary. Była zafiksavana vialikaja kolkaść parušeńniaŭ. Vybary nie pryznali. Vola naroda vidavočna abjektyŭna prajaviłasia».

Što tyčycca palitźniavolenych i represij, to tut Kraŭcoŭ havoryć pra isnavańnie peŭnaj dylemy:

«Ty nie možaš adnačasova havaryć ab vybarach i pry hetym admianiać toje, što robiš. <…> Tamu što kali ty pačynaješ havaryć, što vybaraŭ u krainie niama, u tym liku tamu, što asnoŭnych apanientaŭ pasadzili ŭ turmu, što byli palitźniavolenyja, represii, to tady łahičnaje pytańnie, navošta ty ŭ ich udzielničaješ.

A kali ty vyrašyŭ u ich udzielničać, to ty nie viartaješsia da dośviedu minułaha, a kancentruješsia na tym, što jość ciapier».

Kraŭcoŭ adznačaje, što viedaje, što byli palitźniavolenyja na momant vybarčaj kampanii. I dadaje, što ličyć svajho baćku palitźniavolenym, choć jon nikoli im nie byŭ pryznany. «Jaho aryšt byŭ čysta palityčnaje rašeńnie. <…> Dla mienie heta (isnavańnie palitźniavolenych. — NN) vielmi zrazumieła i viadoma. Nie havoračy pra tych ludziej, jakija prapadali.

Ale, chiba što, udzieł u vybarach i abmierkavańnie taho, jakija złačynstvy byli ździejśnieny, heta prosta roznyja pytańni. Časam jany nie sumiaščalnyja ŭ adnoj [vybarčaj] kampanii».

Ci siadzie Łukašenka za stoł pieramovaŭ

Ivan Kraŭcoŭ źviarnuŭ uvahu na toje, što apošnim časam pradstaŭniki demakratyčnych siłaŭ pačali havaryć ab pieramovach z Łukašenkam. Ale, na jaho pohlad, ciapier takoje niemahčyma jak pa pryčynie mižnarodnaj situacyi, tak i tamu, što «stračany momant».

Kraŭcoŭ zhadvaje, što pra pieramovy jon havaryŭ u śniežni 2021 hoda. Ale tady, pa jaho słovach, usie kazali: «Jak jon takoje havoryć? Jak takoje mahčyma?»

«Na toj momant, kali jašče nie było vajny va Ukrainie, nie było adnaznačnaj ideałahičnaj napampoŭki, byŭ šaniec niejak heta zrabić. Ale, jak zaŭsiody, my trochi spaźniajemsia. I spaźniajemsia, jak mnie padajecca, z kanca 2020 hoda ŭ niejkich rečach», — ličyć člen štaba Babaryki.

U vypadku, kali hipatetyčna Łukašenka pahodzicca na pieramovy z apazicyjaj na fonie parazy Rasii ŭ vajnie, na pohlad Kraŭcova, demakratyčnyja siły ŭ emihracyi nie buduć u ich prymać niepasredny ŭdzieł:

«Moža, kamu-niebudź chaciełasia b, kab biełarusy, skažam tak, pratestu byli pradstaŭleny ŭ niejkim dyjałohu. Ale, kali heta budzie Łukašenka, to ja nie baču, što demakratyčnyja siły ŭ vyhnańni niejkim čynam buduć za stałom [pieramovaŭ]. Ź imi mohuć kansultavacca, pytacca mierkavańnia, ale jany nie subjekty dla prysutnaści na pierahavorach.

Tamu što ŭ ich niama efiektyŭnaha kantrolu ni nad čym — ni nad biudžetam, ni nad terytoryjaj, ni nad ludźmi ŭ krainie. Niama navat jurydyčnaha kantrolu za subjektnaściu. Tamu što mižnarodnaja subjektnaść — heta dziaržava».

Adnosna taho, ci pojdzie Łukašenka na pieramovy z Zachadam ci ZŠA, palityk adznačaje, što heta mahčyma ŭ vypadku, kali budzie «spryjalnaja mižnarodnaja situacyja»:

«Ja nie dumaju, što jon budzie admaŭlacca, kali jamu pačnuć zvanić. Naprykład, Makron. <…> Dla jaho heta budzie vialikaja dypłamatyčnaja pieramoha. Heta treba taksama razumieć. Inšaje pytańnie, jak zrabić, kab heta dla nas było chacia b nievialikaj pieramohaj.

Bo na fonie taho, što adbyvajecca va Ukrainie, toje, što adbyvajecca ŭ Biełarusi, vielmi haśnie».

Pra knihu, jakuju piša

Ivan Kraŭcoŭ raskazaŭ, što piša knihu pra 2020 hod, u jakoj budzie pradstaŭleny «pohlad znutry», toje, što adbyvałasia ŭ štabie Babaryki.

Jon adznačaje, što «heta chutčej praca nad pamyłkami, refleksija».

Kamientary27

  • Dziakuj Bohu, što nie biedaruss
    11.04.2024
    [Red. vydalena]
  • Dacent
    11.04.2024
    Vo chalera, kudy padzieŭsia intelekt? Ci heta tolki mnie padajecca, što ŭsie hetyja šparhałki piša niechta adzin, adpaviednaha ŭzroŭniu, i piša sam sabie.
  • deru
    11.04.2024
    Kuča słov ,a smysła nol. Vot čto on chotieł skazať ? Pustoj etot Kravcov .Niet takoho politika i nie było .

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

Čarha lehkavych aŭto na ŭjezd u Polšču ź Biełarusi pavialičyłasia ŭ čatyry razy5

Juryj Čyž pajšoŭ u rasijski sud, kab pazmahacca za svoj małakazavod u Hielendžyku

Jak transhiendar abvaliŭ prodažy samaha papularnaha amierykanskaha piva15

Iłan Mask žorstka vyśmiejaŭ Microsoft za hłabalny IT-zboj5

Śviatłana Cichanoŭskaja sustrełasia ź Viktaram Orbanam23

Nie rabicie hetuju pamyłku ŭ zachoŭvańni chleba5

Nazirajecca maštabny zboj elektroniki pa ŭsim śviecie. Aeraporty admianiajuć paloty13

Kałabaranty z Zaparožskaj vobłaści vydajuć sustreču z pramaskoŭskim biełaruskim aktyvistam Łuščom za aficyjny vizit1

Za dva z pałovaj hady na miažy Biełarusi i ES zahinuli 126 mihrantaŭ2

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł24

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →