Usiaho patrochu44

U minskim Bataničnym sadzie pracuje Sad lichtaroŭ. Što ŭ im cikavaha? FOTA

Pra Sad lichtaroŭ «Makra Mikra ŚVIET», jaki pracuje ciapier u staličnym Bataničnym sadzie, mnohija ŭžo čuli: vystava paradavała naviedvalnikaŭ zimoj. Praŭda, mała chto navažyŭsia pabadziacca siarod vializnych śvietłavych fihur, kali na dvary stabilny minus. Ciapier ža samy čas, ličyć Blizko.by. Bo našmat pryjemniej ubačyć na svaje vočy moc i vielič vielizarnych śvietłavych nasiakomych, źmiej i ptušak u ciopły čas hoda.

U Centralnym bataničnym sadzie majecca bolš za dvaccać łakacyj, na jakich raźmiaścilisia raznastajnyja śvietłavyja fihury ŭ formie nasiakomych, ptušak, raślin.

Padčas prahułki pa ich možna panazirać za hihanckimi šeršniem i skałapiendraj, jakija praź siekundu ŭstupiać u sutyčku adzin z adnym.

Zachapleńnie naviedvalnikaŭ vyklikaje honka śvietłavych ślimakoŭ. Kožny ź ich maje svoj numar, tamu možna navat pazaŭzieć za taho, jaki bolš spadabaŭsia (abo vyklikaje bolš davieru). Udzielnik № 9 vyrvaŭsia napierad, tamu zvyčajna ŭsie zaŭziejuć za jaho. Choć hetaja honka maluskaŭ nie skončycca nikoli, lubavacca ślimakami možna doŭha.

Detalizavanyja mastackija abjekty dapaŭniajucca muzyčnym afarmleńniem. Asabliva dapytlivyja hramadzianie zmohuć daviedacca dadatkovuju infarmacyju pra žyvioł pa QR-kodzie.

U vychadnyja i ŭ śviatočnyja dni paśla 21:00 Sad lichtaroŭ pačynaje śviacić asabliva jarka: u hety čas tam pačynajecca Fajer-nieon Šou. Utajmavalniki ahniu pakazvajuć dzivosnyja truki na placoŭcy, dzie raźmiaściŭsia hihancki skarpijon. Kožny naviedvalnik, jaki pryjdzie ŭ hety čas siudy, stanie śviedkam čaroŭnaha šou, jakoje nazaŭždy zastaniecca ŭ pamiaci.

Trapić u Sad lichtaroŭ «Makra Mikra ŚVIET» možna tolki praz centralny ŭvachod u Bataničny sad — jon raźmieščany na płoščy Kalinina, kala stancyi mietro «Park Čaluskincaŭ». Kvitok nabyć možna z 19:00 da 21:30.

Pachod u Sad lichtaroŭ dla darosłaha ŭ budnyja dni abydziecca ŭ 12 rubloŭ. U vychadnyja i śviaty košt vyraście na čatyry rubli — płacić daviadziecca ŭžo 16 rubloŭ. Dziciačy (ilhotny) kvitok u budnyja dni kaštuje 6 rubloŭ, u vychadnyja — 8 rubloŭ. Lohka paličyć, što prahułka pad čaroŭnymi lichtarami ŭ subotu, niadzielu albo śviatočnyja dni abydziecca siamji z adnym dziciom u 40 rubloŭ.

Vystava budzie pracavać da 28 krasavika. 

Kamientary4

  • śniažynka
    10.04.2024
    "Praŭda, mała chto navažyŭsia pabadziacca siarod vializnych śvietłavych fihur, kali na dvary stabilny minus."

    hłupstva. a my jak raz taki chadzili zimoj (heta było niekalki hod tamu. i byli inšyja lichtary - bolš cikavyja). i byŭ śnieh - usio bialutkaje. mała taho, što ŭ Bataničnym u ciomny čas sutak niezvyčajna, dyk jašče i śnieh... vaŭ
  • Cvyrkun
    10.04.2024
    Cikava. :) Niešta padobnaje bačyŭ u BS u Sałaśpiłsie. Ale zimoju, i tema adpaviednaja, zimovaja. Ź dziećmi naviedacca, u kaho małyja, sama toje, im heta dadaść fantazii. :)
  • ..
    11.04.2024
    Očieriednoj Łukatreš.

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Usie naviny →
Usie naviny

«Vostraŭ čyścini» kančatkova likvidujecca1

Byłuju žonku śpievaka Rusłana Muśvidasa taksama sudzili za pratesty

Palitviazień Dzianis Ivašyn prysłaŭ baćkam parady, jak pieražyć śpioku: Nijakich vychadaŭ u ciaplicu

50 dzieciam admovili. U biełaruskamoŭnaj himnazii Vilni zamała miescaŭ, baćki prosiać nabirać bolš kłasaŭ11

Iłan Mask zajaviŭ, što zhubiŭ syna z-za błakataraŭ pałavoha vyśpiavańnia24

U Franciška Skaryny ŭ Prazie skrali piaro — heta zdaryłasia nie ŭpieršyniu3

Zamiežniki pišuć u sacsietkach, što źbirajucca ŭ Biełaruś pa biaźvizie. A ich uprošvajuć pieradumać11

Paŭła Łatušku vyklikali ŭ polskuju prakuraturu2

Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Hałoŭnaje
Usie naviny →