Vajna22

Ukraina kuplaje drony dla ŭdaraŭ pa Rasii ŭ Kitaja

Iran pradaŭ Rasii tysiačy dronaŭ dla bambardziroŭki ŭkrainskich haradoŭ, jašče 6000 bieśpiłotnikaŭ pavinna być vyrablena ŭ asobaj ekanamičnaj zonie «Ałabuha» pa iranskaj licenzii. Miž tym Ukraina ŭ značna bolšych kolkaściach zakuplaje drony dla abstrełu frantavych pazicyj praciŭnika ŭ inšaha partniora Rasii — Kitaja, piša The Moscow Times, abapirajučysia na publikacyi ŭ amierykanskaj presie.

Fota: dji.com

Ukraincy znajšli sposaby zajmieć dziasiatki tysiač dronaŭ, a taksama naładzić pastaŭki zapčastak dla ich z hetaj krainy, piša The Wall Street Journal.

U asnoŭnym robiacca zakupki hatovaj pradukcyi, pierš za ŭsio kampanii SZ DJI Technology, u kramach i ŭ pastaŭščykoŭ. Akramia taho, kitajskija kampanienty prymianiajucca ŭkraincami ŭ bieśpiłotnikach ŭłasnaj vytvorčaści, jakaja raście imklivymi tempami.

Pa słovach Hieorhija Cchakaja, daradcy pa abaronie Ministerstva ličbavaj transfarmacyi Ukrainy, za apošnija paŭtara hoda kolkaść vytvorcaŭ dronaŭ u krainie vyrasła ź siami da amal 300. Sotni tysiač prostych, tannych aparataŭ, jakija mohuć nieści vybuchoŭku, vypuskajucca samatužnym i pramysłovym sposabam.

Štomiesiac Uzbrojenyja siły Ukrainy vykarystoŭvajuć na poli boju kala 10 000 dronaŭ. DJI zajaviła WSJ, što imkniecca abmiežavać prymianieńnie svajoj pradukcyi ŭ vajennych metach, ale nie moža kantralavać ich vykarystańnie paśla pakupki.

Zabarona ŭ ZŠA na vykarystańnie dronaŭ DJI dla vajskoŭcaŭ, a taksama kitajskich kampanientaŭ u pryncypie pry vytvorčaści ŭłasnych bieśpiłotnikaŭ stała adnoj z pryčyn, pa jakoj amierykanskija drony zanadta darahija. Choć ZŠA sprabavali naładzić pastaŭki va Ukrainu, mnohija amierykanskija kamiercyjnyja drony kaštujuć na dziasiatki tysiač dalaraŭ bolš, čym kitajskija madeli.

Va Ukrainie i chacieli b testavać dy vykarystoŭvać bolš amierykanskich dronaŭ, ale «my ŭsio-taki šukajem bolš ekanamična vyhadnyja rašeńni», skazaŭ WSJ namieśnik ministra ličbavaj transfarmacyi Hieorhij Dubinski.

Akramia taho, kožnaje abnaŭleńnie prahramnaha zabieśpiačeńnia dla bieśpiłotnikaŭ patrabuje ŭchvaleńnia Pientahona. Adnak situacyja na pole boju źmianiajecca tak chutka, što prahramistam i inžynieram davodzicca ŭvieś čas unosić karektyvy ŭ svaje madeli. «Toje, što lotaje siońnia, nie zmoža lotać zaŭtra, — kaža Dubinski. — Nam treba chutka adaptavacca da novych technałohij. Inavacyjny cykł u hetaj vajnie vielmi karotki».

U ZŠA niekalki sotniaŭ startapaŭ zajmajucca raspracoŭkaj nievialikich dronaŭ, niekatoryja ź ich padtrymlivaje Pientahon. Ale aparaty, pryznačanyja dla kamiercyjnaha vykarystańnia (jakimi pierš za ŭsio i zajmajucca vytvorcy), akazałasia składana pierarabić dla vajskovych metaŭ. U vyniku ŭ ZŠA niama značnaj prysutnaści ŭ pieršaj u historyi vajnie bieśpiłotnikaŭ.

Amierykanskija drony darahija, hlučać, kiepska supraćstajać srodkam radyjoelektronnaj baraćby, daloka nie zaŭsiody mohuć zaviaršyć misiju i vykanać zadaču ŭ adpaviednaści z zajaŭlenymi paramietrami, raskazali WSJ kiraŭniki startapaŭ i byłyja vajskoŭcy ŭ ZŠA, apieratary dronaŭ na pieradavoj i čynoŭniki va Ukrainie.

«Ahulnaja reputacyja kožnaha kłasa amierykanskich dronaŭ va Ukrainie takaja, što jany nie pracujuć hetak ža dobra, jak inšyja sistemy», — pryznaŭ Edam Braj, hiendyrektar startapa z Kramianiovaj daliny Skydio, jaki ŭ pačatku vajny adpraviŭ va Ukrainu sotni svaich najlepšych dronaŭ. Ale hetyja aparaty akazalisia «nie vielmi paśpiachovymi na linii frontu», skazaŭ jon.

Z tych časoŭ supracoŭniki Skydio 17 razoŭ jeździli va Ukrainu, i novyja drony pabudavanyja z ulikam mierkavańniaŭ i patrebaŭ ukrainskich vajskoŭcaŭ dy słužbaŭ biaśpieki, a nie patrabavańniaŭ Pientahona, kaža Braj.

Raspracoŭkaj dronaŭ i prahramnaha zabieśpiačeńnia dla ich Ukrainie dapamahajuć zajmacca ŭ tym liku bujnyja kampanii, takija jak Palantir i Microsoft, niekalki amierykanskich miljarderaŭ, a taksama startapy i pradprymalniki ŭ Paŭnočnaj Amierycy, Jeŭropie i Aŭstralii, piša The Washington Post.

Kamientary2

  • $$
    10.04.2024
    Odnaždy takoj bieśpiłotnik priletit komu- nibud́ iz prikorytnych Łukašienko)))
  • Dziaržprahrama kožnamu akupantu pa dronu ŭ piku
    10.04.2024
    Kali adna nie samaja vialikaja kantora ŭ Kyivie štomiesiac adpraŭlaje na front kala 10 tys. dronaŭ, to jakaja ahulnaja kolkaść ad 300 vytvorcaŭ? Chutka meta 1 miljon u 2024 budzie dasiahnuta.

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ1

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Usie naviny →
Usie naviny

Kantraktnik u Biełharadskaj vobłaści Rasii zastreliŭ troch tavaryšaŭ i ŭciok sa zbrojaj

U Kalinkavičach u 40 hadoŭ pamior praparščyk patrulna-pastavoj słužby 

Eduardu Babaryku dadali paŭtara hoda źniavoleńnia2

Bajden nazvaŭ vice-prezidenta Charys Trampam. Toj rezka adreahavaŭ1

Milinkievič raskazaŭ, što biełarusy mohuć dać Jeŭropie8

Razhramili kvateru byłoha viadučaha ANT Ivana Padreza11

Siamiejnuju paru rasijan zatrymali ŭ Aŭstralii pa padazreńni ŭ špijanažy

Šmatdzietnaj maci dali 6 hadoŭ kałonii pa 6 artykułach. Syn-padletak ź invalidnaściu čakaje jaje na voli7

Pamior biełaruski saksafanist Vital Jamuciejeŭ

bolš čytanych navin
bolš łajkanych navin

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ1

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ

Hałoŭnaje
Usie naviny →