Prezident Ukrainy raskazaŭ, što va USU jość płan novaha kontrnastupleńnia na froncie. Sa słoŭ Uładzimira Zialenskaha, va Ukrainy niama inšaj alternatyvy, akramia jak pieramahčy. Adnak nazyvać datu pačatku novaj apieracyi ŭkrainski lidar nie śpiašajecca, paviedamlaje Bild.
Zialenski adznačyŭ, što Ukrainie patrebnaja sučasnaja zbroja, u tym liku z ZŠA.
«Tak, u Rasii bolš ludziej, bolš zbroi. Ale ŭ abjadnanaha Zachadu jość sučasnyja sistemy ŭzbrajeńniaŭ. Tamu my atrymajem peŭnyja technałohii. I kali my praciahniem naroščvać vytvorčaść, kali atrymajem licenzii ad našych partnioraŭ, to sprava nie ŭ liku ludziej. Sprava ŭ jakaści zbroi», — ličyć prezident Ukrainy.
Zialenski skieptyčna nastrojeny nakont mahčymych pieramoŭ z Uładzimiram Pucinym.
«Usio, što jon kazaŭ dahetul, — paśla hetaha jon rabiŭ pa-inšamu. My nie možam jamu daviarać. [ … ] Možna damovicca pra ŭsio, ale pytańnie ŭ tym, ci budzie jon heta vykonvać», — adznačyŭ ukrainski lidar.
Prezident Ukrainy taksama vystupaje suprać zamarozki kanfliktu. Jon upeŭnieny, što pieradyšku Pucin vykarystaje dla padrychtoŭki novaha napadu na Ukrainu.
Zialenski zapeŭniŭ: siły abarony robiać usio, kab rasijskaja armija nie zmahła zachapić Charkaŭ.
«Pucin, viadoma, chacieŭ zachapić Charkaŭ, tamu što dla jaho heta vialiki simvał. Charkaŭ — adna sa stalic Ukrainy, u jaho vialikaje simvaličnaje značeńnie. [ … ] My robim usio mahčymaje, kab hetaha nie adbyłosia. [ … ] Pucin razumieje tolki siłu. Jon adčuvaje, jak žyvioła: kali ty nie možaš abaranić siabie, jon razburyć jašče bolš. Jaho žadańnie — zachapić usiu Ukrainu. [ … ]
Jon źniščyć usio. Jon zabje šmat ludziej. Bolšaść ludziej nie ŭciakuć, tamu jon zabje mnohich ź ich. Jak heta budzie? Kryvi budzie šmat. Budzie šmat achviar, šmat strat. My havorym pra sotni tysiač», — adznačyŭ Zialenski.
Prezident Ukrainy taksama raskazaŭ, što nie razumieje, čamu Hiermanija nie moža pieradać jahonaj krainie žyćciova nieabchodnyja rakiety Taurus. Zialenski miarkuje, što hetyja rakiety nie zdolnyja abaranić Hiermaniju ad jadziernych pahroz Rasii, pry hetym jany surjozna dapamohuć ukrainskaj armii na froncie.
Zialenski daŭ intervju, u jakim uspomniŭ i pra Biełaruś
Budanaŭ raskazaŭ, kali čakajecca nastup Rasii
Druhoha šancu ni Ukrainie, ni Biełarusi Pucin nie pakinie. Što čakaje akupavanyja terytoryi, kali Kijevu nie ŭdasca ich adbić
Stała viadoma, jakija z palitykaŭ najbolš papularnyja i nienavisnyja ŭ Jeŭropie
Terytoryi ŭ abmien na biaśpieku — mahčymy scenar spynieńnia vajny
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1818
Kamientary