Śviet66

Žychary Viaźmy daŭno kazali — jon abryniecca. Što viadoma pra most, jaki abvaliŭsia na Smalenščynie

U Viaźmie abrynuŭsia Paninski most, i pierakryćci ŭpali na čyhunačnuju mahistral, jakaja złučaje Minsk i Maskvu. U vyniku abvału zahinuła žančyna, jakaja ŭ hety momant jechała pa puciepravodzie. Jašče niekalki čałaviek paciarpieli i byli špitalizavanyja. Historyja hetaha mosta — nahladnaja ilustracyja taho, što byvaje, kali ŭłady i narod zachoplivajucca idejami «źbirańnia ziemlaŭ» zamiest taho, kab dbać pra elemientarny paradak na toj biaskrajniaj terytoryi, jakuju jany ŭžo majuć. 

Fota: Maskoŭskaja mižrehijanalnaja transpartnaja prakuratura

Viaźma raźmieščanaja ŭ 175 kiłamietrach ad Smalenska. Heta bujny čyhunačny vuzieł na Biełaruskim napramku Maskoŭskaj čyhunki. Praź Viaźmu prachodzić adziny pramy čyhunačny pierahon, jaki złučaje Brest i Maskvu. Hety šlach aktyŭna vykarystoŭvajecca ŭ tym liku i dla pieravozki vajskovych hruzaŭ.

Paninski most uźviali ŭ 1980 hodzie jakraz nad čyhunačnymi šlachami. Jon złučyŭ stary centr Viaźmy ź mikrarajonami Jubilejny i Maskoŭski, jakija tady dynamična raźvivalisia. Harantyjny termin skončyŭsia praź piać hadoŭ paśla adkryćcia.

Pastupova ruch pa moście rabiŭsia ŭsio bolš intensiŭnym, puciepravod staŭ najvažniejšaj arteryjaj na Kałužskim napramku. Znos pierakryćciaŭ pastupova pavialičvaŭsia, zbudavańnie stareła, ale miascovyja ŭłady ŭsio ciahnuli z ramontam.

Jašče ŭ 2016 hodzie miascovyja ŚMI bili tryvohu: Paninski most znachodzicca ŭ avaryjnym stanie. Na pierakryćciach zaŭvažyli raskoliny, a administracyja rajona atrymała ad ekśpiertaŭ rekamiendacyju pa ramoncie mosta.

Paninski most u 2018 hodzie. Fota: «Viaźma, včiera, siehodnia, zavtra»

Tady ž, na fonie abrynańnia mosta ŭ Amurskaj vobłaści (jahonaje videa siońnia niepraciahły čas vystupała ŭ jakaści fejka pry paviedamleńniach pra avaryju ŭ Viaźmie), miascovyja aktyvisty adkryta kazali, što Paninski most, miarkujučy pa jaho zaniadbanym stanie, moža być nastupnym.

Tendar na rekanstrukcyju abjavili tolki ŭ 2018 hodzie — praz 38 hadoŭ paśla adkryćcia. Miascovyja ŭłady byli hatovyja vydzielić na ramont amal 10 miljonaŭ rasijskich rubloŭ, abo prykładna 165 tysiač dalaraŭ pa tahačasnym kursie. Adnak akazałasia, što havorka idzie nie pra poŭnuju rekanstrukcyju mosta, a tolki pra zamienu darožnaha pałatna i kaśmietyčny ramont.

Ramontu chapiła na niekalki miesiacaŭ. Nieŭzabavie na darozie znoŭ źjavilisia raskoliny, ich znoŭ pryjšłosia łatać. Nastupny raz darožnaje pałatno pierakłali ŭ 2019 hodzie, vydatkavaŭšy jašče 13 miljonaŭ rubloŭ, ci 200 tysiač dalaraŭ.

U 2023 hodzie rajonnyja ŭłady zamovili abśledavańnie mosta. Acenku pravodziła kampanija «Hieamost» — jana vyjhrała tendar na sumu ŭ 164 tysiačy rubloŭ. Vyniki abśledavańnia apublikavanyja nie byli. Paviedamlałasia, što ŭłady płanujuć rekanstrujavać most u najbližejšyja hady.

Fota: Maskoŭskaja mižrehijanalnaja transpartnaja prakuratura

Adramantavać most nie paśpieli: 8 krasavika pierakryćcie vijaduka pavaliłasia. Pavodle śviedčańniaŭ vidavočcaŭ, pierad abvalvańniem most mocna hajdaŭsia, a zatym skłaŭsia jak kartačny damok.

Miascovyja žurnalisty adrazu ž adkinuli viersiju teraktu, adznačyŭšy, što most byŭ u vartym žalu techničnym stanie. Siarod mahčymych pryčyn nazyvajuć ruchomaść hruntu i mocny znos bietonnych kanstrukcyj.

Kamientary6

  • Kamu Viaźmu a krezidentu kliźmu
    08.04.2024
    I vaapšče dla čyvo masty prydumali? Jenta ŭsio Bałabama, haicianska-nianieckamu viarchoŭnamu žrecu (at słova žrać) niečaha dziełać było, uziaŭ saarudziŭ jenty most. Cipier choć apščeśviennaść sportam zajmiecca (zaadno basiejny budavać nie pryjdziecca)… chočaš na toj bierah za śnikiersam, zapłyŭ u trusielach bateflajem. Nu my možam skinucca apščeśviennaściu na pampiersy. Karoče: ASVOD NAŠ!
  • Uokiuł
    09.04.2024
    Pucien pamahi
  • Ihnat
    09.04.2024
    Naša niva stała rosijskoj nivoj? Počiemu my dołžny znať, čto tvoritsia u ruskich?

Zamach na Donalda Trampa: u jaho stralali ŭ čas vystupu ŭ Piensilvanii69

Zamach na Donalda Trampa: u jaho stralali ŭ čas vystupu ŭ Piensilvanii

Usie naviny →
Usie naviny

Paźniak pierakanany, što ŭ druhim tury vybaraŭ-1994 pieramoh by Łukašenku118

Miesiacy karcaru i dva z pałovaj hady biez sonca. Jak małady minčuk prajšoŭ praz kałoniju i krytuju turmu5

Novyja Patriot i SAMP/T nie zmohuć abaranić Charkaŭ, Sumy, Mikałajeŭ i Čarnihaŭ — analityki

Za 40 km ad Minska jość unikalny biaspłatny hidrapark z vadaspadami, lesam, plažami i navat «džakuzi»2

U Biełaruś znoŭ zalacieŭ šachied. Hetym razam jon dabraŭsia da Viciebska12

U Kobrynie bolš nie budzie vulicy Kalinoŭskaha12

Samit NATA pakazaŭ adsutnaść mocnaha lidara nakštałt Čerčyla — Bild3

Kaho siońnia možna nazvać sapraŭdnym patryjotam Biełarusi? Hutarka ź fiłosafam Barkoŭskim13

Hramadzianina Indyi, jak miarkujecca, uziali ŭ zakładniki ŭ Biełarusi9

bolš čytanych navin
bolš łajkanych navin

Zamach na Donalda Trampa: u jaho stralali ŭ čas vystupu ŭ Piensilvanii69

Zamach na Donalda Trampa: u jaho stralali ŭ čas vystupu ŭ Piensilvanii

Hałoŭnaje
Usie naviny →