Hramadstva22

«Znutry Biełarusi vajna ŭsprymajecca jak niešta dalokaje, nierealnaje, a zvonku — jak važnaje i zvyšdramatyčnaje» — sacyjołah Vardamacki

Sacyjołah Andrej Vardamacki ŭ novym vypusku prajekta «Mnie taksama nie padabajecca» raskazaŭ pra toje, jak źmianiŭsia ŭzrovień davieru da niezaležnych miedyja i jak pamienšyć infarmacyjny razryŭ pamiž dyjasparaj i biełarusami ŭnutry krainy. Asnoŭnyja tezisy navukoŭca pierakazała «Salidarnaść».

Andrej Vardamacki
Andrej Vardamacki

Šeść ź dziesiaci biełarusaŭ nie hladziać televizar: ci dobraja heta navina dla niezaležnych miedyja? Ci daviarajuć ludzi ŭ Biełarusi prapahandzie, čamu hramadstva depalityzujecca, i chto pieramahaje ŭ baraćbie za ŭvahu aŭdytoryi?

«Vierchniuju pazicyju ŭ ijerarchii tych ŚMI, adkul ludzi atrymlivajuć infarmacyju, usio ž zajmaje televizar — 41,5% respandentaŭ čerpajuć naviny adtul (heta studzieńskija źviestki, u paraŭnańni ź minułym hodam jany vyraśli — było 30%). Zatym idzie YouTube, a dalej — dziaržaŭnaje telebačańnie Rasii, zatym telehram.

Adnak ja nie staŭ by mierkavać pra pośpiech uładaŭ u terminach futbolnaha liku, tamu što situacyja składaniejšaja. I YouTube, jaki ŭ topie krynic infarmacyi na druhim miescy, u daminancie svajoj nie dziaržaŭnyja miedyja.

Niezaležnyja krynicy zajmajuć dosyć vysokuju pazicyju, i jość vialikaja kolkaść sacyjałahičnych indykataraŭ, jakija paćviardžajuć ich značnaść. Heta pieršy momant, jaki važna adznačyć. I druhi — kolkaść prahladaŭ, rejtynh nie aznačaje ŭpłyŭ.

Zhadajcie zbory tvoraŭ Brežnieva, jakija stajali ŭ pazałočanych vokładkach va ŭsich vysokich kabinietach — a z druhoha boku byli začytanyja da dzirak sšytki ź vieršami Vysockaha, jakija akazvali bolš upłyvu, čym uvieś šmatfinansavany brežnieŭski zbor tvoraŭ.

Situacyja takaja, što Trust Index ŚMI na hety momant roŭny — indeks davieru da niedziaržaŭnych miedyja nie mienšy, čym da rasijskich, jakija ciapier intensiŭna pranikajuć na terytoryju Respubliki Biełaruś.

Razryŭ jość, ale jon niaznačny. Heta značyć mierkavańnie, jakoje ciapier isnuje — što adbyŭsia rezki abvał davieru da niezaležnych miedyja, — nie adpaviadaje rečaisnaści».

Čamu biełarusy ŭ paraŭnańni z rasijanami nie schilnyja całkam vieryć dziaržTV? Na dumku Andreja Vardamackaha, na miedyjapavodziny ŭpłyvajuć niekalki pryčyn — u pryvatnaści, bolšaje praniknieńnie internetu ŭ Biełarusi, a taksama nieadpaviednaść «infarmacyjnaha pramiania», jaki tranślujecca telebačańniem, mientalitetu i čakańniam hramadstva.

«Možna kazać pra pavyšeńnie prahladu fonava-reflektornaha, — adznačaje sacyjołah, — «kab prosta išło». U svoj čas hetuju ž funkcyju vykonvała radyjokropka ŭ sielskaj miascovaści. Heta nie źviazana z hłybinnymi patrebami, prosta fon».

Razvažajučy pra toje, ci relevantny kantent niezaležnych miedyja dla biełarusaŭ, jakija znachodziacca ŭnutry krainy, ekśpiert taksama nie vykazaŭ aptymizmu:

«Kali kazać uvohule — nie. Pravodziacca rehularnyja vymiareńni z bazavym pytańniem: jakija asnoŭnyja prablemy ciapier stajać pierad krainaj. Miarkujučy pa apošnim vymiareńni, heta ekanamičnyja pytańni — rost cenaŭ, dabrabyt i h. d., a taksama ryzyka pramoha ŭklučeńnia Biełarusi ŭ vajnu z Ukrainaj.

Ja nie kažu pra toje, majuć racyju ludzi ci nie ŭ svaich acenkach, ale subjektyŭna jany ŭsprymajuć najvažniejšyja prablemy tak.

A kali pahladzieć na top-prablem u tematycy niedziaržaŭnych ŚMI, to jon krychu inšy. Tamu adbyvajecca pralot dvuch samalotaŭ u roznych pavietranych kalidorach, i ludzi ŭ kožnym ź ich nie viedajuć, što robicca ŭ tym, inšym samalocie».

Zrešty, miarkuje ekśpiert, jość i inšyja faktary, jakija ŭpłyvajuć na źnižeńnie rejtynhu niezaležnych miedyja, i sprava nie tolki ŭ błakavańniach i zabaronach na «ekstremiscki» kantent.

«Havorka pra niemahčymaść praktyčnaha vykarystańnia toj infarmacyi, u pryvatnaści, palityčnaj, jakaja pastupaje sa ŚMI. Chtości kaža, što ludzi «stamilisia ad palityki», ja b udakładniŭ: nie toje kab stamilisia, a ničoha nie mohuć źmianić, nie mohuć paŭpłyvać na toje, što adbyvajecca».

Jašče adzin vyklik dla miedyja, na jaki nie ŭpieršyniu źviartaje ŭvahu Andrej Vardamacki — praces «kakanizacyi» infarmacyjnych patokaŭ i śvietapohladaŭ, roznaści pamiž biełarusami ŭnutry Biełarusi i dyjasparaj.

«Upieršyniu heta vyjaviłasia na prykładzie staŭleńnia da vajny: «nie vajnie» i «niama vajny».

Znutry Biełarusi vajna ŭsprymajecca jak niešta vielmi dalokaje, nierealnaje abo maleńkaje, a zvonku — jak vialikaje, važnaje, katastrafičnaje i zvyšdramatyčnaje. Hetaja roźnica bačnaja i pa hieapalityčnych aryjentacyjach — na Jeŭropu albo na RF, ekanamičnamu samaadčuvańniu i h. d.

Prablema ŭ tym, kab hetyja kokany nie «zabietanavalisia», niedziaržaŭnym miedyja važna ich prabivać».

Kamientary2

  • babrujčanin
    08.04.2024
    80 hod tamu ŭ Paryžy Prazie bardeli kafiejni pracavali Ab vyzvalicielach pačuli pabačyli kali pobač prajezdžali..Ničoha dziŭnaha i dźla biełarusaŭ u rB
  • Saturn
    09.04.2024
    Sohłasien s nim. Vnutri Biełarusi, hdie ja živu, ludiej vołnujet ekonomika i sociałka, a za buhrom - vojna, vybory, vizy i palitviaźni, čto ludiam vnutri počti nikomu nie intieriesno.

Zamach na Donalda Trampa: u jaho stralali ŭ čas vystupu ŭ Piensilvanii69

Zamach na Donalda Trampa: u jaho stralali ŭ čas vystupu ŭ Piensilvanii

Usie naviny →
Usie naviny

Miesiacy karcaru i dva z pałovaj hady biez sonca. Jak małady minčuk prajšoŭ praz kałoniju i krytuju turmu5

Novyja Patriot i SAMP/T nie zmohuć abaranić Charkaŭ, Sumy, Mikałajeŭ i Čarnihaŭ — analityki

Za 40 km ad Minska jość unikalny biaspłatny hidrapark z vadaspadami, lesam, plažami i navat «džakuzi»2

U Biełaruś znoŭ zalacieŭ šachied. Hetym razam jon dabraŭsia da Viciebska12

U Kobrynie bolš nie budzie vulicy Kalinoŭskaha12

Samit NATA pakazaŭ adsutnaść mocnaha lidara nakštałt Čerčyla — Bild3

Kaho siońnia možna nazvać sapraŭdnym patryjotam Biełarusi? Hutarka ź fiłosafam Barkoŭskim13

Hramadzianina Indyi, jak miarkujecca, uziali ŭ zakładniki ŭ Biełarusi9

Biełaruskim błohieram zakručvajuć hajki — źmianili praviły publikacyi rekłamy ŭ sacsietkach. Padrabiaznaści1

bolš čytanych navin
bolš łajkanych navin

Zamach na Donalda Trampa: u jaho stralali ŭ čas vystupu ŭ Piensilvanii69

Zamach na Donalda Trampa: u jaho stralali ŭ čas vystupu ŭ Piensilvanii

Hałoŭnaje
Usie naviny →