Hramadstva2727

Što viadoma pra Viačasłava Hałahuckaha, jakoha emihranty vinavaciać u pracy na KDB

Dniami ŭ centr uvahi internaŭtaŭ trapiŭ Viačasłaŭ Hałahucki. Heta biełarus, jaki vydavaŭ siabie spačatku za byłoha dobraachvotnika, a paśla za achviaru režymu. Adnak jahonyja susiedzi zdoleli daviedacca, što jon dasyłaje źviestki pra biełarusaŭ zamiežža niejkim «kurataram». Imavierna — z KDB. Daviedalisia pra Hałahuckaha bolš.

Viačasłaŭ Hałahucki. Fota: Ukantakcie

Viačasłavu Hałahuckamu 46 hadoŭ. U intervju radyjo «Racyja», jakoje ŭžo vydalili z sajta vydańnia, jon nazvaŭ siabie «kandydatam navuk, vykładčykam techničnaha ŭniviersiteta i pradprymalnikam».

Vyras jon pablizu minskaj Kurasoŭščyny, paśla pastupiŭ u Biełaruski dziaržaŭny ŭniviersitet infarmatyki i radyjoelektroniki.

Spačatku pracavaŭ inžynieram na MTZ. A ŭ 2009-m Hałahucki pajšoŭ u biznes. Apošniaje pradpryjemstva, dzie jon dakładna pracavaŭ — TAA «Alpienštokplus». Jon ličyŭsia tam «dyrektaram pa raźvićci». Ale kampanija zbankrutavała ŭ 2016-m, toje ž zdaryłasia z rasijskaj firmaj, dzie Hałahucki byŭ siarod stvaralnikaŭ. Pra jahony dalejšy pracoŭny šlach ničoha nieviadoma.

Viadoma, što ŭ Hałahuckaha jość syn 2001 hoda naradžeńnia i žonka, ź jakoj jany razam paśla pracavali na zavodzie.

Niama nijakich źviestak pra jahonuju navukovuju abo vykładčyckuju karjeru.

Taksama ŭ intervju radyjo «Racyja» jon schłusiŭ pra zatrymańnie dy katavańnie.

Zhodna z bazami «Kibierpartyzanaŭ», pa stanie na siaredzinu 2021 hoda mužčyna nikoli nie pryciahvaŭsia ni da jakoj adkaznaści.

U bazach niama zapisaŭ ni pra administracyjny, ni pra kryminalny pieraśled. Jahonaje proźvišča tolki adzin raz źjaŭlałasia ŭ raskładzie sudoŭ — MTBank letaś padaŭ na jaho ŭ sud, bo Hałahucki nie płacić kredyt.

Jon dasłaŭ našym kaleham pastanovu suda, jakaja musiła b dakazvać jahony pieraśled. Ź jaje vynikaje, što jon napadpitku raźbiŭ čužuju mašynu, za što ŭ žniŭni 2022-ha Viačasłaŭ atrymaŭ štraf. Anijakaha palityčnaha składnika tam niama.

Skinuŭ jon i druhuju pastanovu, na pieratrus. Ź jaje vynikaje, byccam jon pakidaŭ pratesnyja kamientary ŭ niekalkich palityčnych telehram-čatach. Kamientaroŭ, jakija mahli b datyčycca sutnaści spravy, pad zhadanymi ŭ pastanovie publikacyjami my nie adšukali. Taksama ŭ pastanovie jość pamyłki — da prykładu, Viačasłava nazyvajuć u žanočym rodzie.

Viačasłaŭ Hałahucki. Fota ź jahonaj staronki ŭ Adnakłaśnikach

Schłusiŭ, zdajecca, i pra svoj dvaravy aktyvizm, i pra toje, što «adbivaŭ studentaŭ u siłavikoŭ na maršy 1 vieraśnia 2020 hoda». My raspytali ŭ pradstaŭnikoŭ roznych inicyjatyvaŭ pra toje, ci viedajuć jany Hałahuckaha i ci byŭ jon zaŭvažany na prateście 1 vieraśnia — adkaz byŭ admoŭny.

Adšukali my i sacsietki Hałahuckaha. U śpisach siabroŭ niama aktyvistaŭ demakratyčnaha ruchu. Zatoje jość vidavočnyja prychilniki Rasii ŭ vajnie, adzin ź jakich jeździŭ u tak zvanyja «DNR» i «ŁNR».

Adzin ź siabroŭ Hałahuckaha ŭ Adnakłaśnikach

Adzin z varšaŭskich aktyvistaŭ raskazaŭ nam, što bačyŭ Hałahuckaha ŭ placoŭcy «Zrobim razam» (tam raniej znachodziŭsia «Moładzievy chab») kala dvuch miesiacaŭ tamu. Surazmoŭca adznačaje, što zajšoŭ tudy pa spravach, anijakaha mierapryjemstva tam nie było. Surazmoŭcu zdałosia, što Hałahucki pavodziŭ siabie dziŭna:

«My doŭha razmaŭlali ŭ roznych častkach pamiaškańnia i na vulicy la ŭvachodu, i zaŭsiody niejkim čynam hety čałaviek źjaŭlaŭsia znoŭ i znoŭ. Choć ź im my dyskusiju nie padtrymlivali. Adčuvałasia, što jon namahajecca niešta pačuć».

Viadoma, što jon raspaviadaŭ roznym ludziam pra siabie roznyja historyi. Niekamu — što jon prafiesar univiersiteta, niekamu — što kandydat navuk i vykładčyk, niekamu — što bujny biznesoviec. Taksama jon pradstaŭlaŭsia to kalinoŭcam, to byłym palitviaźniem.

Heta suadnosicca z tym, što pisali pra jaho ŭ «Novym Časie». Susied Hałahuckaha raskazaŭ vydańniu, što ŭ pierapiscy z «kurataram» toj akurat i prasiŭ stvarać kantakty ź biełarusami ŭ emihracyi i źbirać pra ich infarmacyju.

Pa źviestkach našych surazmoŭcaŭ, materyjały pra Hałahuckaha ciapier razhladaje polskaja palicyja.

«Naša Niva» — bastyjon biełaruščyny

PADTRYMAĆ

Kamientary27

  • Art
    10.04.2024
    A Polša poka vyražajet hłubokuju ozabočiennosť, a zadieržať ahienta khb poka nie sobirajetsia?
  • Sie la vi
    10.04.2024
    Art, Polša normalnych biełorusov čmorit. 
  • korč
    10.04.2024
    Telefon niezaparoleny, pierapiska z kurataram dastupnaja kožnamu, chto zachoča pačytać, lehienda chaatyčnaja, chłuśnia naiŭnaja. U dadatak i pjanica. Haŭ**ny ahient. Chto jon nasamreč?

Bajden vychodzić z prezidenckaj honki46

Bajden vychodzić z prezidenckaj honki

Usie naviny →
Usie naviny

Prarasijskaja aktyvistka aburyłasia, što nie moža apublikavać fota ź bieł-čyrvona-biełym ściaham5

Na Rastoŭskaj AES adbyŭsia vybuch i Rasiju nakryła chvala radyjacyi? Pasprabavali razabracca1

Ivan Kraŭcoŭ treci raz zapar staŭ sakratarom Kaardynacyjnaj rady40

Śledam za krasnadarcami vyjšli patrabavać elektryčnaści i žychary Anapy1

«25 litraŭ za 2 hadziny». Hrybnyja trafiei ź lasoŭ stali bolš raznastajnymi3

«Minskija Patryki? Nie, Bikini Botam». Najlepšyja tvity tydnia4

Źjaviłasia FOTA z suda nad Ryka Kryhieram

Zamiest SMS — vyćcio siren. MNS choča pamianiać sistemu apaviaščeńnia padčas niepahadzi2

Ołaf Šolc dahetul hladzić lampavy televizar6

bolš čytanych navin
bolš łajkanych navin

Bajden vychodzić z prezidenckaj honki46

Bajden vychodzić z prezidenckaj honki

Hałoŭnaje
Usie naviny →