Rapart rasijskaha mabilizavanaha. Fota: Astra

Rapart rasijskaha mabilizavanaha. Fota: Astra

Rasijskich mabilizavanych, jakija napisali admovu ad udziełu ŭ vajennych dziejańniach, začynili ŭ kazarmie ŭ vajskovaj čaści №16871 u Prymorskim krai. Zaŭtra ich źbirajucca pad kanvojem adpravić na front va Ukrainu.

Svajaki 43-ch vajskoŭcaŭ ličać, što kamandavańnie dziejničaje niezakonna. Pavodle ich słoŭ, vajskoŭcaŭ, jakija admovilisia ŭdzielničać u bajavych dziejańniach, možna pryciahnuć da adkaznaści, adnak ich prymusovaja adpraŭka na front niedapuščalnaja, paviedamlaje Astra.

Žonka adnaho z mabilizavanych raskazała, što ŭ jaje muža niama niekalkich palcaŭ na nazie. Lekary skazali, što jon nie zmoža biehać, ale ŭsio adno pryznali prydatnym. U inšaha mabilizavanaha złamanyja abiedźvie ruki, a pad apiekaj čaćviora dziaciej. Tym nie mienš, jaho pryznali prydatnym da ŭdziełu ŭ vajnie suprać Ukrainy.

Skryn pierapiski mabilizavanaha sa svajakami. Krynica: Astra

Skryn pierapiski mabilizavanaha sa svajakami. Krynica: Astra

Usich, chto admoviŭsia, i inšych mabilizavanych — usiaho 93 čałavieki — začynili ŭ kazarmie pad achovaj vajskovaj palicyi. Kamandziry pravodziać «psichałahičnuju apracoŭku» mabilizavanych: kažuć, što jość zadača adpravić bryhadu na front. Adzin z aficeraŭ zaklikaŭ mabilizavanych «nie buntavać, tamu što naša sprava spraviadlivaja». Jon zajaviŭ, što ad mabilizavanych šmat što zaležyć, pakolki ŭkrainskaje vojska nibyta asłablenaje.

Asabovy skład dla adpraŭki na front sfarmavaŭ pałkoŭnik Dźmitryj Čarnienka. Heta adzin sa «śpiecyjalistaŭ pa «adkaźnikach» u rasijskim vojsku: raniej jon pasadziŭ u jamu mabilizavanych, jakija admovilisia vajavać, z adnaho z padraździaleńniaŭ, a zatym stralaŭ u ich nad hałovami, sprabujučy adpravić ich na pieradavuju.

Čytajcie taksama:

Jak pracuje zahradatrad u rasijskaj armii VIDEA

Ukrainskija śpiecsłužby atrymali dostup da asabistaj pierapiski rasijskaha hienierała

Ukraincy adbili pad Aŭdziejeŭkaj adnu z samych bujnych tankavych atak za ŭvieś čas vajny FOTA

Hienierał FSB u adstaŭcy prahnazuje, što ŭkraincam udasca vyjści nazad da Azoŭskaha mora

Клас
4
Панылы сорам
3
Ха-ха
10
Ого
2
Сумна
2
Абуральна
10