Hramadstva55

Pamior Mikoła Malaŭka

Na 83-m hodzie žyćcia pamior biełaruski piśmieńnik Mikałaj Malaŭka, paviedamiŭ BiełTA jahony najlepšy siabar piśmieńnik Mikoła Čarniaŭski. Jany siabravali bolš za 60 hadoŭ.

Mikoła Malaŭka

«Učora dniom patelefanavała žonka Mikoły i paviedamiła, što jon prykładna ŭ 13:30 cicha pajšoŭ z žyćcia», — skazaŭ Mikoła Čarniaŭski.

Mikoła Malaŭka naradziŭsia 13 śniežnia 1941 hoda ŭ vioscy Mikałajeŭščyna Staŭbcoŭskaha rajona.

Pisać vieršy jon pačaŭ jašče ŭ školnyja hady. Malaŭka aŭtar paetyčnych zbornikaŭ «Jeduć marazy», «Łotać», «Koła», «Dar», «Dzička ŭ poli», «Słaniečnik», «Ramans na dva hałasy», «Słuchaju doždž». Šyrokuju viadomaść atrymali zborniki vieršaŭ «Zimni doždž», kniha liryki «Rušničok na kryžy», etnahrafičnaja kniha «Siadziba, abo Chata z matčynaj dušoju» i inš.

Samaj važnaj knihaj u svaim žyćci Mikoła Malaŭka ličyŭ zbornik «Staraja ziamla», u jaki ŭvajšło kala 300 sanietaŭ. Hetaja kniha pryśviečanaja jahonaj rodnaj vioscy i jaje žycharam.

Na vieršy paeta byli napisany pieśni, pavodle dramatyčnych tvoraŭ stavilisia śpiektakli. Jon łaŭreat Litaraturnaj premii imia Arkadzia Kulašova i inšych uznaharod.

Pavodle słoŭ Mikoły Čarniaŭskaha, raźvitańnie ź Mikołam Malaŭkam budzie prachodzić u Minsku na vuł. Kulman, 33A, 6 krasavika z 9.00 da 10.00. Pachavańnie projdzie na radzimie niabožčyka — u vioscy Mikałajeŭščyna Staŭbcoŭskaha rajona.

Čytajcie taksama:

Pamierła Leta Justynovič

Pamior kaliści viadomy błohier Ciełahrejkin

Pamior biełarus Alim Kašavaraŭ, jaki hieraična ratavaŭ ludziej u «Krokus Sici Chole»

Kamientary5

  • Vierš
    05.04.2024
    Mikoła Malaŭka (1941-2024)
    KAINAVA PIAČAĆ

    Ludziej nie caniła epocha.
    I za žyćciom u čarzie
    Na Stalina, jak na boha,
    Malilisia kainy ŭsie.

    Paklopy stračyli spakojna,
    Z trybuny kryčali ŭzachlob -
    I jon dziaržaŭnaj rukoju
    Błahasłaŭlaŭsia, paklop.

    Śpiavali pra mir pijaniery,
    A ich baćki i dziady
    Bajalisia stuku ŭ dźviery,
    Jak samaj vialikaj biady.

    Vinu vybivali luta,
    I lohka było sudu:
    Nie ŭstanuć ź niabytu ludzi,
    A značyć - kancy ŭ vadu.

    "Zabojcy!" - klali achviary.
    Pra heta sudździ maŭčać,
    Dy prastupaje na tvary
    Kainava piačać.

    U sile jano, praklaćcie,
    I pa siahońniašni dzień -
    I ciažka z takoj piačaćciu
    Schavacca ŭ minułaha cień.

    Bajacca kainy praŭdy.
    Zhubiŭšy dušu nie adnu,
    Jany na Stalina prahnuć
    Zvalić i svaju vinu.


    Maŭlaŭ, i karaŭ najbolej,
    I piłavaŭ jon, uładar.
    A chto ŭładaru jak bohu,
    Achviary prynosiŭ u dar?

    Ci, moža, byli nie rady,
    Kali ad boha ŭ Kramli
    Atrymlivali pasady,
    I zvańni, i miedali?

    Pra toje, za što ŭznaharody,
    Jany, viadoma, maŭčać,
    Dy ich vykryvaje zaŭsiody
    Kainava piačać.

    Reabilitavany achviary,
    A im - apraŭdańnia niama:
    I śmierć nie satre na tvary
    Haniebnaj piačaci-klajma.
  • Vierš
    05.04.2024
    Mikoła Malaŭka (1941-2024)
    RODNAJA MOVA - ADNA

    Byvajuć movy blizkija,
    A rodnaja - adna.
    I nad majoj kałyskaju
    Schilałasia jana.

    Z matulaju za hreblaj
    U kopy siena hrebła,
    Śpiavała - čuŭ zdalok:
    "Ciače vada ŭ jarok..."

    I na žnivie, byvała,
    Taksama zapiavała
    Pad muzyku siarpa:
    "A ŭ poli viarba..."

    Pačućciaŭ nie taiła
    I klikała-prasiła:
    "Laci, laci, moj miły,
    Pazyč u ptuški kryły..."

    Na čoŭnie viesłavała,
    Jak pra siabie, byvała,
    U rečańki pytała:
    "Čamu ž ty nie poŭnaja,
    Ź bieražkom nie roŭnaja?..."

    Zdarałasia, i płakała,
    Dy nie rabiła zła,
    Da hora abyjakavaj
    Nikoli nie była.

    Adnak duša ščymieła,
    Marnieła z hodu ŭ hod,
    Niby asiracieła,
    Niby prapaŭ narod.

    Žyła adna ŭ zapiečku
    Z panikłaj hałavoj,
    Bajałasia, što śviečku
    Pastaviać joj, žyvoj.

    Praz sud viali za kraty,
    Hłumilisia ź jaje,
    Dy nie zabili katy -
    Čužyja i svaje.

    I vyjšła hanarova
    Z zapiečka, jak z turmy,
    Kab ź joj, dziaržaŭnaj movaj,
    Narodam stali my.
  • Dziakuj
    05.04.2024
    Vierš, vielmi aktualny vierš u 2024m hodzie.

Zaleva ŭ Minsku, vierahodna, była najmacniejšaj za ŭsiu historyju nazirańniaŭ2

Zaleva ŭ Minsku, vierahodna, była najmacniejšaj za ŭsiu historyju nazirańniaŭ

Usie naviny →
Usie naviny

Vysokaintensiŭnyja fizičnyja nahruzki ŭ staraści palapšajuć pamiać

U Śviatłany Cichanoŭskaj mianiajecca daradca pa pravavych pytańniach23

Łatuška zaklikaŭ žurnalistaŭ i pravaabaroncaŭ ź Jeŭropy skarystacca ź biaźvizu8

Rabotnicy suda pahražaje da 12 hadoŭ za «zakliki da sankcyj i abrazu Łukašenki»4

Transpartnyja srodki ź biełaruskimi numarami nie zmohuć zajazdžać i ŭ Estoniju7

Na nastupnyja vychadnyja adnaŭlaje pracu lehiendarny «Reaktar». Hulać buduć try dni5

«Ty nie karenny aŭstralijec, a ja karenny ruski». Były premjer Aŭstralii raskazaŭ, jak 10 hadoŭ tamu pahavaryŭ z Pucinym pra Ukrainu6

Łukašenka pamianiaŭ namieśnika ministra abarony2

Minlashas zaklikaŭ biełarusaŭ najbližejšymi tydniami nie chadzić u hryby1

bolš čytanych navin
bolš łajkanych navin

Zaleva ŭ Minsku, vierahodna, była najmacniejšaj za ŭsiu historyju nazirańniaŭ2

Zaleva ŭ Minsku, vierahodna, była najmacniejšaj za ŭsiu historyju nazirańniaŭ

Hałoŭnaje
Usie naviny →